¹ Hanima Yesu wamanethele kwendeka byuma byoshe bibathzibile banu,cho wakobelele mu Kapenauma. ² Lalo mukulunu wa maswalale wakele na ngamba uje yalethele mannene ikeye babenya,cho cho wababalele manene lalo wakele kuyehi na kutonda kusthsa. ³ Omwo uje mukulun wa maswalale wa muthzibile bya Yesu,watumine balunu baba Yuleya bakamuthane mangana aije aku kangwithe ngamba yendi. ⁴ Omwo bethzile kuli Yesu,bamulombe mwachili,nakwendeka ngwabo, "Chachibwa kukala nobe ku mukingila echi. ⁵ mwafwa wathzema lifuti lyetu,lalo ikeye watungile Sinangonga yetu." ⁶ Cho Yesu watwaleleho ngila yendi hamo nabo. Oloni omwo wakele kulako na njubo,uje mukulunu wa maswalale watumine babuthamba linga bamuleke ngwabo, "Mwene,kethi ulipakethe,mwafwa kunjapandele mangana uka kobele munjubo yange. ⁷ Hamulonga wechi njalipwile kupwa wakutelamo yange babenya,oloni endeka lika lijwi cho na ngamba yange akanguka. ⁸ Mwafwa nange nawa nji munalume uje ali na ndthzili,na maswalale munima yange. Njendeka kuli ou ngwange, 'Ya,' cho aya,cho na mukwabo ngwange, 'Ija,' cho lalo aija,na kubangamba bange,linga 'echi,' cho achilinga. ⁹ Omwo Yesu wathzile ebi ,cho walikomokelele hali ikeye, cho watengulukile ku mbunga yakele na kumukabangeya nakwendeka kuli abebo ngwendi, "'Njendeka kuli yeni ngwange,nakumo kwahi kunjinawana likulahelo eli muno mu Isalela.'' ¹⁰ Omwo baje batumine ba batumine belukile kuje kunjubo,bakawanene uje ngamba na kanguka. ¹¹ Hanima ya bije,Yesu waile mu mbaka ije yathaniwile Naini,cho bandongethi bendi na mbunga yakama baile hamo nendi. ¹² Omwo wetele muyehi na bikolo bya mbaka,Kenga,munalume uje wathsile bakele na kumutuhula,mwana wa munalume lika (Uje wapwile fwile),cho wakele na mbunga yakama kutunda kumbaka bakele nendi. ¹³ Cho omwo Shukulu wa mumwene,wamuthzibilile manene ng'eke.Cho wendekele kuli ikeye ngwendi,"Kethi ulile." ¹⁴ Lalo waile helu cho wakakwatele ku kashawu muje mubambatelele uje mubila,na baje bambatele kashau bambatele bemanene,Cho wendekele ngwendi,"Mwanike wa munalume,njendeka kuli yobe ngwange imana." ¹⁵ Uje munalume wathsile watumbamene cho waputukile kwendeka,cho Yesu wamwanene kuli baina. ¹⁶ Cho boshe bathzibile lyoba,cho boshe bashangathzalele Njambi,nakwendeka ngwabo, "Kapolofita wakama bana twanaye hakati ketu" na "Njambi neja nakunyunga banu bendi." ¹⁷ Ou muthzimbu wa Yesu watandele kwoshe ku mutambela wa Yuleya nakumitambela yahayehi. ¹⁸ Bandongethi ba Yowano bamulekele byuma byoshe. Bandongethi ba Yowano bamulekele byuma byoshe. ¹⁹ Cho Yowano wathanene bandongethi bendi babali na kubatuma kuli Shukulu nakwendeka, "Yobe ulunakwija,indi tutonde weka lalo? ²⁰ Omwo bethzile muyehi na Yesu,banalume bendekele ngwabo, "'Yowano muka kumbwitika nattutumu kuli yobe na kwendeka ngwendi, 'Yobe ulina kwija indi tutondeko weka?"' ²¹ Ha hola ije wakangwile babengi ku mishongo na tuyando na minthzinthzime ya yebi,na tupuputwa babengi ba batonethele. ²² Yesu wabakumbulwile na kwendeka kuli bakebo ngwendi, "Omwo mu muya mungila yeni,yeni mukambulule kuli Yowano ebi ni munamono na kuthziba, Tupupytwa bali nakumona,baka kuthsekwa mendi bali na kwenda,baka Tulepa balinakuthanikwa,tuthendwa matwi bali nakuthziba,banu bakuthsa balina kubendula ku bathsi,nba banahono balina kubaleka muthzimbu waubwa. ²³ Munu uje katha kwechela kukulahela muli yange napu bethzika." ²⁴ Hanima ya batumwa ya Yowano banayi honi, Yesu waputukile kwendeka bya Yowano ku mbunga, "Bikajo imwaililile mu mamba na kuya na kukamonajo? Lihongo lya kubenga lije bajajethele ku lihunthzi? ²⁵ Oloni bikajo bimwailile kuya nakumona? Munalume wathzalele buthzalo bwa kutula? Taleni,baje banathzala buthzalo bwa ndando yakama cho baje bali na buyoye bwa chili na binjibo bya bimwene bya ndando yakama. ²⁶ Cho bikajo bimwaile na kumona? Kapolofita ndi? Emwane,njendeka kuli yeni, lalo bya bingi kutubakana kapolofita. ²⁷ Ou ikeye uje nathonekewa, "Kengeni,njilinakutuma baka kwambulula,thimbu kanda ku mesho obe,baje bakakubwahetha ngila thimbu kanda. ²⁸ Njendeka kuli yeni ngwange, hakati kabaje banathemuka kuli banakathzi wahiwo waku hyana Yowano. Olojoni na uje wamundondo mu bumwene bwa Njambi napu wakama." ²⁹ (Omwo banu boshe bathzile ebi,hamo na baka kakutambula lithimu, Njambi natambula buthunga,mwafwa batambimbwile ku mbwitika kwa Yowano muka kumbwitika. ³⁰ Oloni ba Faliseo na baje bathzibuka majwi amshiko ba byanene kushaka kwa Njambi bakebo babenya,mwafwa kubaba mbwitikile kuli Yowano muka kumbwitika.) ³¹ "Bikajo,lalo,ninatha kwetheketha banu ba chino chokota? Bafwa bati? ³² Banapu ngwe banike balina kwehela ku mutambela wa kulandethela,baje banatumbama cho balinakutambeka ngwabo, 'Twamimbilile mbendo,cho kumwakinine.Twembile myatho ya haya kuthsa, cho lalo kumwalilile.' ³³ Mwafwa omwo Yowano muka kumbwitika wathzilile kulya na kunwa binyu,cho mwendeka ngweni, 'Alina na mamba.' ³⁴ Cho Muna Munu wethzile na kulya na kunwa,cho mwendeka ngweni, 'Kengeni,ou munlume wakujujuka cho wapwa muka kupenda,kabuthamba wa baka kutambula lithimu an baka bubi!' ³⁵ Ngechibene mana anasholoka kupwa a buthunga ku bana bendi boshe." ³⁶ Kafaliseo umo wathanene Yesu ngechi akalye nendi.Cho Yesu wakobelele munjubo ya ba Falaiso,watumbamabmene kumetha na kulya nabo. ³⁷ Kengeni,kwakele munakathzi umo munganda muka bubi. Omwo wabanene natumbama hamo na ba Faliseo bali kumetha bali nakulya munjubo ya ba Faliseo,wanenele nganja yakama ya mathzi a lwengo. ³⁸ Thimbu wemanene kunima yendi kuyehi na myanja yendi,walilile,cho waputukile kujulitha myanja yendi na mithothzi yendi,cho waathikumwine na bing'ambu bya kumutwe wendi cho wathsembele myanja yendi na kuibwahetha na mathzi a lwengo. ³⁹ Omwo uje ka Faliseo uje wathanene Yesu omwo wamwene ebi,wathinganyekele,nakwendeka ngwendi, ''Ngwe ou munalume wa pwile kapolofita,ngwe na thzibuka na chifwa muka ou munakathzi ali nakumukwata, mwafwa wapwa mukabubi." ⁴⁰ Yesu wamukumbulwile na kwendeka kuli ikeye ngwendi, "Simona, Kunjethi na bimo bije binjatha kwendeka luli yobe," Wendekele ngwendi, "Endeka,Mulongethi!" ⁴¹ Yesu wendekele ngwendi, "Munalume umo muka kwana mikongowakele na baka kwambata mikuli babali. Ou umo wakolotele mandenali abita bitanu, cho uje mukwabo ikeye wakolotele makumi atanu. ⁴² Omwo bonowele kumufweta,wabakonekelele boshe. Choni, iajo wabaje babali wamuthzemene manene?" ⁴³ Simona wamukumbulwile na kwendeka kuli ikeye ngwendi, "Njakulahela uje wakonekele manene." Yesu wendekele kuli ikeye ngwendi," Chili unabatula mwachili chili." ⁴⁴ Cho Yesu watengulukile kuli uje munakathzi na kwendeka kuli Simona ngwendi, "Unamumono ou munakathzi. Njakobela munu munjubo yobe. Kuwanjanene mema akutana ku myanja yange,oloni ikeye natanetha myanja yange na mithothzi yendi cho lalo nathikumuna na bing'ambu byendi. ⁴⁵ Cho yobe kuwa nji thsembele,oloni kutunda ha thimbu njinaija cho kechelele ku thsemba myanja yange. ⁴⁶ Cho kuwabwabethele mutwe wange na mathzi,oloni ikeye nabwabetha myanja yange na mathzi alwengo . ⁴⁷ Choni njendeka kuli yobe ngwange, " Bubi bwendi bana bukonekela,bubi bwendi,buje bwapwile bwa bwingi, banabu konekela - mwafwa wathzemene Njambi manene. Oloni uje nakonekela kabundondo, banathzeme kabundondo. ⁴⁸ Cho wendekele kuli ikeye ngwendi, "Bubi bwa bwobe bana bukonekele." ⁴⁹ Baje batumbamene hamo nendi mumetha baputukile kwendeka hakati kabo ngwabo babenya ngwabo, "Iyajo ou atha kunonekele bubi?" ⁵⁰ Cho Yesu wendekele kuli munakathzi ngwendi, "Likulahelo lyobe lina kwobola.Cho ya kwoloka."