¹ Chosholokele lya sapalalo chimo,omwo waile mikati ka njubo ya umo mukulunu waba Faliseo mukulya likende,bamukengethelele bwino muyehi. ² Kengeni,kulutwe lwendi kwakele munalume umo wakele na kubinja mushongo wa kuthzimba. ³ Cho Yesu wehwile kuli baka kuthzibukitha lishiko ngwendi, "Mwaila lishiko lyetu ba Yunda na Bafaliseo chachili kuthaka munu lya sapalalo,indi embwe?" ⁴ Olono boshe bolokele kulu. Cho Yesu wamukwatele,nakumukangwitha,na kumwecha cho waile. ⁵ Wendekele kuli bakebo ngwendi, "Hali yeni ali namunendi chipwe ngombe yendi uje nawila mulithima alitangwa lya sapalalo ou ahona kumufumithamo?" ⁶ Boshe bonene kukumbulula kuli ebi. ⁷ Omwo Yesu wamwene baje babalanyene bali na kulyangwila byela byaka thingimiko,wendekele mubithimo,nakubaleka ngwendi, ⁸ "Ngwe banakulanya ku munu ku chilika cha bulo,kethi ukatambame muchela chakathingimiko,mwafwa amo banalanya weka wakathingimiko wakama kukutubakana yobe. ⁹ Ngwe uje munu na milanya muboshe aija,endeka kuli yeni ngwendi, 'aneni echichela ku munu weka.' cho mushwama uya nakuka tumbama kuchela cha chindondo. ¹⁰ Oloni ngwe banakulanya,yakakutumbama ku ka chela kakandondo,linga uje nakulanyene mwaija,omwo endeka kuli yobe ngwendi, 'Kabuthamba, ya ha chitumamo cha kuthingimika.' Cho banakumwetha kathingimiko kuli baje banatumbama kumetha amolika nobe. ¹¹ Ou woshe akalijundula babenya,bakamukehetha,chol lalo ou akalikehetha babenya bakamujundula." ¹² Yesu wendekele naw kuli ou munalume wamulanyene ngwendi, "Omwo ubwahetha chiwano chamangwethzi,kethi ulanye bakweni nambe bandolome bobe chipwe babushoko bobe chipwe ba mpite wa lyatanabo,omo alalo nabo bakakulanya,nakukwiluthila bije biwabalingilile. ¹³ Oloni omo muwana chiwano cha kulya,lyanyako bihutu,bilema bakakujenduka,bakakalepa,na tupuputwa, ¹⁴ cho uka bethzika,mwafwa aba kubakwiluthila. Oloni bakakwiluthila halitangwa lije bakasanguka ku bathsi. ¹⁵ Cho uje watumbamene kumetha amo na Yesu mwathzibile ebi byuma, wendekele kuli ikeye ngwendi, "Kubethzika kuli uje alya kulikende mubumpahu bwa Njambi!" ¹⁶ Oloni Yesu wendekele kuli ikeye ngwendi, "Kwakele munalume umo wabwahethele cha kulya cha mangwethzi chakama cho walanyene banu babangi. ¹⁷ Athimbu ya chakulya cha mangwethzi,watumine ngamba kuya na kuthana baje babalanyene,Ijeni,mwafwa byuma byoshe banabi bwahetha laja. ¹⁸ Oloni boshe bashangumukile kwana kulithambetha.Uje ubalanyene wakuli banga wendekele kuli ikeye ngwendi, 'njnalanda lihya,cho njitonda kuya nakuli mona. Njilomba kunjithambetha kuli yeni.' ¹⁹ "Mukwabo wendekele ngwendi, 'njinalanda bingombe bakulima likumi,cho njapande kuya na kukabetheka mwa kulimina. Njilomba kunjithambetha.' ²⁰ Cho mukwabo munalume wendekele ngwendi, 'njinambata munanakathzi,cho kunjatha kwija.' ²¹ Cho ngamba yendi welukile na kwija na kuleka shukulu yendi ebi byuma bibendekele. Cho shukulu wanjubo walubalelle na kuleka ngamba yendi ngwendi,'Yaa bwathi mutubingila na bitapalo cho unene bihutu,bakajenduka,tupuputwa,na bilema bakakalepa.' ²² "Cho uje ngamba wendekele ngwendi, 'shukulu.bimwatutumine kubilinga byalingiwa,oloni chela cha mu njibo anga muchichili.' ²³ "Cho Shukulu wendekele kuli ngamba yendi ngwendi, ' ya mubitapalo bya kama na bya bindondo ukabathindwiya baije,mangana bakushulithe njubo yange. ²⁴ Cho njimileka ngwange, hali baje banalume walanyene naumo wahi akalya cha mangwethzi."' ²⁵ Cho mbunga yakama yaile hamo nendi,cho watengulukile na kwendeka nabo ngwendi, ²⁶ ''Woshe aija kuli yange naku honowa kuthzinda baishe,baina,munakathzi wendi,bana bendi,bandolome na bandokathzi bendi,nambe monyo wendi,katha kupwa ndongethi wange. ²⁷ Woshe owo ahonowa kwambata chililandakano chendi na kunjikabangeya katha kukapwa ndongethi wange. ²⁸ Iya umo muliyeni ali namatumbe aku tunga kaposhi ahonowa kulinga kutumbama athu na kulaba ingai fweto itondetha akumothula kutunga echi? ²⁹ ngwe ngocho,omo nala lubula cho hano katha kumomuthula boshe bakengeko baputuka kumulumbilitha, ³⁰ ngwabo, 'ou munalume washangumukile kutunga oloni nahonowa kumanetha.' ³¹ Chipwe iya Mwene,atonda kuya na kulwa ndthzita na mukwabo mwene,kethi kulibanga kutumbama hathi na kutambula bithinginyeka bya kwatha kukala lukumi lya bita mwaswalale na kukuya nakulwa namukwabo mweneali na kwija na makumi ababli a maswalale? ³² Ngwe kwahi,napande kuliwana namukwabo thimbu maswalale bachili kulako linga alombe kwoloka. ³³ Cho oloni,ali yeni boshe ou kathethze byali nabyo byoshe katha kupwa ndongethi yange. ³⁴ Mongwa wapwa waubwa,oloni ngwe mongwa unashamuka,cho mulingabati mangana upwe wakutobala? ³⁵ Ku wethi nawa nabipangi kulibu chipwe kupwa bwilo.Oloni baumbila kuti. Woshe ali namatwi akuthziba,mwetheleni athziba."