¹ Eni bilema ba Ngalatiya! iya naka chithingo hali yeni? hakele ha mesho eni muje Yesu Kilisitu bamushukikile hambunga. ² Echi chikecho lika chuma njili na kutonda kuli longetha kuli yeni: Mwatambwile mundthzindthzime katundila mu bipangi bya mashiko indi mukuthiba bije mwa kulahehele? ³ Munapu bilemi ndi? Mwaputukile na mundthzindthzime,cho mukamanetha na mubila ndi? ⁴ Mwa yandelel byuma bya bingi bya ngocho - ngwe chili bene bya pwile bene bya ngocho? ⁵ Nkumani uje muka kwane mundthzindthzime kuli yeni na bipangi bwa kukomowetha hakati keni alinga ebi kwitila mubipangi bya lishiko,nambe kuthiba kwa kukulahela? ⁶ Ngwe muje Abilahama "Wakulahelele Njambi cho bamutandelele kupwa muka kwoloka," ⁷ Ngechibene, thzibithitha,cho,ngwabo baje balikulahelo banapu bana ba Abilahama. ⁸ Cho bisoneka,byendekele ngwabyo Njambi akaka baje ba Kamafuti ku kukulahela.walongethele majwi amabwa hakulibanga kuli Abilahama,ngwabo,mu mafuti oshe bakababethzikitha. ⁹ Choni, baje baka likulahelo bana bethzika hamo na Abilahama,munalume walikulahelo. ¹⁰ Baje bsohe bakundama kubipangi bya lishiko bali mwithi ya chithingo; cho bachisoneka,"Wakuthingiwa uje woshe kakabangeya byuma byoshe bije bibana soneka mu libulu lya lishiko,naku bilinga." ¹¹ Oloni chinapu cha buthunga ngechi naumwo wahi ubana pwitha kupwa muka buthunga ke mesho a Njambi kwitila mu lishiko,mwafwa "baka kwoloka baka yoya mu likulahelo." ¹² Oloni lishiko kulyapwile lya likulahelo,nambe,"Munu uje alinga bipangi bya lishiko napande kuyoya nabyo." ¹³ kilisitu watupatwile kufuma kuchithingo cha lishiko hakupwa chithingo chetu - mwafwa bachisokele ngwabo,"Wakuthingiwa uje woshe bakashukika ha muti" - ¹⁴ linga bibethzikitho bya Abilahama byete kuli ba ka Mafuti muli Yesu Kilisitu,linga muli kulahelo twathe kutambula kukulahetha cha mundthzindthzime. ¹⁵ Bandolome,echeleni njipangethe chimwetho cha bunu,omwo banu babali banalithzibathana na kuthoneka lithzibathano lyabo kwitile mu lishiko,naumo wahi atha kuli tundithaho nambe kubweleko chimo. ¹⁶ Cho bikulahela babyendekele kuli Abilahama baka naanga yendi,kuyendeka ngwabo,"baka nanga," kulumbununa babengi.oloni ngwabo kuumolika, "Naku naanga yobe," ikeye Kilisitu. ¹⁷ Choni binjili nakwendeka ebi: lishiko,lije lyethzile hanima ya myaka biita biwana na makumi atatu,kulyatha kuthzimangana lkithzibathano lyakeleko lije lya libangele kwana Njambi. ¹⁸ Ngwe b uwana bwija na lishiko,choni kukuja na kukulahetha. Oloni Njambi wachanene kuli Abilahama na lukulahetha. ¹⁹ Bika, choni, theho ya lishiko ya pwile ika? baibwethzeleleko hamulonga wa bubi kubanga kwija kwa batekulwila ba Abilahama kuli bakebo bachikulahethele. Lishiko bali bwabethele kwitila muli tungelo muliboko lya muka kubemanene. ²⁰ Cho uje mukakubana chilumbununa kethi munu umo,oloni Njambi wapwa umoilika. ²¹ Cho lije lishiko lili nakulwitha kukulahetha cha Njambi ndi? Embwe! Omwo lishiko bana lyana lije lyatha kunena mwonyo,cho baka kwoloka cho betele kwija na lishiko. ²² Oloni bubi bweja na kukutiwa mu bisoneka.Njambi walingile echi linga kukulahetha cha kutwobola mu kukulahela muli Yesu kilisitu linga bachane baje baka kukulahela. ²³ Oloni omwo thimbu yakukulahela kanda ichete, mashiko atukutiile,kupwa mukamenga kwetila hathimbu ya kukulahela cha sholokele. ²⁴ Ngechibene lishiko lya pwile chithemi na kwetela hathimbu ya kwija kwa kilisitu,linga tupwe bakujela mu likulahela. ²⁵ Cho kukulahela chineja,kwitila lalo mukutunyunga. ²⁶ Mwafwa yeni mwapwa bana ba Njambi mu kwitila mu kukulahela muli yesu Kilisitu. Mubwingi bweni baje bambwitikile kuli Yesu banathzala Kilisitu. ²⁷ Mubwingi bweni baje bambwitikile kuli Yesu munapu ba Kilisitu. ²⁸ Cho kukwethi mu Yunda nambe mu Ngiliki,kukwethi ndungo nambe wakupatuka,kukwethi munalume nambe munakathzi,oloni yeni boshe munapu umo muli Yesu Kilisitu. ²⁹ Cho ngwe munapu baka Kilisitu,munapu batekulu ba Abilahama,na baswana kwetheketha nachi kulahetho.