¹ Omwo chiwano cha kulya likende lya kujeneka muthima cha kele muyehi,chije batumbwile Paseka. ² Mukulunu waba kulombelela na balongethi ba majwi a mashiko batondekele ngila muka iba kawana yakuthiya Yesu,mwafwa bakele na lyoba kubanu. ³ Cho satana wakobelele muli Yundase,uje batumbwile Isikalyote,umo wabaje likumi na balali. ⁴ Yundase waile kuli bakulunu baba kulombelela na ba myata nakwendeka nabo kuwana ngila muka bakenda bungungu Yesu. ⁵ Babwahelele na kulithzibathana nendi kumwana bimbongo. ⁶ Cho watabele nakutonda ngila imo yaka mukundika kuli bakebo kufuma ku mbunga. ⁷ Cho litangwa lya kulya likende lya kujeneka muthima lyetele,lije muna manga baka muthsiya ku mulinga nkombelo. ⁸ Yesu watumine Petulu na Yowano,wendekele ngwendi, "Yeni mukatubwahethele kulya kwa Paseka,linga tuka chilye." ⁹ Bendekele kuli ikeye ngwabo, "Kulijo ushaka ngechi tukachi bwahetheleko?" ¹⁰ Cho wabakumbulwile ngwendi, "Kengeni,muje muka kobela munganda,mukali wana na munalume nambata njaba ya mema. Mukabane na kweta kunjibo akakobela. ¹¹ Cho endekeni kuli ikeye babenya njibo, 'Mulongethi nendeka ngwendi, "Buli kuli bulili bwa bangethzi,kuje akalila paseka naba ndongethi bendi?'" ¹² Cho aka mi mwetha bulili bwa kama bwa hakamwa.Cho mukabukwahethe muje." ¹³ Cho baile,bakawanene ngwe muje bene mwendekelele kuli bakebo. Cho babwaethele kulya kwa Paseka. ¹⁴ Cho omwo hola yetele.watumamene hathi na miluwa bendi. Cho ¹⁵ wendekele kuli bakebo ngwendi, "Njashaka manene kulya neni paseka thimbu kanda njiyande. ¹⁶ Omwo njimileka ngwange.kunji kali lalo neni kubanga china lithulithilila mu bumwene bwa Njambi bunaija." ¹⁷ Cho Yesu wambatele nganja omwo wamanethele wakandelele.nakwenda ngwendi, "Tambuleni echi,mulipangele umo na mukwabo. ¹⁸ Mwafwa njimileka ngwange,kunjikanu lalo bushukwa bwa binyu eyi kubanga bumwene bwa Njambi bunaija." ¹⁹ Cho wanonele likende,omwo wakandelele.walipujwile,wabanelyo,wendekele ngwendi, "Ou mubila wange, ubanana hali yeni. Mukalinge echi mukunjanuka." ²⁰ Wambatele nganja muchifwa chimo hanima ya kulya cha kulalela,wendekele ngwendi, "Eyi nganja inapu chikumiyo cha chihya cha maninga ange,aje anetikila hali yeni. ²³ Oloni kengeni mwachili.Liboko lya umo aka njenda bungungu lili nange kuno ku metha. ²¹ Mwafwa muna munu kaya muje bene bachiyongwelele. Oloni ngongo yendi munalume amwenda bungungu!" ²² Cho baputukile kulihothzola babenya iyajo akatha kulinga chuma echi. ²⁴ Cho mwa katukile bimapta mukati kabo iyajo wakama mukati kabo. ²⁵ Wendekele kuli bakebo ngwendi, "Bimyene ba mafuti a ba Njetile bapwa bimyene hali bakebo,na baje bali na ndthili hali bakebo bapwa bakakulinga bya bibwa. ²⁶ Oloni kucha telele kufwa muje akati keni. Oloni,echeleni uje wakama hakati keni napande kupwa wa mundondo,echeni uje napu wakama apwe uje mukakumipangela. ²⁷ Iyajo wakama,uje natumama ku metha,nambe uje ali kumipangela? ngwetu uje natumama ku metha? oloni yange njili hakti keni ngwe muka kumipangela? ²⁸ Oloni yeni muna twalelela nanga mutuyando twange. ²⁹ Njinamyana bumwene,ngwe muje Tate na njanabwo bumwene. ³⁰ Linga mukalye na kunwa ku metha mu bumwene,cho muka tumbama ha matanda abuswana na kusompa malimi likumi na wa bali a Isilaele. ³¹ "Simona,Simona,tala, satana nakulombo.linga akaku pepe ngwe tiliku. ³² Oloni yange njanakulombelela,linga kukulahela kwobe kethi kuwe.Hanima ya kutenguluka kwobe lalo,ukatakametha bandolome bobe." ³³ Petulu wendekele kuli ikeye ngwendi, "Shukulu,njina libwahethela laja kuya mu kamenga na kuthsa nobe. ³⁴ Yesu wamukumbulwile ngwendi, "Njikuleka ngwange, Petulu,ndemba katambeka buthsiki buno,ukanji byana lutatu ngwabo kuunji thzibuka." ³⁵ Cho Yesu wendekele kuli bakebo ngwendi, "Omwo njimituma kwa kujeneka lipakumuna,ngonga nambe bing'aku,mwa jenekele chuma chimo ndi?" ³⁶ Cho wendkele kuli bakebo ngwendi, " Oloni thimbu ino,uje alina lipakumuna,napande kwambata. na ngonga lalo na pande kwambata. Cho uje najeneka mukwale napande kalndetha kathzaku kendi alande mukwale. ³⁷ Omwo njimileka ngwange,bije bana soneka hali yange binatela kuli shulithila , 'Bamutandelele kuli baje baka kubulumuna: linga bije banjithinganyekelele bili thulithile." ³⁸ Cho bendekele ngwabo, "Shukulu,Tala! kuli mikwale ibali." Wabakumbulwile ngwendi, "Kunahu." ³⁹ Yesu waile,ngwe muje wakele na kulinga,ku munkinda wa Oliveta,cho bandongethi bendi bamukabele. ⁴⁰ Omwo betele,wendekele kuli bakebo ngwendi, "Lombeni linga kethi mukobele mu byetheko." ⁴¹ Cho wabashondolokele kamandondo,wathsikamene cho walombelele, ⁴² Wendekele ngwendi, "Tate,nga ushaka,tunditha eyi nganja kuli yabge,chipwe ngocho kethi chithango change, oloni cheni chilingiwe. ⁴³ Cho kangelo wa tundile mwilu washolokele kuli ikeye, wamutakamethele. ⁴⁴ Mukupwa mu tuyando twakama,walombelele manene,cho litukuta lyendi lya fwile ngwe maninga alina kundwekela hathi. ⁴⁵ Omwo wakatukile nakuya ku mutambele,wethzile kuli bandongethi bendi cho wabawanene banalala tulo mwafwa ya buthiwa bwabo. ⁴⁶ Cho wabehwile ngwendi, "Bika munalalela? Indukeni mulombele,linga kethi mukobele mu byetheko." ⁴⁷ Omwo wakele nakwendaka,Kengeni,mbunga ya sholokele,na Yundase,umo wabaje likumi na babali,nabatwamena,washwenyene kuli Yesu na ku muthsemba, ⁴⁸ Oloni Yesu wendekle kuli ikeye ngwendi, "Yundase,watha kwenda bungunguMuna Munu naku muthsemba ndi?" ⁴⁹ Cho baje baje bakele nendi Yesu omwo bamwene bije bya lingiwile,bendekele ngwabo, "Shukulu,tulwe na mukwale ndi?" ⁵⁰ Cho umo wabo wabatwile litwe lya chilyo lya ngamba ya mukulunu wa bakakulombelela. ⁵¹ Yesu wendekele ngwendi, "Kunahu" wakwatele litwi lyendi,cho wamu kangangwithile. ⁵² Yesu wendekele kuli mulunu waba kakulombelela,na byamyata bakakunyuka tembele,na kuli bakulunu bethzile na kumu kwata ngwendi, "Nkumani muna tuhuka kuli mwithzi,na mikwale na bimbweti? ⁵³ Omwo njakele neni mutembele litangwa na litangwa,kumwa kambekele maboko eni hali yange,oloni yeni eyi hola inapu yeni,na binzthili bya lithuthulungu." ⁵⁴ Bamukwatele,bamutwalele na kumu kobeletha mu nibo ya mukulunu wabakakulombelela. Oloni Petulu wa mukabele minima wakeleko alyala kamandondo. ⁵⁵ Omwo bamanethele kubweka tuhya mukati ka thzango batumamene hamo,Petulu watumamene mukati kabo. ⁵⁶ Cho ngamba wa munakathzi wa mumwene uke kutuhya wa mukenegele shwii cho wendekle ngwendi, "Ou munalume lalo wakele nendi." ⁵⁷ Oloni Petulu wabyanene,ngwendi, "Obe munakathzi,yange kunjimuthzibuka," ⁵⁸ Mukathimbu kandondo munu mukwabo wa mu mwene,wendekele ngwendi, "Nobe lalo uumo wabo." Oloni Petulu wamukumbulwile ngwendi, "Obe munalume,kethi nji wabo." ⁵⁹ Hanima ya hola imo munalume weka lalo watwaleleho nakwendeka ngwendi, "Mwa buthunga ou munalume wakele hamo nendi,omwo nendi lalo ka Ngalileya." ⁶⁰ Oloni Petulu wamukumbulwile ngwendi, "obe munalume,yange kunjibithzibuka obyo biuli na kwendeka." Cho hake bene,omwo wakele nakwendeka,ndemba watambekele. ⁶¹ Watengulukile,cho Shukulu wakengele Petulu,cho Petulu wanukile aje majwi a shukulu,omwo wendekele kuli ikeye ngwendi, "Thimbu ndemba kanda atambeke buthsiki buno bene ukanjibyana bithimbu bitatu." ⁶² Petulu watuhukile hanja cho walilile manene. ⁶³ Cho baje banlume banyungile Yesu bamushendumwine na kumupupa. ⁶⁴ Bamukutile nanga hamesho cho bamwihwile ngwabo, "Polofita! Iyajo nakupupu?" ⁶⁵ Bendekele byuma bya bibingi bya bibi kuli Yesu,bamushendumwine. ⁶⁶ Cho omwo lyakile,bakulunu, bakulunu baka kulombelela na balongethi ba majwi a mashiko bakungulukile.Cho bamutwalele kuthzango yakama, ⁶⁷ bendekele ngwabo, " Ngwe yobe Kilisitu,tuleke yetu." Oloni wabakumbulwile ngwendi,"Ngwe njimileka,kumwatha kunjikulahela, ⁶⁸ cho ngwe njimihula,kumwatha kunji kumbulula. ⁶⁹ Oloni kutunda lelo lina,Muna Munu akatumbama ku liboko lya chilyo lya nthzili lya Njambi." ⁷⁰ Boshe bamuhwile ngwabo, "Nkuma yobe unapu umuna Njambi ndi?" Yesu wabakumbulwile ngwendi, "Omwo bene mu munendekamo." ⁷¹ Bamukumbulwile ngwabo, "Bikajo tushakathzeka lalo bukaleho? mwafwa yetu babenya tunalithzibila laja kutunda mukanwa kendi.