¹ Chojo ali ije bene thimbu,omwoni makulukathzi a banu a kungulukile amo a kulinga bakeloni na kulilyatangela umo na mukwabo, wa putukile kwendeka kuli bandongethi bendi tahi ngwendi,"Thzangameni na muthima wana Faliseo,baje baka chibembulu. ² Olojo nameme chuma chimo chahi chije bana shweke ocho ku chika jomboloka,cholalo na chimoni chimo chije bana shweke chije banu kubaka thzubuka. ³ Chojo choshoni chije chimu nendekela mu lithuthulungu bakachi thziba mu lyethzi,cholalo chije chimuna yebetela mubibatulo bya mukati ka njubo baka byambulula shanganya a bithsimba bya binjubo. ⁴ Chojo njendeka kuli yeni,bakakathendo kaknge ngwange kethi muthzibe lyoba baje baka kuthsiya lika mubila,olojo na hanima ya kulinga ngocho kubethi lalo nobyo bibanatha. ⁵ Olojo njimitongweloni ou imu napande kuthziba lyoba. Teweni ow yalinga,ngwe na thsiyi,ali lalo na mooko ya ku kumbila mungehena,Eyo, njekeka kuli yeni ngwange,owoni muteweni. ⁶ Twetu tushendabutundu batanu bakaba landa na tumbongo tubali ndi? Olojo na umo wabo wahi uje ibebala ku mesho a Njambi. ⁷ Chojo thzubukeni ngwe nameme bene bing'ambu byoshe bya ku mitwe yeni babilaba. Kethioni mu thzibe lyoba. Mwafwa theho yeni ina tubakana manene ya tushendabutundu babengi. ⁸ Chojo njendeka kuli yeni ngwange,woshowo anjitaba ku mesho a banu,cho lalo na Muna Munu aka mutaba ku mesho a tungelo twa Njambi, ⁹ olojo uje woshe ya nji byna ku mesho abanu cho nendi bakamubyana ku mesho a tungelo twa Njambi. ¹⁰ Woshowo endeka lijwi lije lya kutomba Muna Munu,bakamuthambetha,olojo kuli uje aka shaula mundthzindthzime wa kuthzila,uje kubaka muthambetha. ¹¹ Umononi ngwe baka mitwala ku Masinangonga abo,kuli bangubulu na kuli baka kuswana,kethi mu shote bimbunge ha mulonga wa kulinga ngweni mukalyamena bati,indi nambe ngweni bikajo mu kendeka, ¹² Mwafwa mundthzindzthime wa kuthzila ukami nangula muthzimbu uje bene bije bi munapande kwendeka." ¹³ Cho munu umo muli ije mbunga wendekele kuli ikeye ngwendi, "Mulongethi,leka ndolome yange tuli pangele bufuko bwa kututhethzela nanga. ¹⁴ Cho Yesu wamukumbulwile ngwendi, "Obe munalume iyajo yanji pwtha lyako indi nambe mukakukanda muakti keni?'' ¹⁵ Chojo wendekele kuli bakebo ngwendi, ''Nyanyameni baka chipululu,mwafwa mwonyo wa munu kuwethi mu bwingi bwa bufuko bwendi." ¹⁶ Chojo Yesu wabatelele chithimo,ngwendi,"Liya lya mukaku fuka umo lya tuwile bimbuto bya bingi manene, ¹⁷ chojo wa yongwele mu kati kendi ngwendi, 'Njilinga bationi aha,mwafwa kunjethieni na mwela wa ku tumwela wa kutulikilamo bimbuto byendi?' ¹⁸ Cho wendekele ngwendi, 'Kumani nji lingoni ngachije. Njipapileni ebi bushete byange na kutungilaho bikwabobi bimbuto byange byoshe na bukwabo bufuko bwange. ¹⁹ Na hanima yebi byoshe cho njikendekeni ku mwonyo wange, "Mwonyo wange,ulioni na bufuko bwa bwingi buje bukwetetha na ku myaka ya yingi yahu lutwe. Chojo kumani hwimoni,lya,nwa,bwahelela." ²⁰ Oloni Njambi wendekele kuli ikeye ngwendi, "Obe chilema cha munalume,bune bene buthsiki mwonyo wobe bautambula,chojo ebyoni byoshe bwinali bwahethela bya beyajo?' ²¹ Omu mukemwo mwa nafu uje mjunu ali na kungulwila bufuko bwa lika lyendi olojo ka fukile ku mesho a Njambi.'' ²² Ngechibene Yesu wendekele kuli bandongethi bendi ngwendi, "Kumani njimilekoni ngwange, kethi muli shoshomwene a mulonga wa buyoye bweni,ngwe bikajo bimukalya,,indi a mulonga wa mibila yeni,ngwe bikao bimukathzala. ²³ Mwafwa mwonyo una tubakana bya kulya,cholalo na mubila una tubakana bithzalo. ²⁴ Kachithinganyekeni a makololo,akulinga kubethi kukuna nameme ku teja. Chojo na batulikila indi nameme bishetekubethi babyo,olojo Njambi akaba shuka. Chonini kachi kengeni bukama bwa theho yeni kutubakanaije ya tuthzila! ²⁵ Iyajo weni ou yanatha kwakelako nameme kampindi kakandondo ku thimbu yana pande ku yoya kwitila muku lijakamena. ²⁶ Chojo umononi ngwe ku mwatha kulinga koma kakandondo nga chije,umo bikajoni mukala na kulijakamena ali ebi bya litulu? ²⁷ Cholola kachi yongoleni bwino a mang'anda - omu mu aka menena na kulikolela. Kuethi kupanga,nameme kulitungila byakuthzala. Olojo njendeka kuli yeni ngwange,nameme Solomoni mu bumaphu bwendibwoshe kathele kuthzala butongwe bwa kweta atheteko ya bubwa bwa imo ya awo awa. ²⁸ Chojo umononi nawe Njambi natha kuthzika bwino ou mwila wa mushwata,ou wa kulinga uliko lika lelo.olojo imene bana umbila muliko,cho onowa batijo ku mithzika yeni mwa mubwa na ku tubakana,yenioni baka likulahelo lya lundondo ngachije! ²⁹ Oloni kethi muthetele echo chi mu kalya nameme echo chi mukanwa,cholalo kethi mulijakamene embwe. ³⁰ Mwafwa mafuti oshe a muno mu kaye aka tonda byuma bene ebi,cholalo na Ishweni a thzubuka ngwendi neni mubitonda. ³¹ Cho yeni shakethzekeni bumwene bwendi,chojo na byuma ebi baka mibwethzelele kuli yeni. ³² Kethi mu thzibe lyoba,yeni mukana waundondo,mwafwa Ishweni na bwahelela manene a kulinga a myane bumwene bwa mwilu ³³ Landetheni bimuli nabyo nakwana baka kuyanda.Libwahetheleni yeni babenya bikwama bije kubika tubuka - bufuko bwa mwilu buje ku bwethi kuhwa,kuje ku kwethi mwithzi aija muyehi,cho na tenembula ku batha ku ku bihitha. ³⁴ Mwafwa kuje kuli bufuko bwobe,kukekwo bene kuli na mbunge yobe. ³⁵ "Lithzitikeni miba mubimbunda byeni cho na bindeya byeni bishwame, ³⁶ cholalo pweni ngwe banu baje bali na kutonda mwata wabo omu mweluka kutunda ku chilika cha bulo,manganoniomu mwa ija a kutota ha chikolo cho bwathibwathi bakamu shokweleleko. ³⁷ Chojo bana bethzika baje bangamba akawana mwene yabo ali na kutona na kubandamena.Buthunga bene njendeka kuli yeni bene ngwange, ikeye babenya akali kuta mweba mumbunda ngechi apange cho akaba tumbika ku metha cho aka bana byakulya. ³⁸ Chojo banabethzika baje bangamba awana uje mwene yabo bana libwahethela,nameme ngwe aija mukati ka buthsiki,indi ku mutondo wa kalungu. ³⁹ Olojo thzibithitheni echi,ngwonini ngwabo babenya njubo wa tanekeyeye thimbu ijoni mwithzi wakele nakwija,ngwe kathele kwechelela njubo yendi mangana baipukule. ⁴⁰ Cho kumani libwahetheleni neni nawa,mwafwa neni kumuthzibuka thimbu oyo Muna Munu aija." ⁴¹ Cho Petulu wendekele kuli ikeye ngwendi, "Mwene,ulinakwendeka echi chithimo kuli yetu lika,indi lalo na ku munu woshe?" ⁴² Chojo mwene wendekele kuli kuli ikeye ngwendi, "Iyajo uje ngamba wakulongwa na kunyanyama owni mwata wendi a mwana chipamba cha kultha bakwabo bangamba athimbu ije ina pande? ⁴³ Nabethzika ujoni ngamba baka wana ali na kulinga chije mwene yendi wa muthethzelele kulinga a thimbu ya kwiluka kwa uje mwene yendi. ⁴⁴ Buthunga bene njimileka ngwange aka mwanoni mooko ya ku munyungila bufuko bwendi bwoshe. ⁴⁵ Olojo ngwe ujoni ngamba endeka mumbunge yendi ngwendi, 'Shukulu kaija bwathi; cho nakushangumuka nakupupanga baje bangamba ba banalume na baje ba banakathzi na kulya na kunwa na kupenda, ⁴⁶ Uje mwene waije ngamba akaija halitangwa lije kethi na kukulahela ngwendi natha kwija na hathimbu ije katanekeyeye chojo a ka mutetanga mu bimpindi bimpindi na ku mumubila mumwela umo na baje bakakujeneka ku kulahela. ⁴⁷ Cho uje ngamba, na thzibuka bwino chithzango cha mwene yendi oloni katondo kulibwaheletha na chithzango chendi,bakamupupa na bing'ome bya bingi. ⁴⁸ Olojo uje kathzibuka cho na mulonga wa kujeneka kuthzibuka cho walingile chakunenetha ngechi bamupupe,bakamupupa bing'ome bya bindondo lika. Oloni kuli baje boshe nanabya bingi,bya bingi bakabi tonda lalo kuli bakebo,cholalo kuli uje woshe banana bya bingi kutubakana baka bitonda kuli bakebo. ⁴⁹ "Njinethzila na kubweka tuhya hano ha kaye,chojo munjili nakutonda ngwange njimoneoni ngwe kutonda ngwange otu tuya tunakwata laja. ⁵⁰ Oloni njichili nachimbwitiko ocho bana pande kunjimbwitika nacho, cho njinalijakamena manene kweta noho nji kaita muli chije chimbwitiko. ⁵¹ Mulinalkuthinganyeka ngweni njethzilile na nakunena kwoloka hano hathi? Embwe,njimileka ngwange, oloni nambe kaangu. ⁵² Mwafwa kutunda hano kukala banu batanu munjibo imo baje baka lyandununa - batatu baka tengulukila babali,chojo na baje babali na bakebo lalo baka tengulukila babababi,hojo nabaje babali na bakebo lalo bakatengulukila baje batatu. ⁵³ Bakalyangununa,ishe ya munu aka lwitha munendi,cho na mwana akalwitha ishe,baina ya munu baka lwitha mwana wa munakathzi,bainamweno ya munu baka thzunga munakathzi wa munendi wa munakathzi wa munendi wa munalume aka lwitha bainamweno." ⁵⁴ Chojo wakele nakwendeka lalo kuli ije mbunga ya banu ngwendi," Ngwe munamono lishelwa litatuka muje muya yangwa cho bwathi bwathi mwendeke ngweni, ''Nyonthzi ili na kwija,' chojo cho mukemwo bene chinapu. ⁵⁵ Ngwe lihunthzi lya mumbwela lihuwa,cho mukendeke ngweni, 'Kukala ntwima,' chojo mukemwo bene chikapu. ⁵⁶ Eni baka chibembulu,muthzibuka kunongonona bije bika sholoka hathi na mwilu,choni bikajo bomwonowetha ku thzubuka mwa ku nongwenena ino thimbu? ⁵⁷ Bikajo mwonowela kuthzibuka obyo binapou bya bibwa kuli yeni? ⁵⁸ Mwafwa ngwe muli nakuya na chitothzi chobe kuli lyako,hathimbu muchili mungilaetheka kulithzibathana nendi linga kethiaku twale kuli lyako,manganoni uje lyako akwononokele mu maboko a uje mukulunu wa fulumendeajeneke kukumbila mutolongo. ⁵⁹ Cho njendeka kuli yeni ngwange, kumukatha kufumamo muje kwate naha theteko ya kulimga kubanga muna mu fwete ije mbongo ya mamanethelelelo."