¹ Kwathalele matanga atanu nalimo kweta ha Paseka,Omwo Yesu wetghzile ku Mbetani,kuje kwakele Lazalo,ou Yesu wathangwile kubathsi. ² Cho bamupangelele kulya kwa chingwethzi,cho Malita ikeye wakele na kubana kulya chije, Olojo Lazalo wakele umo wabaje bashendamenene ku metha na Yesu. ³ Cho Maliya wamabetele mathzi akunika lwengo lwa lubwa a ndando,nakubwabetha mendi a Yesu, nakuwathikumuna na bing'ambu byendi. Cho njubo yoshe yashulile nalithzimba lya lwengo lwa mathzi. ⁴ Yundase Isikalyote,umo wabandongethi bendi,uje akamwenda bungungu,wendekele ngendi, ⁵ "Bikajo kalndethelele awa mathzi namandinala akweta bita bitatu na kwana bihutu?" ⁶ Oloni wendekele ngwendi,mwafwa kethi ha mulonga wa ku nyunga bihutu,oloni nwafwa apwile mathzi. Watulikile chikwama cha bimbongo cho wakele na kwiba bije batulikililemo. ⁷ Cho Yesu wendekele ngwendi, "Mutabetheni anyunge obyo ali nabyo bya kulitangwa lya kunjithsinda. ⁸ Mukakala na bihutu matangwa oshe. Oloni kumukakala nange matanga oshe embwe." ⁹ Cho mbunga yakama ya ba Yuleya bathzibikile ngwabo Yesu wakele kuje bene,cho bethzile,kethi ha mulonga wa Yesu embwe,oloni na kwija kwakumona Lazalo,ou bathangwile kubathsi kuli Yesu. ¹⁰ Cho tupilisitu babakulunu batungile hamo butumbe mangana baka thsiye Lazalo lalo; ¹¹ mwafwa hamulonga wendi ba Yuleya babangi batundile kuli bakebo na kutaba muli Yesu. ¹² Halikaki mbunga yakama yethzile ku chiuwano. Omwo bathzibile ngwabo Yesu ali najwija ku Yelusalema, ¹³ bambatele minango ya bishakabale na kuya nakuliwana nendi nakutambeka ngwabo, "Hosana! Nabethzika ou alinakwija mulithzina lya Sgukulu,mwene wa baka Isilaele." ¹⁴ Yes wawanene muna chimulu na kutambameho; ngwe omwo bachithonekele ngwabo, ¹⁵ "Kethi uthzibe lyoba, yobe mwana wamumbanda wa Siyone; kenga,mwene wobe alinakwija,natumbama ha mwongo wa chimulu." ¹⁶ Bandongethi bendi bakulibanga kubathzibithithile byuma ebi;oloni omu Yesu wakpobelele na bumpahu,banukile ngwabo byuma ebi bamuthonekelelebyo cho bana bilingi hali ikeye. ¹⁷ Cho mbunga yalumbunwine ngwabo bakele nendi hathimbu watahanene Lazalo kutunda mu mbumbo na kumuthangula ku bathsi. ¹⁸ Chakele hamulonga wechi lalo hakeho ije mbunga yaile kuliwana nendi,mwafwa bathzibile ngwabo nalingi echi chimwetho. ¹⁹ Cho ngachije bene ba Faliseo baliyongwele mukati kabp ngwabo, Talani,kumwatha kulinga chuma nambe chimo; Kengeni,kaye ksohe kali nakukaba ikeye." ²⁰ Cho ba Ngiliki bamo bakele hakati kabaje bakandukile na kulomba ku chiwano. ²¹ Bano baile kuli Filipu,ou watundile ku Mbeteseta mu Ngalileya,nakukamwihula, ngwabo, "Mwata,totonda kumona Yesu." ²² Filipu waile na kuleka Anduleyi; Cho Anduleyi wailehamo na Filipu,cho balekele Yesu. ²³ Yesu waba kumbulwile ngwendi, "Thimbu inete mangna Muna Munu bamwane bumpahu. ²⁴ Chili,chili,njendeka kuli yeni ngwange,kubanga nona ya tiliku iwile hathi na kuthsa,ithala hayo lika; loni nga ithsa,ikema bushuka bwa bwingi. ²⁵ Ou athzema mwonyo wendi akauthzimbaletha; oloni ou athzinda mwonyo wendi hano ha kaye akaunyunga haya myaka. ²⁶ Ngaumo ali nakunjipangela, mwecheleni anjikabe;oku njikakala,kekeko kukakala na ngamba yange. Nga kuli umo anakujipangela,Tate akamuthingimika. ²⁷ Oloni mbunge yange ili nakuyanda cho njendeka bika? 'Tate,njobole kuli eyi hola'? Oloni hamulonga wechi hakebo njethzilile kuli eyi hola. ²⁸ Tate,shangathzala lithzina lyeni. "Cho lijwi lya tundile kwilu nakwenda ngwalyo, "Njalishangathzala laja cho njalishangathzala lalo." ²⁹ Cho ije mbunga yemeneneko nakuthziba eli lijwi cho bendekele ngwabo muhyato. Bakwabo ngwabo, "Kangelo kendi ikeye nendeka kuli ikeye." ³⁰ Yesu wabakumbulwile ngwendi, "Lijwi eli kulyethzile omwo wange embwe oloni omwo weni. ³¹ Cho inapu laja thimbu ya kusompetha babakaye;cho mukakuyula kaye aka bakamutundithaho. ³² Omu bakanjijundula kutunda hathi,njikakokela banu boshe yange." ³³ Akwendeka ngechi watumbwile kuthsa muka k kuje kwa kathsilamo. ³⁴ Cho mbunga ya mukumbulwile ngwabo, "Twathzibele kutunda mu mashiko ngwabo Kilisitu akatumbama hano ha kaye myaka yoshe. Cho wendeka bati ngwobe, 'Muna Munu netele kumujundwila mwilu'? Ou Muna Munu iyajo?' ³⁵ Cho Yesu wabakumbulwile ngwendi, "Cheke chikakala neni hakathimbu kakandondo. Endeni thimbu muchili na cheke,omwo kethi bamitubakane ku lithuthulungu. Ou akenda mulithuthulungu kethi kutanekeya oku kwali nakuya. ³⁶ Thimbu muli na cheke,kalaheleni ku cheke omwo mukapwa bana ba cheke." Yesu wendekele ebi byuma cho waile na kukabanda kuli bakebo. ³⁷ Nameme Yesu walingile bithzibukitho bya bingi kumesho abo,oloni kubamukukulahelele. ³⁸ Ngechi lijwi lya kapolofita Isaya lipwe lya kushulithilila,omu wendekele ngwendi: "Shukulu,iyajo natubakana kwambulula chetu,cho kuliya kunasholoke;la liboko lya Shukulu?" ³⁹ Hamulonga wechi kubathele kukulahela,mwafwa Isaya wendekele lalo ngwendi, " ⁴⁰ Nabathzibaletha ha mesho abo,naku koletha bimbunge byabo; ngechi mesho abo kethi amone nakuthzibithitha na bimbunge byabo, na kutenguluka, cho njikabakangwitha." ⁴¹ Isaya wendekele byuma ebi mwafwa wa mwene bumaphu bwa Yesu nakqwendeka hali ikeye. ⁴² Olojo nambe chakele ngocho,bakakutula babangi bakulahelele muli Yesu; oloni omwo wa ba Faliseo,kubachitabethele kutewa kubasheka mu Sinangonga. ⁴³ Bathzemen bumaphu buje bukatundu kubanu kutubana buje bwatundile kuli Njambi. ⁴⁴ Yesu watambekele na kwendeka ngwendi, "Umo ou akulahela muli yange,kakulahela muli yange lika oloni namuli ou anjitumine, ⁴⁵ cho nou amono yange cho na mono lalo nou wanjitumine. ⁴⁶ Njinaija ngwe cheke mu kayekoshe,linga ou woshe akulahela muli yange kethi akatha kukala mulithuthulungu. ⁴⁷ Nga kuli umo athziba majwi ange oloni kawanyungu,kunjikamwana mulonga embwe; mwafwa kunjethzilile na kusompetha kaye,oloni kwa kwobola kaye. ⁴⁸ Ou anji byana na kwonowa kutumbula majwi ange,alinaumo wakumusompa.Lijwi eli njinendeka likamuhitha halitngwa lya mamanethelelo. ⁴⁹ Mwafwa kunjethi kulyendekele na ndthzili yange,oloni ba Tate banjitumine,bakebo bananjikambeya ha bika njatela kwendeka na kulumbununa. ⁵⁰ Njathzibuka ngwange kukambeya chabo chapwa mwonyo wa myaka yoshe,cho bikebyo ebi njinendeka - ngwe muje ba Tate bebdekele kuli yange,mukemwo njendeka.''