¹ Cho thimbu ya chiwano cha Paseka kanda ichete. Yesu wathzibukile ngwendi thimbu yendi ineete yakutunda hano hathi nakuya kuli Ise. Omwo wathemene bendi baje bakele hano hathi,wabathemene kweta noho wakotekele kuma manethelelo. ² Cho lyabolo wakobelethele laja mu mbunge ya Yundasa Isikalyote muna Simona,kwenda Yesu bungung. ³ Watanekeyele laja ngwendi ba Ishe bana mwana byoshe mumaboko endi cho watundile kuli Njambi cho lalo ali nakuya kuli Njambi. ⁴ Wakatukile kutunda ku metha cho wamabatele litwayi walikutile mu mumba yendi. ⁵ Cho wakele mema mulilonga washangumukile kujweletha myanja yaba ndongethi bendi cho wabathikumwine na litwayi ije walikutile mumbunda yendi. ⁶ Cho Yesu wethzile kuli Simona Petulu nakwendeka ngwendi, "Shukulu,ushaka kunjitanetha ku myanja yange?" ⁷ Yesu wamukumbulwile na kwendeka kuli ngwendi, "binjili na kulinga kuwatha kubithzibithitha hana,oloni ukatha kubithzibithitha ku lutwe." ⁸ Petulu wendekele kuli ikeye ngwendi, "Kuwatha kunjitanetha kumendi ange." Yesu wamukumbulwile ngwendi, "Ngwe kunjikutanetha ku mendi obo,kuwetha kupwa ndongethi yange." ⁹ Simoni Petulu wamukumbulwile ngwendi, "Shukulu,kethi lika unji tanethe mu mendi ange,oloni njitanethe na ku maboko na ku mutwe lalo." ¹⁰ Yesu wendekele kuli ikeye ngwendi, "Uje woshe natana najele,kubanga kumutanetha ku mendi endi,cho napu wakujela woshe; unapu wakujela,oloni kethi woshe." ¹¹ (Mwafwa Yesu watanekele uje akamwenda bungungu; mukemwo mwendekelele echi,"Kethi mubaboshe munapu bakujela.") ¹² Omwo Yesu wamanethele ku batanetha kumwendi abo cho wamabwetele buthzalo bwendi cho watumamene hathi lalo, wendekele kuli bakebo ngwendi, "Mwatanekeye echi njinalingi kuli yeni ndi? ¹³ Muka njithana 'mulongethi' na 'shukulu' cho mukendeka mwa mubwa,mwafwa yange bene. ¹⁴ Cho ngwe yange,Shukulu na Mulongethi,njina natanetha mendi eni, neni lalo mwatele kutanetha mendi aumo na mukwabo. ¹⁵ Mwafwa njinenamyana chakutaleleho linga neni mukathe kulinga muje yange njinathele kumilingila yeni. ¹⁶ Chili,chili,njimileka ngwange, ngamba kethi wakama kutubakana shukwaina; nambe kanganda kupwa wakama kutubakana uje na mutumu. ¹⁷ Ngwe mwatanekeye ebi byuma, cho munapu bakubethzika ngwe mwatha kubilinga. ¹⁸ Kujethi nakwendaka kuli yeni mubaboshe; Njinatanekeya baje njinangula - linga bithoneka bika lishulithilile: 'Uje atha kulya likende lyange natenguluka na njitengulukila yange. ¹⁹ Njili naku mileka ebi thimbu kanda bilingiwe linga omwo bikatha kulingiwa,mukathe mukukulahela ngweni YANGE IKEYE BENE. ²⁰ Mwabuthunga, mwabuthunga,njimileka ngwange,uje woshe akatha kutambula uje Njinatumu na tambula yange,cho uje akanjitambula akatambula naujei nanjinatumu yange." ²¹ Omwo Yesu wendekele ebi,wakele na chishoti mu sipilitu. Cho wendekele chitona mesho ngendi, Mwabuthunga,bwabushunga,njimileka ngwange uje umo akanjenda bungungu." ²² Bandongethi bendi kale na kulitala umo na mukwabo, kuthinga nyeka iyajo yakele na kwendeka. ²³ Umo wabandongethi bendi,uje wathzemene Yesu, wakele metha hamo na Yesu. ²⁴ Simona Petulu wanyateyeye bandongethi bendi na kwendeka ngweni, ''Mwihuleni yajao yali nakwendeka.'' ²⁵ Cho wajendamenene ku mpati yha Yesu na kwendeka kuli ikeye ngweni, "Shukulu, kumani iyajo ou?" ²⁶ Yesu wamukumbulwile ngwendi, "ou bene njikambwika mbathzubwila ya likende na ku mwanayo." Cho omwo wa mbwitikile likende,wa lyanene kuli Yundase muna Simona Sakalyote. ²⁷ Cho hanima ya kulya likende Yundase,lyabolo wakobele muli ikeye,cho Yesu wendekele kuli ikeye ngwendi, "Bije uli nakutonda kulinga,bilinga bwathi." ²⁸ Cho naumo wahi watumbamene kumetha watanekeye bije byendekele ebi kuli ikeye. ²⁹ Bamo bathinganyekele ngwabo, mwafwa Yundase wakele na njeke ya bimbongo,Yesu wendekele kuli ikeye ngwendi, "Yakalande bije tuna jeneka bya chiwano," nambe ane bimo bakakuhutwa. ³⁰ Hanima ya kutambula likende,cho watuhukile bwathi, mwafwa bwapwile buthsiki. ³¹ Hanima ya kuya kwa Yundase, Yesu wendekele ngwendi, "Choni Muna Munu bakamuthzumbangeya, ³² cho Njambi bakamuthzumbangeyele muli ikeye. Njambi akamuthzumbangeya babenya,cho ikeye akamuthzumbangeya ajebene. ³³ Bana babandondo, njichili neni hathimbu ya indondo.Mukanjitonda yeni, ngwe muje mujendekele kuli ba Yunda, 'Kuje njili nakuya,kumwatha kuyako,' Cho njendeka ebi lalo kuli yeni. ³⁴ Njilina na kumyana lishiko lya liha, ngwange thzemeni umo na mukwabo; ngwe muje njamithzema, neni lalo mwatele kuthzema umo na mukwabo. ³⁵ Mukulinga echi boshe bakamitanekeya ngwabo mubandongethi bange, ngwe muli na chithzemo kuumo na mukwabo." ³⁶ Simona Petulu wendekele kuli ikeye ngwendi, "Shukulu,ulina kuya kulijo?" Yesu wamukumbulwile ngwendi, "Kuje njilinakuya, kuwatha kunji kaba yange honi, oloni ukanjikabangeya kulutwe." ³⁷ Petulu wendekele kuli ikeye ngwendi, "Shukulu,bijajo kunjathele kukukabangeya? njikanyongetha mwonyo wange hali yobe." ³⁸ Yesu wamukumbulwile ngwendi, "Ukatha kunyongetha mwonyo wobe ha mulonga wange? Chili, chili, njikuleka ngwange, ndemba kanda atambeke ukanjibyana bithimbi bitatu."