¹ Chalingiwile hanima ya mujimbu uje Yesu waputukile bungendthzi bwa kuthenguluka mubi mbaka na mu membo,kulongetha na kwambulula bing'anda bya bibwa bya bumwene bwa Njambi. Baje likumi na babali hamo nendi, ² hamo lika na banakathzi baje bakangwithile ku mindthzindthzime ya kujwala na mishongo: Maliya uje nathanene Mangandalena,uje batundthile mamba atanu abali; ³ Johana, mukakathzi wa Chuza, uje wapwile mukulunu kubipangi bya Helonda;Suzana; na bakwabo babengi, baje,mubwingi bwa bufuko bwabo, banenele bya kulikwatha babyo. ⁴ Omwo mbunga ya banu bakele na kukunguluka, cho banu bakele na kwija kuli ikeye kufuma mbaka na mbaka, wabatelele chithimo ngwendi: " ⁵ Njimi umo walile na kukuba mbuto yendi. Omwo wakele na kukuba,imo mbuto ya wililile mu ngila cho ya lyatiwile, cho tithzila ba mwilu bailile. ⁶ Ikwabo ya wililile ha limanya,cho hajebene ya sokele na kukona,cho ya yalehukile,mwafwa kukwakele mema. ⁷ Ikwabo ya wililile ha mingonga, cho mingonga ya kolele hamo na ije mbuto cho itiba. ⁸ Oloni ikwaba ya wililile ha libu lya libwa cho yemine bimbuto bikwabo bije bya pwile byabingi." Omwo Yesu wamanethele kwendeka ebi byuma, watambekele ngwendi, "Woshe ali na matwi a kuthziba,napande kuthziba." ⁹ Bandongethi bendi ba mwihwile muka echi chithimo cha lumbununa. ¹⁰ Wendekele kuli bakebo ngwendi, "Mangana abushweke bwa bumwne bwa Njambi bana myenabyo,oloni kubeka njeka mu bithimo,linga 'Kumona ba kamona,na kuthziba oloni kubaka thzibithitha.' ¹¹ Cho kulumbununa kwa chithimo oku: Ije mbuto inapu lijwi lya Njambi. ¹² Ije mbuto ya wililile mu ngila inapu baje bathzibile,oloni lyobolo wethzile na kubatambula lije lijwi muje mubi mbunge byabo linga kethi ba kulahele na kwoboka. ¹³ Cho ije ya wililile ha limanya inapu baje,omu bathiziba lijwi,balitambula na mbwathe.Oloni kubethi na mithzi; bakulahela lika mukathimbu kakandondo,oloni muthimbu ya kubetheka bakawa. ¹⁴ Ije mputo ya wililile mu mingonga inapu baje banu bathziba lijwi,oloni muje bali nakuya mungila yabo, babahowetha ha mulonga wa kwakela mangana kubufuko na mashungu a myonyo yabo,cho bushuka bwabo kubuka kolo. ¹⁵ Oloni mbuto ije yawililile ha libu lya libwa,baje bakebo, bakathzibi lijwi na mbunge ya kwoloka na mashungu a mabwa, cho bikakwata na kwaka bushuka na kukakateya. ¹⁶ Naumo wahi atha shwameka ndeya yendi na kuifwika na lilonga nambe kuyaka mwithi ya mwela. Oloni,akayaka haje habwimaneno bwa ngeya linga woshe uje akobela linga aimone. ¹⁷ Mwafwa byahi byuma bya kusweka bije kubakatha kuthzibuka,nambe chisweka choshe chije kabakatha kuchithzibuka. ¹⁸ Cho thzibilile manene,kuli uje ali nabyo,baka mwana lalo bya bibingi,oloni kuuje kethi nabyo,nabije alina kuthinganyeka bakamutambula byo." ¹⁹ Cho baina na bandolome bendi bethzile kuli ikeye, oloni kubathele kweta muyehi nendi mwafwa wa mbunga ya keleko. ²⁰ Bamulekele ngwabo, "Banyoko na bandolome bobe banemana hanja, bali nakutonda kukumona." ²¹ Oloni Yesu wabakumbulwile ngwendi, "Banana na bandolome bange banapu baje balinakuthzizba lijwi lya Njambi na ku lyononokela." ²² Cho litangwa limo wakobelele mu bwato hamo na bandongethi bendi,cho wendekele kuli bakebo ngwendi, "'Tuyeni muthambwa lya lishali." Cho bajabukile. ²³ Cho omwo bakele na kujabuka cho wawilile mutulo cho wakosele. Cho lihunthzi lya kama lya manjimba lya kutewetha lyethzile haje ha ndonga, cho mema a putukile kukobela muje mu bwato,cho bapwile mubukalu manene. ²⁴ Cho bandongethi bendi bethzile kuli ikeye na kumwindula,bendekele ngwabo, "Shukwanana! shukwanana!tuli na kuthsa!" Wendukile na kutenukila lihundthzi na mankimba a mema,cho lyechelele, cho kwolendamene. ²⁵ Cho wendekele kuli bakebo ngwendi, '' Likulahelo lyeni lilikuli?" Oloni bakebo bathzibile lyoba na kulikomokela,cho balihwohwethzele umo na mukwabo ngwabo, "Iyajo kumani ou,uje aka mbeye na lihumthzi na mema, cho limuthzibile ikeye?" ²⁶ Bajubukile ku mutambela wa Ngalasesi,uje uli muthambwa ya lishali lya Ngalileya. ²⁷ Omwo Yesu wajabukila na kwenda hanunda,waliwanene na munalume uje wa munganda ije wakele na mamba. Kathzalele buthzalo bwendi thimbu mu thimbu ya laja, lalo kakele na kukele na ku kala mu njubo oloni wakele na kuyoya ha bibumbo. ²⁸ Omwo wamwene Yesu,walilile na lijwi lya kutambeka cho wawililile hathi halutwe lwendi cho wendekele na lijwi lya kukanguka ngwendi, ''Bikajo unatha kulinga kuli yange, Yesu,Muna Njambi wa ndthzili yoshe? njilinakukulomba,kethi unji yandethe." ²⁹ Cho Yesu wakambeyeye ije mindthzindthzime ya kujwala kutunda muli uje munalume.mwafwa hathimbu ya kama kubamwechelele ,nambe ba mukutile mu mawenge na tungunju na kumunyunga,wathele kubatuka malyenge endi cho mamba mwendethele na kumutwala mu mambo. ³⁰ Cho Yesu wamuhwile ngwendi, "Yobe iya lithzina lyobe?" Wakumbulwile ngwendi, ''Legina, "mwafwa mambo babengi bamukobelele. ³¹ Batwaleleho na ku mulomba ngwabo kethi athe aba twale mu abisi. ³² Cho kwakele butanga bwakama bwa bangula bwakele kuje na kulya ku thamba lya munkinda. Mamba bamulombele ngwabo bathe kukobele muje mubingulu, cho wabatabethele. ³³ Cho mamba batundile muli uje munalume na kuya nakukobela mubingulu, cho bingulu bashatukilile muli shali na kuthziminina. ³⁴ Baje bakele na kunyunga bingulu omwo bamwene bije bya lingiwile, cho baile na kwambulula bije mu mbaka na mulifuti lyoshe. ³⁵ Cho banu baile na kukamona bije ba lingiwile, cho bethzile kuli Yesu cho bawanene uje munalume wakele na mamba natundile. Watumbamene ku mendi a Yesu,nathzala cho wakele mukangule; cho bathzizbzle lyoba. ³⁶ Baje bamwene bije babalekele muje uje munalume wakele na mamba muje bamukangwithile. ³⁷ Cho boshe baje banu mu lifuti lya Ngalasenesi bamulombele Yesu kutunda kuli bakebo, mwafwa bakele na lyoba lya kama manene. Cho walondele mubwato na kujabuka. ³⁸ Uje munalume wakelele na mamba watuhukile walambelele Yesu linga athe kuya nendi,oloni Yesu wamukondwele,nakwendeka ngwendi, ³⁹ ''Iluka kwimbo lyeni cho ukendeke mwa kushula bije Njambi na kulingila byo?" Uje munalume waile,na kwambulula mu mbongi yoshe bije Yesu na mulingilabyo. ⁴⁰ Cho omwo Yesu welukile,mbunga ya mutambwile, mwafwa bakele na kumu bandamena. ⁴¹ Kengeni,munalume walithzina lya Jailosi,uje wapwile umo waba ntwama muSinangonga,wethzile na kuwila ku mendi a Yesu,cho wa mulambelelele linga athe kuya ku njibo yendi ⁴² mwafwa munendi wa munakathzi, mwanike wa mumbanda wa myaka likumi na ibali,watondele kuthsa. Omwo Yesu wakele mungila,mbunga yakama bamuthzengulukile. ⁴³ Cho kwakele munakathzi wakele na kwitisha maninga ha myaka likumi na ibali cho wapangethele bimbongo byendi byoshe cho naumo wahi wathele kumukangwitha. ⁴⁴ Cho wethzile munima ya Yesu na kwija nakukwata shongo ya muthzalo bwendi,cho kwititha maninga kwendi kwechelele. ⁴⁵ Yesu wendekele ngwendi, "Iyajo na njikwata?" Boshe ba byanene, Petulu wendekele ngwendi, ''Shukwanana,mbunga ya banu ya kuthzenguluka cho bali nakulithindikila kuli yobe." ⁴⁶ Oloni Yesu wendekele ngwendi, "Kuli umo na njikwata,mwafwa njinathzibe nthzili yange unatundu muli yange." ⁴⁷ Omwo uje munakathzi kathele kusweka,wethzile na kulijajele cho wawililile kulutwe lwendi. Mukati kabanu babengi wathele kwendeka bika nathele kumukwatela na muje bene wathele kukanguka hajebene. ⁴⁸ Cho wendekele kuli ikeye ngwendi, "Munange wa munakathzi,likulahelo lyobe lina kukangwitha. Ya mu kwoloka. ⁴⁹ Omwo wachikele na kwendeka,umo wethzile kutunda ku Sinangonga munjubo ya uje ntwama,wendekele ngwendi, "Munobe wamunakathzi nathsi. kethi upakethe mulongethi lalo." ⁵⁰ Cho omwo Yesu wathzibile ebi,wakumbulwile ngwendi Jailosi, ''Kethi uthzibe lyoba; kulahela lika,cho aka kanguka." ⁵¹ Muje mubetele muje munjubo, katabethele kukobelamo , kubanga Petulu,John na Yakomba, na baishe na baina ya mwana. ⁵² Cho boshe bakele na kulila na kulinyenga hali ikeye,oloni wendekele ngwendi, ''Kethi mulile; kathsile oloni na lala tulo." ⁵³ Oloni ba mujolele, mwafwa bathzibukile ngwabo nathsi. ⁵⁴ Cho wamukwatele kuliboko na kutambeka,na kwendeka ngweni, "Mwanike,induka!" ⁵⁵ Cho sipilitu yendi yelukile,cho wendukile haje bene. Cho wabalekele ngwendi bamwane bya kulya. ⁵⁶ Bithemi bendi balikomokelele,oloni wabalekele ngwendi kethi bathe kuleketha umo bije bya lingiwile.