¹ Cho omwo kwetile myaka likumi na iwana njaile lalo ku Yelusalema hano na Mbanambase,nakuya na Tito hamo nendi. ² Njaile kuje mwafwa ya chimwetho na kubaleketha ou muthzimbu njikambulula hakati ka baka Mafuti.Njendekele mushweke kuli banu baje basholokele kupwa bakulema, mangana nji chisholoke nga chije buthunga bene kujethi na kushatuka - chipwe njashatukile - mukulithina. ³ Oloni kethi chipwe chituse,ou nakele nange cho nawa wapwile ka Ngiliki, bamuthindwiiye kuya ku mukanda. ⁴ Bandolome bakulikwitha bethile muku shwamothoka kwija na kulohelela oku kushubuluka twakala nacho hali Yesu Kilisitu. Bathsilile kutupwitha bindungo, ⁵ oloni ku twabatabelele chipwe kamandondo,managa buthunga bwa muthzimbu waubwa uthale neni. ⁶ Oloni baje basholokele kupwa bantwama (byoshe bije bakele nakulinga yabge kujethi na thimbu nabyo Njambi kethi kwandununa) baje,njendeka ngwange,baje basholokele kupwa bantwama nebi bana wechelela hali yange byahi. ⁷ Hakubyandununa,bachimwene ngech, ngwabo bananji kulahela na muthzimbu wa ubwa kutwala kuli baje bakujeneka kauya ku mukanda,ngechi Petulu bana - mukulaetha na muthzimbu waubwa kuli baje bya ku mukanda. ⁸ Ou Njambi wapangela muli Petulu ha mwela wa buluwa, kuli baje baya laja ku mukanda,cholalo wa pangele muli yange kuje kuba Njentile. ⁹ Cho muje,Yakomba,Kefasi, na Yowano,bakele na lithzina lya libwa ngwabo bakebo binguthzi,bathibulike ngothi oyo banjanene yange,banene lalo liboko lya chilyo lya kulinunga mukulombela kuli yange na Mbanambase.Balithzibathanene ngwabo yetu tuye kuli ba Njentile cho bakebo baye kuli baje bay laja ku mukanda. ¹⁰ Batulombele lika ngwabo tukanuke baje bakuhutwa,echi chikecho chuma nja shakele manene ku linga. ¹¹ Oloni omu Kefasi wethzile ku Antyoke,nja byanene ha meshwendi mwafwa bamihithile. ¹² Thimbu banalume bamo kanda batunde kuli Yakoba,Kefasi wakele na kulya laja naba Njentile,Oloni omu baje banalume bethzile,wechelele cho washondolokele na kufuma kuli baNjentile.Wathzile lyoba lya baje bashakele manene kutwala banu ku mukanda. ¹³ Cho lalo na baje ba Yunda bali thupileho balikumbathanene na ije mbunga ya kwendeka makuli.Chipwe Mbanambase naikeyo bamungumwine kuli ije mbunga ya bakamakuli. ¹⁴ Oloni omu njamwene bilinga byabo kubyapwile bya kukabangeya buthubga bwa muthzimbu wa ubwa,cho njendekele kuli Kefasi ku mesho abo boshe, "Ngwe yobe uka Yunda oloni uli na kuyoya ngwe uka Njentile kethi ngechi mwayoyela ka Yunda,cho uli nakuthindwiya bati ba Njentile kuyoya ngechi mwaba Yunda?" ¹⁵ Yetu twapwa tuba Yunda ku chithemwa cho keti yetu ba Njentile bakakubulumuna bubi; ¹⁶ Chipwe ngocho bene twathzubuka ngwetu kukwethi nambe munu umo wa kukwethi nambe munu umo wa kujeneka kumu wanena mulonga kwetheketha na mashiko oloni kwiltila mukukulahela muli Kilisitu Yesu. Mangana tukajeneke kutuwanene mulonga kwitila mukukulahela muli Kilisitu keti nawa nabipangi bya lishiko. Mwafwa nabipangi bya lishiko lika wahi mubila wathitu baka ukajeneka kuuwanene mulonga. ¹⁷ Ngechibene,ngwe omwo bali nakwetheka kutupwitha baka buthunga kakukala kwetu muli kilisitu,netu nawa batuwanene kupwa bakubuumuna,cho kilisitu Embwe mwane! ¹⁸ Mwafwa ngwe njitungulula byuma bije byoshe binjabihithile,cho nili na kulimwetha yange babenya kupwa munu ou alina kupokola lishiko. ¹⁹ Ngocho bene kwitila mu lishiko nange njathzile ku lishiko,managana njikayoyele muli Njambi. ²⁰ Banjaka mukuthsa hamo na na Kilisitu ha chilindakano. Kethi yange lalo njiyoya embwe,oloni Kilisitu ikeye ali na kuyoya muli yange. ou mwonyo unjili nakuyoya nawo ololo njili na kuyoya ha kukulahela muli munendi Njambi,ou wanjithemene na kunjana mwonyo wendi hali yange. ²¹ Yange kunjashakele kwaka chikeketima cha Njambi ka mukulo,oloni ngwe munu bana namupwitha muka buthunga kwitila mu lishiko,cho Kilisitu nebi bya thsililile byahi.