¹ Yesu waile kumunkinda wa olibeta. ² Mutondo tondo wethzile lalo ku tembele,cho na banu boshe bethzile;watumbamene na kubalongetha. ³ Cho bakakuthoneka naba faliseo banenele munakathzi ou bakwatele alinakulinga bukwithzi.bamwakele mukati. ⁴ Cho bendekele kuli ikeye ngwabo, "Mulongethi,ou munakathzi banamukwata mubilinga bya bukwithzi. ⁵ Oloni mulishiko,Mosesa watukambeyeye kusha mamanya banu bachifwa echi; wendekele ngwobe bati hali ikeye?" ⁶ Bendekele ngechi mangana bamukwatelemo linga bakale na chuma chakumwanenaho mulonga,oloni Yesu wakutamenene hathi nakuthona nakuthona hatha na mulabo wendi. ⁷ Omwo batwaleleleho kumwihula bihula,wakatukile na kwendeka kuli bakebo ngwendi, "Umo hali yeni ou kethi na bubi,akale wakulibanga kwasha limanga haki ikeye." ⁸ Cho lalo wakotamenene hathi,nakuthona hathi na munye wendi. ⁹ Omwo bachithzibile echi,bathethzele umo na umo,kuputukila kuli uje wa mukulunu. Kumamanethelo Yesu wathalele likalyendi nauje munakathzi wakele mukati. ¹⁰ Cho Yesu wemanene na kwendeka kuli ikeye ngwendi, "Obe munakathzi,aba banakala na kukwanana mulonga balikuli? Nkumani naumo wahi nakuhitha?" ¹¹ Wendekele ngwendi, "Naumo wahi, Mwene." Yesu wendekele kuli ikeye ngwendi, "Nambe yange kunjikuthitha.Cho ya kethi lalo ukalinge bubi. ¹² Yesu wendekele lalo kuli bakebo,ngwendi, "Yange cheke cha lifuti; ou anjikabangeya kakende mulithuthulungu oloni akakala na cheke cha mwonyo." ¹³ Cho bafaliseo bendekele kuli ikeye ngwabo,"Ukambulula yobe babenya;cho muthzimbu wobe wamakuli." ¹⁴ Yesu wakumbulwile nakwendeka kuli bakebo ngwendi, "Nambe njinakwambulula hali yange babenya,muthzimbu wange buthunga . Njinathzubuka oku njatundile noku kunjilinakuya.oloni yeni kumuthzubuka oku kunjatundile noku kunjili nakuya. ¹⁵ Mukathompetha kwetheka na mubila; yange kunjethi kuthompetha munu nambe umo. Oloni nga njithompetha munu nambe umo. ¹⁶ Oloni nga njithompetha,kubatula kwange kwabuthunga mwafwa kunjethi likalyange embwe,oloni njili na tate ou anjitumine. ¹⁷ Eyo,na mulishiko bana thonekemo ngwabo muthzimbu wa banu babali wa buthunga. ¹⁸ Yange umo ou akalithzimbula babenya,cho na tate ou anjitumine akathzimbula hali yange." ¹⁹ Cho bendekele kuli ikeye ngwabo, "Isho ali kuli?'' Yesu wabakumbulwile ngwendi, "Kumunjithzibuka nameme batate. Nga munanjthzibuka,ngwe munathzibuka na bateate lalo." ²⁰ Wendekele ano majwi muje mwakunyungila thimbu wakele na kulongetha mu tembele,cho naumo wahi wamukwatele mwafwa thimbu yendi tekanda ichete. ²¹ Cho lalo wendekele kuli bakebo ngwendi, "Njinakutunda kuli yeni;mukanjitonda cho mukanjithsila mububi bweni.Oku njinakuya,kumwatha kwijako." ²² Ba Yundeya,bendekele ngwabo, "Alihsiya babenya tahindi? chikecho cha kendekele ngwendi, 'Oku njilinakuya kumwatha kwijako'?" ²³ Yesu wendekele kuli bakebo ngwendi,"Munatundu kwithi lya kaye,yange njatundu kwilu. Yeni mubahano hathi;yange kujethi wahano hathi embwe. ²⁴ Ngachije,njendeka kuli yeni ngwange mukathsila mububi bweni. Mwafwa kubanga mutabele ngweni yangebene,mukathsila mu bubi." ²⁵ Cho ngachije bendekele kuli ikeye ngwabo, "Yobe iyajo?" Yesu wendekele kuli bakebo ngwendi, "Ebi njinendeka kuli yeni kumaputukilo. ²⁶ Njili na byuma bya bingi bya kwendeka na kuhitha hali yeni. Nambe ngocho,ou wa njitumine wa buthunga; cho na byuma ebi njathzibile kuli ikeye ,bikebyo byuma njendeka ku lifuti." ²⁷ Kubathzibithithile ngwe wakele na kwendaka nabo hali ishe. ²⁸ Yesu wendekele ngwendi, ''ngwe munamujundula Muna Munu helu,hakeho mukathzibuka ngweni yange,kunjethi kulinga chuma change babenya. Ngwe omu Tate wanjilongethele,njendeka ebi byuma. ²⁹ Ou wanjitumine ali nange,cho kanjithethzele likalyange,mwafwa njikapanga echi chimubwaheletha thimbu yoshe." ³⁰ Thimbu Yesu wakele nakwendeka ebi byuma,banagi bakulahelele muli ikeye. ³¹ Yesu wendekele kuli baje ba Yunda bamukulahelele ngwendi, ''Nga muthala mujwi lyange,cho buthunga bene mu bandongethi bange; ³² cho mukathzibuka buthunga,cho buthunga bukamipatula." ³³ Bamukumbulwile ngwabo, "Tuchithemunwino cha Abilahama cho kanda tukaleho bundungo bwa munu: wendeka bati ngwobe,"cho mukapatulaka'?'' ³⁴ Yesu wabakumbulwile ngwendi, "Chili,chili,njendeka kuli yeni ngwange,munu woshe ou alinga bubi napu ndungo ya bubi. ³⁵ Ndungo kethi kutamamenena munjubo myaka yoshe,mwana akatumbama myaka yoshe. ³⁶ Ngachije,Nga mwana amithzitula,mukala bakupatuka mubuthunga. ³⁷ Njathzibuka bene ngwange muchithemwa mubana ba Abilahama;cho mushaka kunjithsiya mwafwa lijwi lyange kulyethi na mwela muli yeni . ³⁸ Njendeka ebi njamwene kuli Tate,cho nenei lalo mulinga ebi mwathzibile kuli ba ishweni." ³⁹ Bamukumbulwile na kwendeka kuli ikeye ngwabo, "Tatetu wapwile Abilahama, "Yesu wendekele kuli bakebo ngwendi, "Nga mwakele bana ba Abilahama,ngwe mulinga bipangi bya Abilahama. ⁴⁰ Olojo,mushaka kunjithsiya,munu namileketha buthunga obu njathzibile kuli Njambi. Abilahama kalingile ngocho embwe. ⁴¹ Lingeni bipangi byaba Ishweni," Cho bendekele kuli ikeye ngwabo, "Yetu kutwathemukile mubingila bya bupangala na Tate umo: Njambi." ⁴² Yesu wendekele kuli bakebo ngwendi,Nga Njambi napu Ishweni,ngwe munanjithzeme,mwafwa njatundile kuli Njambi,cho njili hano; mwafwa kunjalithzibilile,oloni wanjitumine. ⁴³ Bikajo kumwethi na kuthzibithithila majwi ange? Chili ngocho mwafwa kumwethi kuthziba majwi ange. ⁴⁴ Munapu bana ba baishweni,lyabolo, cho mukatondo kulinga chithzango cha ishweni. Wakele mukakuthsiya tunde kumaputukilo cho kethi kwimana mu buthunga mwafwa muli ikeye buthunga hbwahimo. Omwo endeka makuli,endeka nqa chifwa chendi mwafwa wapwa wa makuli ikeye ishe ya makuli. ⁴⁵ Olojo,Mwafwa njendeka buthunga,cho kumwethi na kunjitaba. ⁴⁶ Umo uli muli yeni anjikuta namulonga wa bubi? Nga njendeka buthunga,bika kumwethi na kunjikulahela? ⁴⁷ Ou muka Njambi akathzibi majwi a Njambi; kumwatha kuwathziba mwafwa kumwethi baka Njambi." ⁴⁸ Ba Yunda bakumbulwile na kwendeka kuli ikeye ngwabo, ''Nkumani kutwethi kwendeka ngwetu chili umuka Samaliya cho uli na lyamba?" ⁴⁹ Cho Yesu wabakumbulwile ngwendi, "Yange kunjethi na lyamba,oloni njikalemetha Tate,cho yeni muka mushaula. ⁵⁰ Kunjethi na kushaka bumpahu bwange; kuli umo ali nakubushaka cho ali nakuthompetha. ⁵¹ Chili.chili,njendeka kuli yeni ngwange,ngwe umo anyunga lijwi lyange,kakamono kuthsa." ⁵² Ba Yunda bendekele kuli ikeye ngwabo, "Tunathzibukoni ngwetu uli na lyamba. Abilahama na tupolofita bathsile;oloni wendeka ngwobe,Nga umo anyunga lijwi lyange kakamono kuthsa.' ⁵³ Yobe kuwahyanene tatetu Abilahama ou wathsile,indi? Tupolofita lalo bathsa. Nkumani ku watelele kuthinganyeka ngwabo nobe unapu uwakama? ⁵⁴ Yesu wabakumbulwile ngwendi, "Nga njililemetha yange babaenya,bumpahu bwange cho bwangocho; kubanga Tate ikeye akanjilemetha yange - Ou bene mukendeka ngweni Njambi yeni. ⁵⁵ Kumwamuthzubukile,oloni njimuthzubuka nga njendeka ngwange; 'Kunjimuthzuka,cho njipwa ngwe yeni,muka makuli. Chonga chije, Njamuthzubuka na kunyunga lijwi lyendi. ⁵⁶ Ishweni Abilahama wajolelele hakumona litangwa lyange; walimwene cho wabwahelele." ⁵⁷ Ba Yunda bendekele kuli ikeye ngwabo,"Kanda wetethe ni yaka makumi atanu,cho unamumono laja Abilahama?" ⁵⁸ Yesu wendekele kuli bakebo ngwendi, "Chili,chili,njendeka kuli yeni ngwange,thimbu Abilahama,njakeleko. ⁵⁹ Cho banonele mamanya bamwashe,Oloni Yesu wabandele na kutunda hanja ya tembele.