¹ "Chili, chili,njimileka ngwange,munu woshe kakakobela kuchikolo cha limba lya bimanga,oloni alondela kweka,uje munu napu mwithzi na lipwepwe. ² Munu akobelela ku chikolo napu kanyungi ka bamanga. ³ Mukakunyunga ku chikolo a mushokwelela. Bamanga bathziba lijwi lyendi,cho athana bamanga bendi ha mathzina abo na kubatuwitha hanja. ⁴ Omwo nabatuhula hanja boshe bendi,atwama kulutwe lwabo,cho bamanga bamukaba,mwafwa bathzibuka lijwi lyendi. ⁵ Kubakabangeya munu weka oloni baka mutewa,omwo kubathzibuka lijwi lyendi." ⁶ Yesu wabatelele echi chithimo,oloni ku ba thzibithithile ebi byuma bya kele na kwendeka. ⁷ Ngachije bene Yesu wendekele lalo ngwendi, "Chili,chili,njimileka ngwange,yange chikolo cha bamanga. ⁸ Woshe walibangele kulutwe lwange mwithzi na lipwepwe,oloni bamanga kuba mutolilila. ⁹ Yange chikolo,Woshe akobela kwitila muli yange,akoboka,akakobela na kuhuka cho aka wana kwa kulila. ¹⁰ Mwithzi kethi kwija lika kubanga na kwiba na kuthsiya na kubihitha. Yange njinaija ngechi ba wane mwonyo na kuwana mwibwingi. ¹¹ Njikanyungi wamubwa. Kanyungi wa mubwa akana mwonyo wendi kuthsila bimanga. ¹² Uje ngamba ibana kumuna kethi kanyungi cho bimanga kethi bendi. Mwamona kangunga ali na kwija cho kathethze bimanga na ketewa,cho uje kangunga akwata bimanga na kubashandola. ¹³ Atewa amwo ikeye wa kukumuna cho kethi na kwakako maana ku bimanga. ¹⁴ Njikanyungi wa mubwa,cho njithzibuka bange,bange banjithzibuka. ¹⁵ Tate anjithzibuka,cho nange njibathzibuka,cho njalyana mwonyo wange ha bimanga. ¹⁶ Njili na bimanga bakwabo aba kubethi mu butanga obu. Njinapande kubanena lalo,cho bakathziba lijwi laynge ngechi bene ba kapwa butanga bumo na kanyungi umo. ¹⁷ Echichiekcho tate wa njishakela: nja lyana mwonyo wange ngechibene njikawamabte lalo. ¹⁸ Kukwethi anjinyekabo kuli yange,oloni njili na kuwana yange babenya.Njili na bithzili bya kuwana,cho njili na bithzili na kubatambula lalo. Njatambula eli lishiko kutundulila kuli Tate." ¹⁹ Kwakele lalo kahangu hakati kaba Yunda omwo ya majwi awa. ²⁰ Bwingi bwabo bendekele ngwabo,"Ali na lyamba cho natghzaluka. Bikajo bimuli na kumutolilila?" ²¹ Beka bendekele ngwabo, "Awa kethi majwi a laynba - munu wa kuthzaluka. Kuma lyamba atonetha mesho a kapuputwa ndi?" ²² Chojo yetele thimbu ya chilika cha kubwahelela kuto ketha mu Yelusalema.Yapwile thimbu ya chithika, ²³ cho Yesu wakele na kwenda mu tembele mu chimbimbi cha Solomoni. ²⁴ Chojo ba Yunda ba muthzengulukile na ku mwihula ngwbo, "Thimbu ya kupwa hali itu bandamena ya kuluthana? Mwe yobe Yesu Kilisitu,tuleke tuthzibuke." ²⁵ Yesu waba kumbulwile ngwendi, Njamilekele,oloni yeni ku mwa njikulahelele. Bipangi ebi njina na kulinga mulithzina lya Tate,ebi bili na kwambulula hali yange. ²⁶ Oloni yeni kumwethi na kunjikulaheka mwafwa yeni kethi mubimanga byange. ²⁷ Bimanga bange baka thzibi lijwi lyange; nange lalo njibathzibuka,cho banjikaba. ²⁸ Njibana mwonyo wa myaka yoshe; kubathsi,cho naumo wahi akaba chakununa mu liboko lyange. ²⁹ Tate,ou na njanabo,wakama kutubakana byuma byoshe,cho na umo wahi atha kubachakununa muliboko lya Tate. ³⁰ Yange na Tate twapwa umolika." ³¹ Cho ba Yunda bamabtele mamanya lalo mangana ba mwashe. ³² Yesu waba kumbulwile ngwendi, "Njina mimwetha bipangi bya bingi bya nibwa bya kufuma kuli Tate. Cho honi bipangi bili bimo bimushaka ku njashela mamanya?" ³³ Bayunda ba mukumbulwile ngwabo, "Kukwethi na kukusha mwafwa wa chipangi choshe cha chibwa,oloni mwafwa wa kushaula Njambi (Mwafwa wa likamba), mwafwa yobe,munu,uli nsa kulipwitha Njambi." ³⁴ Yesu wabakumbulwile ngwendi, "Kubachithonekele mulishiko lyeni, 'Njendeka ngwange,"mubinjambi"'? ³⁵ Oshe ikeye wabatanene binjambi,kuli aba kwethzile lijwi lya Njambi (Cho bithineka kubyathiwa kubitengulula), ³⁶ mwendeka kuli ou Tate wa shakula na kumutuma mukaye; Yobe una shaula Njambi; mwafwa njinendeka ngwange; nji muna Njambi?' ³⁷ Oshe kujethi nakulinga bipangi bya Tate,kethi munjikulahele. ³⁸ Oloni oshe njili na kubilinga,nameme kunjikulahela,kulaheleni mu bipangi mangana amo mutanekeya na kuthzibithitha ngwe Tate ali muli yange cho yange ngili muli Tate." ³⁹ Bethekele kumukwata lalo,oloni wa buthunukile mu maboko abo waile. ⁴⁰ waile lalo kutubakana Yondani ku uje mwela Yowano kwa putukilile kumbwitika,cho wa tumamene kuje. ⁴¹ Banu babengi bethzile kuli ikeye cho bendekele ngwabo, "Yowano chili kalingile bimwetho,oloni byuma byoshe bije Yowano wendeke hali ou munalume bya bushunga." ⁴² Banu babengi ba kuje ba mukulahelele.