¹ Cho munalume umo wakele na kubinja walthzina lya Lazalo.Watundile ku Mabetani,limbo lya Maliya na ndokathzi yendi Malita. ² Wakele Maliya uje wabwabethele Shukulu na meya na kumuthikumuna na bing'ambu byendi ku mendi ikeye wakele na ndolome yendi Lazalo wakele na kubinja. ³ Baje ba ndokathzi bathanene Yesu,ngwabo, "Shukulu,Kenga,ou iwathezema alinakubinja." ⁴ Omu wachithzibile Yesu,wendekele ngwendi, "Mishongo eyi kethi ya kutwala kukuthsa,oloni yakunena bumpahu bwa Njambi mangana bakathzumbangeye muna Njambi." ⁵ Olojo Yesu wathzemene Malita na ndokathzi yendi na Lazalo. ⁶ Cho omwo wathzibile ngwabo Lzalo alinakubinja.Yesu watumbamene matangwa abali lalo kuje ku chela wakale. ⁷ Cho hanima yechi,wendekele ku bandongethi bendi ngwendi, "Tuyeni lalo ku Yuleya. ⁸ Baje bandongethi bendi bendekele kuli ikeye ngwabo, "Mulongethi, hanobene ba Yuleya balinakutonda kukwasha mamanya,cho uya kuje lalo?" ⁹ Yesu wabakumbulwilengwendi, "Nkumani mulitangwa ku mwakele mahola likumi nabali a cheke? Nga munu enda mumutanya,katha kutanuka,mwafwa alinakuona na cheke cha litanya lya Kaye. ¹⁰ Olojo,nga enda buthsiki, atanuka mwafwa cheke kuchethi muli ikeye." ¹¹ Wendekele ebi byuma,hanima yabino,wendekele kuli bakebo ngwendi, "Muthamba wetu Lazalo na lala tulo,cho njiyako linga njika mwindule kutunda mutrulo." ¹² Ngechibene baje bandongethi bendi bendekele kuli ikeye ngwabo, 'Shukulu,ngwe nalala tulo,cho enduka.'' ¹³ Oloni Yesu wendekele ha kuthsa kwendi,Olojo bathinganyekele ngwabo wendekele hatulo twakuhwima. ¹⁴ Cho Yesu wendekele chi tonamesho kuli bakebo ngwendi, "Lazalo nathsi. ¹⁵ Njabwahelela,hamulonga weni,kunjakeleko mangana mutabele tuyeko kuli ikeye. ¹⁶ Tomasi,ou bathanene ngwabo Ndindimasi,wendekele kuli bakwabo bandongethi ngwendi, ''Tuyeni netu mangana tukathse hamo na Yesu." ¹⁷ Omwo wethzile Yesu,wawanene ngwabo Lzalo nalala laja matangwa awana mu mbumbo. ¹⁸ Cho Mbetani yakele mumuyehi na Yelusalama,nunda ya kweta masitediya likumi naatanu. ¹⁹ Ba Yuleya babangi bethzile kuli Malita na Maliya,nakubathzembeleka hali ndolome yabo. ²⁰ Cho Malita,omu wathzibile ngwabo Yesu alinakwija,wamusheshele,oloni Maliya watumbamene munjubo. ²¹ Malita wendekele kuli Yesu ngwendi, "Shukulu,ngwe unakele kuno,ndolome yange ngwe kathsile. ²² Nahano lyapwa bene,njthzibuka ngwange cho chiulomba kuli Njambi,akakwanacho." ²³ Yesu wendekele kuli ikeye ngwendi, "Ndolome yobe enduka lalo." ²⁴ Malita wendekele kuli ikeye ngwendi, "Njathzibuka ngwange akenduka lalo mukutanguka kwa litangwa lymamanethelo." ²⁵ Yesu wendekele kuli ikeye ngwendi, " Yange kuthanguka na mwonyo; ou ataba muli yange,nambe ngwe athsa,akakala na mwonyo; ²⁶ cho ou akala na na kukulahela muli yange kakathsi. unakulahela echi?" ²⁷ Wendekele kuli ikeye ngwendi, "Eyo,Shukulu,njakulahela ngwange yobe Kilisitu,muna Njambi,ou anakwija mu kaye. ²⁸ Hanima yakwendeka ebi, watundileko cho wathanene ndokathzi yendi Maliya kumukulo. Webndekele ngwendi,"Mulongethi naija cho ali nakukuthana. ²⁹ Omu wathzibile echi,wakatukile bwathibwathi nakuya kuli ikeye. ³⁰ Olojo Yesu tekanda ete mwimbo oloni te achili kuje kuchela waliwanene na Malita. ³¹ Olojo omu ba Yunda baje bakele nendi munjubo naku muthzembeleka,bamwene Maliya na katuka bwathibwathi nakuya hanja,bamukabele,nakuyongola ngwabo alina nakuya ku mbumbo na kukalililako. ³² Omwo Maliya wetele kuje kuchela wakele Yesu cho mwowamumwene,wawililile hathi hathi kumendi endi na kwendeka ngwendi, "Shukulu,ngwe unakele kuno,ngwe ndolome kathsile." ³³ Omwo wamumwene Yesu alinakulila,na ba Yunda wethzile nabo banakulila nabakebo,chamukwatele mumwonyo wendi nakukala na buthiwa bwakama; ³⁴ wendekele ngwendi, "Munamulangeka kuli?" Bendekele kuli ikeye ngwabo, "Shukulu,ija umone," ³⁵ Yesu walilile. ³⁶ Cho ba Yunda bendekele ngwabo, "Kengeni omu wamuthzemene Lazalo!" ³⁷ Oloni bamo bendekele ngwabo, '' Kethi munalume ou,uje watonethele mesho auje kapuputwa,ngwe kalingithile ou munalume konwa kuthsa.?" ⁴⁰ Cho ou Yesu washulile na buthiwa mu mbunge,waile kuje ku mbumbo. Cho yakele mako ya mulimanya,kuje bafwikile limanya. ³⁹ Yesu wendekele ngwendi, "Tunditheniko limanya. "Malita,ndokathzi ya Lazalo,ou wathsile,wendekele kuli Yesu ngwendi, "Shukulu.thimbu ino mubila ulinakunika,mwafwa nuneti honi matangwa awana kutunda hanathsile. ³⁸ Yesu wendekele kuli ikeye ngwendi, "Nkumani kunjendekele kuli yobe ngwange,nga ukulahela umona bumpahu bwa Njambi?" ⁴² Cho batundithileko limanya. Yesu wandwile mesho endi nakwendeka ngwendi, "Tate, njakukandelela mwafwa wanjithzibililile yange. ⁴¹ Njathzibuka ngwange ukanjitolilla yange,oloni hamulonga wambunga eyi inanjithzenguluka oku njili nakwendeka echi;mangana batabe ngwabo yobe wanjitumine." ⁴³ Hanima yakwendeka ebi,watambekele na lijwi lya kukanguka ngwendi, " Lazalo,tuhuka!" ⁴⁴ Uje munalume wakuthsa watuhukile;mendi na maboko endi bakutileko binanga,naku mesho endi bakutileko namnga. Yesu wabalekele ngwendi, "Muthzituleni mu mwechele aye." ⁴⁵ Cho baje ba Yunda babengi baje bethzile kuli Maliya mu bamwene ebi walingile Yesu,Cho ba mukukahelele. ⁴⁶ Oloni bamo baile kuli ba Faliseo nakubaleka byuma ebi walingile. ⁴⁷ Cho tupilisitu babakulunu naba Faliseo bakungulwile nthzango hamo na kwendeka ngwabo, "Tulinga bati? Ou munalume akalingi bikomwewetha bya bingi. ⁴⁸ Nga tumwechela ngachije,boshe ba mukulahela ikeye. Cho ba Loma ba kaija nakutambula byela byetu na lifuti lyetu." ⁴⁹ Nambe ngocho, munalume umo mukati kabo,Kefasi,ou wakele kapilisitu wa helu muli uje mwaka,wendekele kuli bakebo ngwendi,"Nebi bimuthzibuka bene byahi. ⁵⁰ Kumutabele ngweni chinabwaha munu umo kuthsila banu kutubakana lifuti lyoshe kunyonga." ⁵¹ Oloni ebi byendekele kubyatundile muli mabenya. Olojo,hakupwa kapilisitu wahelu uje mwaka,wapolofetele ngwendi Yesu watelele kuthsila baka lifuti; ⁵² kethi baka lifuti lika,oloni mangana bana na Njambi baje balishandoka babakungulwile nakukala mubumo. ⁵³ Cho kutunda halitangwa ilje bayongwele omu batela kwakela Yesu mu kuthsa. ⁵⁴ Yesu kathele lalo kwenda hakujela mukati kaba Yunda,oloni wakatukile na kuya kuli lifuti lya kele ku yehi na mambo mu mbaka bathana ngwabo Efuremu. Watumbamene muje naba ndongethi bendi. ⁵⁵ Cho chiwano cha ba baYunda cha Paseka chetele muyehi. Cho babangi baile ku Yelusalema kutunda mu Lifuti lije mangana bakalijelethe babenya thimbu kanda Paseka iputuke. ⁵⁶ Bakele na kuthetele Yesu,nakulyendeketha umo na mukwabo hathimbu bemanene mu tembele ngwabo, "Mwathinganyeka bati? ngweni kaija ku chiwano?" ⁵⁷ Oloni tupilisitu babakulunu naba Faliseo bakambeyeye ngwabonga kuli umo wathzibukile oku wakele Yesu,natela kwambulula mangana bakamukwate.