¹ Chojo anima ya byuma ebi, mwene wangwile bakwabo lalo makumi atanu na abali, cho wabatumine babali babali kulutwe lwendi ku binganda byoshe na ku mitambela yoshe kuje kwa kele na ku shungwiya ikeye kuya. ² Cho wendelekele kuli bakebo ngwendi, 'Bimbuto binatumu manene, olojo baka kupanga babandondo. Ngechchoni lombeni kuli Shukulu babenya bimbuto atume baka kuteja bimbuto byendi. ³ Cho yeni, Kengeni,njili nakumituma ngwe bana bimanga mukati ka tungunga. ⁴ Kethi mukambate chikwama,nambe lipakumuna,nambe bing'aku,cho kethi mukalimeneke namunu woshe mungila. ⁵ Munjubo yoshe muje muka kobela, 'Kwoloka kukale munjubo eyi!' ⁶ Ngwe muje munjibo muli muka kwoloka, cho kwoloka kukapwa hali ikeye,ngwe kethi ngocho,cho kwoloka cheni chikamilukila yeni babenya. ⁷ Kaleni munjibo imo bene,lyeni na kunwa bije bakamwana,mwafwa muka kupanga woshe natela fweto. Kethi mwendangane kutunda njubo kuya njubo. ⁸ Munganda yoshe mukakobela,cho bamitambula, cho lyeni boshe bije bakamyana ⁹ cho kangwitheni bakakubabala balimo.Cho endekeni kuli bakebo ngweni, 'Bumwene bwa Njambi buneja hamuyehi neni.' ¹⁰ Omwoni mukobela mu nganda cho ngwe kubakamiytambula,chomyeni mubitapalo nakwendeka ngweni, ¹¹ 'Nameme likungu lya munganda yeni eli linakakateya ku myenja yetu tukalitotomona hakati keni! oloni thzibukeni echi:Bumwene bwa Njambi buneja muyehi neni.' ¹² Cho njimileka ngwange a litangwa lije lya kusompetha bakamithzibila ngothzi kutubakana Sondoma. ¹³ Lubinda lwobe, Kolazini! Lubinda lwobe, Mbetesainda! mwafwa ngwe ebi bipangi bya kukomowetha bibalingi muli yeni babilingile mu Taya na Sindoni,ngwe batengulukile laja,muku tumbama mubikeleya na mulito. ¹⁴ Oloni baka tetela baka Taya na Sindoni ha thimbu ya kuthompetha kutubakana yeni. ¹⁵ Yobe,Kapenauma, wayongola ngwobe bakaku thzethzwila mwilu tahi ndi? embwe, bakakushelumuthswila ku hendase. ¹⁶ Cho uje woshe akamitolilila cho nanjitolila yange,uje lalo akamibyana yeni nabyana nange,nauje woshe abwana yange nabyana nauje wanjitumine." ¹⁷ Cho baje makumi atanu ba bali belukile oku bali nakujolela.bendekele ngwabo, "Mwene,nameme mamba banatwononokela kwitila mulithzina lyobe." ¹⁸ Yesu wendekele kuli bakebo ngwendi, Njinamono satana ali nakuwa kufuma mwilu ngwe muhyato. ¹⁹ Kengeni,njinamyana ndthzili bya kulyatangela manyoka hamo manyewe,na bithzili kuhyana bya chitothzi, cho kukwethi nambe chimo chikatha kumibulumuna. ²⁰ Nambe ngocho kethi mubwahelele hali ebi, ngweni mamba banamyononokela, oloni bwaheleleni maneni ngweni mathzina eni banathoneka mwilu. ²¹ Hathimbu imo bene wabwahelelele manene muli mundthzindzthime wakuthzila,nakwenda ngweni, "Njinakushangala, Tate, Shukulu wa lilu na kaye, mwafwa mwashwekele byuma ebi kuli baje ba maana na baje thzibithitha na kubisholola kuli baje bakujeneka kulilongetha,ngwe bana babandondo. Eyo,Tate, mwafwa cha pwile chachibwa kumesho obe. ²² "Cho byuma byoshe bananjanabyo kufuma kuli Batate,cho kukwethi umo athzibuka ebi kubanga Baishe, cho kukwethi umo atanekeya Baishe kubanga Mwana nabaje Mwana nangula ku sholola kuli bakebo." ²³ Cho watengulukile kuli bandongethi bendi nakwendeka ngweni mukuhsweka, "Banabethzika boshe baje bali nakomona byuma bije bimuli na kumona. ²⁴ Njimileka ngwange,bapolofita babangi na bimyene batondele kumona ebi byuma bimuli nakumona,cho kubabimwene, cho kuthziba byuma bimuli nakuthziba,cho kubakabithzibithitha." ²⁵ Kengeni,uje walilongethele manene mashiko wemanene ngwendi aku mwetheke, wendekele ngwendi, ''Mulongethi,bikajo njatela kulinga linga njika wane mwonyo wa myaka yoshe?" ²⁶ Yesu wendekele kuli ikeye ngwendi, "Bikajo bathoneka mu mashiko? Batijo ukabitanda?" ²⁷ Cho wakumbulwile nakwendeka ngweni, "Uka thzeme Shukulu Njambi yobe na mbunge yobe,na mwonyo wobe woshe,na ndthzili yobe yoshe,nabithinganyeka byoshe,cho thzema mukweni ngwe muje walithzema yobe babenya." ²⁸ Yesu wendekele kuli ikeye ngwendi, "Unakumbulula mwamubwa.Linga ebi,cho uka yoya. ²⁹ Olojo ikeye,kutonda kuli thambetha babenya,wendekele kuli Yesu ngwendi, "Iyajo mukwetu?'' ³⁰ Yesu wamukumbulwile nakwendeka kuli ikeye ngwendi, "Munalume umo wakele nakuya ku Yelusalema kufuma ku Yeliko. Cho waliwanene mubaboko amapwepwe,baje baumushulwile muthazalo bwendi bwoshe,bamu pupile, hamuthethzele na mukati ka kuthsa na mwoboka. ³¹ Mukubethzika Kapilisitu umo wakele nathikumukile mu ngila ije,cho omwo wamumwene,cho wamumwongolokele. ³² Muchifwa chimo ka Lebi naikeye,omwo wetele ha chela chije omwo wamumwene, naikeye wamwongolokele. ³³ Oloni Kasamaliya umo,omwo wakele nakwenda,wetela haje wakele.Omwo wamumwene,cho muthzibile chikeketima. ³⁴ Cho wamushwenyune nakwija nakukuta ha bimbandu byendi,wetiliho mathzi na binyu ha bimbandu, wamwakele ha chimuna chendi,wa mutwalele kuje kunjibo ya bangethzi,cho wakamunyungile. ³⁵ Cho lya mukwabo wamabete bimbongo ma dinalii abali,nakwana uje babenya njubo,wendkele kuli ikeye ngwendi, 'Munyungeni ou, cho byuma boshe bije mubihithila hali ikeye,omwo njikaija,cho njikamifwetabyo. ³⁶ Hali aba batatu iyajo uthinganyeka ngwabo wapwile mbembwa wawililile mumaboko a mapwepwe.?" ³⁷ Wendekele ngwendi, "Uje wamuthzibilile chikeketima." Yesu wendekele kuli ikeye ngwendi, "Ya cho ukalinge chifwa chimo." ³⁸ Cho omwo bakele nakuya,wakobelele mu limbo limo,cho munakathzi umo walithzina lya Malita wabatambwilile munjubo yendi. ³⁹ Wakele na shongo yendi yendi lalo walithzina lya Maliya, Uje wakele ku mendi a Shukulu na kuthzibilila lijwi. ⁴⁰ Oloni Malita bya mutuminine bya ku panga byakulya. Wetthzile kuli Yesu nakwendeka ngwendi, ''Shukulu, kumani kuwali jamenene akulinga shongo yange na njondomwene bipangi byosheyange lika? Cho muleke aje anjikwatheko yange." ⁴¹ Oloni Shukulu wamukumbulwile na kwendeka kuli ikeye ngwendi, "Malita,Malita, unalijakamena na kuli paketha a byuma bya bingi, ⁴² Oloni chuma chimolika chikecho chakama.Maliya ikeye nangula chuma chakama,chije kubakatha kumunyekacho."