¹ Chojo cha sholokele ngechi litangwa limo Yesu wakele na kulombela mu mwela umo ngachije.Cho omu wa manethele,umo wa balongethi bendi wendekele kuli ikeye ngwendi, "Mwene,tulongethe kulombela ngwe omwo Yowano nendiwa longetha bandongethi bendi." ² Cho Yesu wendekele kuli bakebo ngwendi, 'Omwo ngwe mulombela mwendeke ngweni, 'Tate,lithzina lyobe bali limethe ngwe lya kuthzila. Bumwene bwobe bwije. ³ Twane kulya kwetu kwa ha litangwa matangwa woshe. ⁴ Tuthambethe ku bubi bwetu,ngwe omu netu lalo tukathambetha woshe uje ali na mulonga netu. Kethi ututwamenene mu byetheko.'" ⁵ Cho Yesu wendekele kuli bakebo ngweni, "Iyajo wa muliyeni uje ali na kabuthamba kendi,owo aya kuli ikeye akati ka buthsiki na kwendeka kuli ikeye ngwendi,'Mwoninji lombako mikasha iatatu ya likende, ⁶ mwafwa kabuthamba kange na ija ololo bene ngachije ku tundilila ku tapalo,chojo kujethi nameme kamo ka ku mujumbula'? ⁷ Choni ngwe uje ali mukati wa mukumbulwile na kwendeka ngwendi,"Kethi unji pethe.Chikolo bana kushoka laja,cholalo banabange,nange bene hano,tuli laja mu bulili.Cho kunjatha lalo kwinduka na kuwana likende. ⁸ Njendeka kuli yeni ngwange,nambe kakatukila na ku wana likende mwafwa u mwoni wendi,olojo mulonga wa lukakateya lwobe,kubanga bene emana na ku kwana mikasha ya likende yoshe ije utonda. ⁹ Cholalo njendek kuli yeni ngwenge,lomba,cho ba kwanacho;thetele,cho ukawana; ngongomwena, cho baka chi shokolola kuli yobe. ¹⁰ Mwafwa munu woshe a lomba a tambula;cho na kuli uje munu ya ngongomwena,baka chishokolola. ¹¹ Iyajo chithemi hakati keni,owo a linga munendi ngwe a mulomba ithi,choikeye a mwane linyoka muwela wa ithi? ¹² nambe ngwe a lomba libunda,cho yobe umwane linyewe? ¹³ Chojo,ngwe yeni mubabi muthzubuka kwana mabwana a mabwa kuli bana beni,cho kumani Ishweni wa mwilu kaka tubakana manene mu kwana munthzinthzime wa kuthzila kuli baje ba mulomba?" ¹⁴ Chojo Yesu wakele na kutunditha lyamba uje wa pwile wa bubebebe .Omwoni uje lyamba wa tundile,uje munalume kakele na kwendeka cho wendekele,cho naije mbunga yali komokelele. ¹⁵ Oloni bamo ba baje banu bendekele ngwabo, Ali nakutinditha mamba na binthzili bya Mbetezembulu,uje utwana ya mamba." ¹⁶ Cho lalo bamo bamwethekele na kutonda kuli ikeye chitanekeyetho cha kutunda mwilu. ¹⁷ Olojo Yesu wathzubukile bithinganyeka byabo,chojo wendekele kuli bakebo ngwendi, "Bumwene bwoshe buje buli tepa bukebwo bubenya hakati cho kubanga bu nyonga,na njubo ije ili pujula a kakati ikeyo babenya cho kubanga bu bene iwa. ¹⁸ Cho omwoni ngwe satana a litapa hakati ikeye babenya,cho bumwene bwendi bwimana batyoni? omu yeni mwendeka ngwendi yange njili na kutunditha mamba na binthzili bya Mbelezembulu. ¹⁹ Cho ngwe yange nji katundtha mamba na binthzili baje cho ba kakimi kabangeya yeni na binthzili bye yacho babatunditha? hamulonga wechi,baje bene ba keboni bapwa bakaleho bakumihitha. ²⁰ Oloni ngwe njitunditha mamba na mulabo wa Njambi,choni kumani bumwene bwa Njambi buna ija kuli ikeye. ²¹ Umona ngwe uje munalume wa kukanyama cho lalo yali na bitwa yoshe a nyunga njubo yendi,bibala byendi byoshe bi kongama, ²² olojo ngwe umona munalume wa ku kanyama manene a munyeka na bije bitwa bya na kulahelelemo uje bana hyna na ku pukula bibala byendi byoshe. ²³ Uje kethi kuli yange mukang'ole yange,cho nauje kethi na kukongweya amo nange ali na kushandoka. ²⁴ Umona ngwe munthzinthzime wa kujwala una tundu mu munu,kketi mu myela ije ya kujemeka mema chojo u ka thetela kwa kuhwimina. Omwoni ngwe kuwa wanene kumo,cho wendekele ngwawo,'Njiluka bene ku njubo yange kuje nja tundile.' ²⁵ Chojo a kwiluka,uwana ije njubo bana ikombo mwa chili na kuilambetha bwino. ²⁶ Cho uyoni na kulanya munthzinzthime ikulabo itanu na ibali ije ya ibi kutubakana ukewo cho yoshoni ija na kutumbamamuje. Akupwa ngochoni na chifwa cha uje munu ku mamanethelelo chipwoni cha chibi manene kutubakana mu cha pwile ku maputukilo." ²⁷ Cho cha shokokele,omu mwakele na kwendeka ebi,munakathzi umo watambekelele akamwa ya mbunga na kwendeka kuli ikeye ngwendi, "Lya lyakukwithula limo lya kuthemene na mabele aje akujamwethele." ²⁸ Olojo ikeye wendekele ngwendi, "Manenene,baka kuthula baje bathziba lijwi lya Njambi na kulyononoka." ²⁹ Omwoni,mayongomena a banu a tumininiko,Yesu wa putukile kwendeka ngwendi,Banu ba thimbu ino ba napu banu ba babi. bali na kuthetela chimwetho,olojo chimwetho chi njiba na kubanga chimwetho cha Yona. ³⁰ Mwafwa ngwe muje bene Yona wapwile chimwetho kuli baje banu ba mu Nanibe,mu chifwa chimolika na Muna Munu bathimbu ino. ³¹ Baje bamwene bakunto bakathumukile amo na banu bathimbu ino a thimbu ya ku thompetha na kubahitha,mwafwa bethzile kufuma kwoshe kuje ku manethelelo a kaye kwija lika na kuthziba kubungaji bwa Solomoni,choni kengeni,ewoni wa kama ku hyna Solomoni ali ano. ³² Na banu baku Nanaibe bakemana a thimbu ya kuthompetha na ba banu ba thimbu ino na kuba hitha,mwafwa bakebo batengulukile ku bubi bwabo kwitila mu muthzimbu uje wambwilile Yona,olojo kengeni,ou wa kutubakana Yona ali bene ano. ³³ Naumo uje uje ,anima ya kushwameka ndeya,choni a yaka lalo muje mu mwela wa kubanda indi nameme mwithi ya lyandeko.olojo ai ikambeka aje a katambo ka ndeya,mwanganoni baje ba kobela bamone cheke ndololo. ³⁴ Lisho lyobe likelyo ndeya ya mubila.Ulimona ngwe lisho lyobe lilibwino,cho na mubila wobe ukala mu cheke. Olojo ngwe lisho lyobe lina thsithsibala,cho mubila wobe ukala mu lithuthulungu. ³⁵ Akupwa ngocho,akako mana ngechi chije cheke chili mu yobe kathi chipwe lithuthulungu. ³⁶ Oshoni ngwe mubila wobe woshe una shulumo na cheke,a kujeneka nameme munga imo ili mu lithuthulungu,cho mubila wobe upwoni ngwe ngwabo ndeya ili na kutwa cheke chayo a lyobe." ³⁷ Chojo omu wa manethele kwendeka,ka faliseo umo wa mumwene ngechi a kalye nendi ku njubo yendi a kalye nendi ku njubo yendi,chojo Yesu waile na kulya nendi. ³⁸ Olojo uje ka faliseo wa likomokelele a kumona ngwabo Yesu ka jwelele ku maboko a thimbu kanda a lye bije bilya bya kulalela. ³⁹ Oloni Mwene wendekele kuli ikeye ngwendi, "Talato,yeni ba faliseo muka kushu kunja ya binganja na malonga, olojo mukati keni na shulu na nuna na bubi. ⁴⁰ Yeni banu bakwonwa mana! kumani uje wa tengele nahanja kethi ikeye umo lika watengele na mukati? ⁴¹ Aneni bije bili mukati ku bakakuyanda,chojo na byuma byoshe bika kala bya kujela ku liyeni. ⁴² "Oloni lubinda kuli yeni ba faliseo a kulinga mu kama cha bulikumi,abije bya kutoba mu byakulya na mathapathapa a mu bitungu,olojo mwa mubwa na chithzemo cha Njambi,akujeneka kwonowa kulinga bije kiwabo bya lituluko. ⁴³ Lubinda kuli yeni bafaliseo,omwo mwa thzema bitwamo bya ku lutwe muje muma Sinangonga na kumeneka cha kathingimiko kuje ku myela ya kulandethela. ⁴⁴ Lubinda lwenimwo,mwafwa munapu ngwe bimbombo bije bya kujeneka bimwetho chojo na banu bendeho mwa kwilika ku tanekeya." ⁴⁵ Cho umo wa baje balilongetha manene mashiko wendekele kuli ikeye ngwendi,"Mulongethi,obyo byuli na kwendeka binapu matuka na kuli yetu lalo." ⁴⁶ Cho Yesu wabakumbulwile ngwendi, "Lubinda lwenimo, mwafwa mukatwika banu biteli bije bya bikalukwambata,olojo yeni kumutondo nameme ku kwata biteli bije nambe na umo wa milabo yeni. ⁴⁷ Lubinda lwenimo,mwafwa yeni muli na kutunga bimbumbo bya tupolofita,a kulinga baba thsiile kuli bakukulwila. ⁴⁸ Chojo yeni bakaleho cho lalo muna taba naku byuma bije balingile bakukulwila beni omwo chili bene bab thsiile cho neni muli na kuba tungile bimbumbo byabo. ⁴⁹ A mulonga wechi lalo,mana a Njambi wendekele ngwendi,'Njikaba tumina tupolofita na miluwa,chojo bakaba yendetha na ku thsiyako bamo babo.' ⁵⁰ Aba banu bawanene mulonga a maninga oshe a tupolofita aje betilile ku tunda bene a kutenga kwa kaye. ⁵¹ tunde ku maninga a Abele na ku maninga a Zakaliya,uje bathsiilile mukati ka mutula na mwela wa kuthsiila. Eyo,njendeka kuli yeni ngwange,aba banu ba thimbu ino tuli bene ba ka bawanena mulonga. ⁵² Lubinda lwenimo yeni mwali longetha manene mashiko,mwafwa muna nyangula thapi ya kuthzubuka;yeni babenya ku kangetha baje bali na kukobela." ⁵³ Chojo hanima ya Yesu kutunda kuje,bakakuthoneka na bafaliseo bali pikile nendi na kulitwa bimata nendi a byuma bya bingi. ⁵⁴ oku bali na kumubandamena,a kulinga ngwabo endekeko chimo ba natha kumu wanene nacho mulonga.