¹ Hanima ya byuma ebi Yesu wakele nakwendangana mu Ngalileya,mwafwa kashakele kuya mu Yundeya ha mulonga waba Yunda nashakele ku muthsiya. ² Cho chilika chaba Yunda cha bithzango chakele mu yehi. ³ Ngachije bandolome bendi bendekele kuli ikeye ngwabo,"Katuka kutunda ku mwela uno kya ku Yundeya,mangana bandongethi bobe lalo bamone bipangi biukapanga. ⁴ Kukwethi umo akalingi chuma chili chuma chili choshe mukubanda nga babenya ashaka kumutanekeya ha kujela.Nga ulinga byuma ebi,lisholole ku lifuti." ⁵ Mwafwa nambe bindolome byendi kubamukulahelele. ⁶ Ngachije bene Yesu wendekele kuli bakebo ngwendi, "Thimbu yange kanda yete,oloni thimbu yeni yakala ya kubwaheletha laja. ⁷ Lifuti kulyatha kumithzinda,oloni lyathzinda yange mwafwa njikambulula hali ikeye ngwange bya lyo bya bubi. ⁸ Yeniko ku chikila;yange kunjethi na kuyako kuchika echi mwafwa thimbu yange kanda baishulithe." ⁹ Hanima ya kwendeka byuma ebi kuli bakebo watunbamene mu Ngalileya. ¹⁰ Oloni omu bandolome bendi baile kuje kuchilika,cho na ikeye wa kandukile,mukubanda cha kwilika kulimwetha ku banu. ¹¹ Cho ba Yunda bamutondele kuje kuchilika na kwendeka ngwabo, "Ali kuli ou?" ¹² Cho kwakele kuliyongola ku mbunga hali ikeye.Bamo bendekele ngwabo, "Nap munu wa mubwa." Bakwabo bendekele ngwabo, "Embwe,athzimbaletha mbunga." ¹³ Nambe ngocho naumo wahi wendekele ha kujela hali ikeye mulonga wa lyoba lyaba Yunda. ¹⁴ Omu chilika chetele muyehi nakuhwa, Yesu wakandukile mu tembele na kuputuka kulongetha. ¹⁵ Cho ba Yunda balikomokelel ,ngwabo,"Ou munalume athzibuka bati bya kutuma ngechi? ikeye katangele. ¹⁶ "Yesu wabakumbulwile na kwendeka ngwendi, "Kulongetha kwange kethi kwange embwe,oloni kwou wanjitumine yange. ¹⁷ Nga umo athinganyeka kulinga mwaya biyongola byendi,akathibukakulongetha nkana echi,ngwe mpamo chikatundu kuli Njambi,nambe mapmo njikalyendekala yange babenya. ¹⁸ Ou woshe alyendekela bumpahu bwendi babenya,oloni ou woshe atonda bumpahu bwou amutumine,omo munu napu wa buthunga,cho kumwethi kwilika makulimuli ikeye. ¹⁹ Nkumani Mosesa wamyanene lishiko ndi? nameme ngocho naumo wahi hali yeni aka nyungu lishiko.Bikajo mukashaka kunjithsiyila?" ²⁰ Cho mbunga ya mukumbulwile ngwabo, ''Uli na lyamba.Iya akashaka kukuthsiya?" ²¹ Yesu wakumbulwile na kwendeka kuli bakebo ngwendi, "Njapangele chipaangi chimo,cho mwalikomokelele mubaboshe ha mulonga wacho. Mosesa wa maynene kutuhuka ²² Kethi ngwabo watundithile kuli Mosesa,oloni kuli bakulu), cho ha Sapalalo mukatuhula munalume. ²³ Ngwe nunalume atambula kuya na kutuhuka ha sapalalo mangana lishiko lya Mosesa kethi balipokole,cho mwomu bikajo munjilubalela yange ha mulonga wa kukangwitha munu halitangwa lya Sapalalo? ²⁴ Kethi mukane munu mulonga wa chifwa cha byuma mulina kumona oloni aneni mulonga mu kuthungama." ²⁵ Cho bamo batunddile ku Yelusalema bendekele ngwabo, "Nkuma ou kethi ikeye ou bakashaka kuthsiya? ²⁶ Taleni,wendekele ha mesho abo,cho nebi bibendekele kuli ikeye byahi. Kuchatha kupwa bakakuyula bathzibuka ngwe ikeye bene Kilisitu,chinathiwa? ²⁷ Nambe ngocho twatanekeya oku watunda ou,Oloni omu akaija Kilisitu,kukwethi umo akathibuka oku watunda." ²⁸ Cho Yesu walilile na kutambekela mu tembele kulongetha ngwendi, "Yeni boshe munjithzibuka mwathzibuka okunjatunda ku njalithzilile yange babenya,oloni ou wanjitumine wa buthunga, cho ku mumuthzubuka. ²⁹ Njmuthzubuka mwafwa njatunda kuli ikeye cho wanjitumine." ³⁰ Bakele na nakutonda kumukwata,oloni naumo wahi wakambekele luboko lyendi hali ikeye mwafwa thimbu yendi te kanda ichete. ³¹ Oloni babangi mumbanga bamukulahelele,cho bendekele ngwabo, "Omu akaija Kilisitu,akalinga bimwetho bya bingi kutubakana ebi na lingi ou?" ³² Bafaliseo bathzibile mbunga omu bakele na kuyebeta hali Yesu,cho tupilisitu babakulunu naba faliseo batumine bakabipangi bamukwate. ³³ Cho Yesu wendekele kuli bakebo ngwendi, ''Njichili hamo neni hathimbu ya indondo,cho njikya honi kuli ou anjitumine. ³⁴ Mukanjitonda oloni kumukanjiwana; oku njikaya,kumukatha kwijako." ³⁵ Cho ba Yuleya baleyendekethele mukati kabo ou munalume akaya kuli aku kutukatha kumuwana? Akaya ku mwela yaba ba Ngiliki na kulongetha ku Ngiliki ndi? ³⁶ Indi lijwi muka eli nendeka ngwendi, 'Mukanjitonda oloni kumukanjiwana; oku njikaya, kumukatha kwijako'? ³⁷ Cho kumanenethelo,halitangwa lya kama lya hilika,Yesu wemanene na kutambekela, ngwendi, "Ngwe umo athziba lihwila,mwecheleni aije kuli yange na kwija na kunwa. ³⁸ Ou akulahla muli yange,ngwe omu bithoneka byendeka,bindonga bya mema kuyoya a mwonyo akakeluka mwimo lyendi." ³⁹ Oloni wendekele echi ha munthzinthzime,ou bakatambula baje ba mukulahelele; Munthzinthzime tekanda bawane mwafwa Yesu tekanda bamwane bumpahu. ⁴⁰ Bamo mu mbunga,omu bathzibile awa majwi,bendekele ngwabo, "Chili bene ou kaplofita." ⁴¹ Bakwabo ngwabo, "Ou ikeye bene Kilisitu." Oloni bamo ngwabo,''Nkumani Kilisitu watunda ku Ngalileya? ⁴² Nkumani bithoneka kubyendekele ngwabo Kilisitu watunda kuchithemwa cha Ndaviti?" ⁴³ Cho bakatukile na kulitepa mumnga ha mulonga wendi. ⁴⁴ Bamo muli bakebo ngwe bamukutile.oloni naumo wahi wkambekele maboko endi hali ikeye. ⁴⁵ Cho bakabipangi belukile kuli tupilisitu babakulunu naba Faliseo,aba bendekele kuli bakebo ngwabo,"Bika kumwamunenelele? ⁴⁶ Baka bipangi bamukumbulwile ngwabo, "Kukwethi nambe umo nendeka echi.'' ⁴⁷ Cho bafaliseo babakumbulwile ngwabo, "Neni lalo banamikietha? ⁴⁸ Indi bakakuyula bamo bankulahela muli ikeye,nameme ba faliseo bamo? ⁴⁹ Oloni mbunga eyi kuithzibuka lishiko,banapu bakuthingiwa." ⁵⁰ Nekondemasi (umo muli ba faliseo,ou wethzile kuli ikeye hakilibanga) wendekele kuli bakebo ngwendi, ⁵¹ "Nkumani lishiko lyetu likatha kana mulonga munu thimbu kanda kuli ikeye na kutanekeya obyo akalingi?" ⁵² Bamukumbulwile na kwendeka kuli ikeye ngwabo, ''Neni lalo mwatund ku Ngalileya? theteleni mumone ngwe kukwethi kapolofita wa kutunda ku Ngalileya." ⁵³ Cho munu woshe waile kunjubo yendi.