¹ Ngechi bene kaleni baka kutemwinwina baka Njambi,ngwe bana ba chithzemo. ² Cho endeni mu chithzemo,ngwe omwo Kilisitu watuthzemene na kulyana ikeye babenya ha mulonga wetu,bwana bwa lwengo na ng;ombelo kuli Njambi. ³ Oloni kethi kukale nambe biyongola hakati keni ngweni mwendeke bya bilinga bya bukwithzi nambe bimo bya chifwa cha mathzilo a lithsita,mwafwa ebi kubyethi bwino kuli banu bakuthzila ba Njambi. ⁴ Echeleni kethi kupwe bya mathzilo,kethzi mwendeka bya bulema,na thanda ya likamba - byoshe ebi byakele bya kuhona kutethano. Mu mwela webi kunapnde kupwa kukandelela. ⁵ Mwafwa munathzibuka na bimbunge byeni ngweni kukwethi bilinga bya bukwithzi,mathzilo,nambe munu wa nuna - ikeye uje,muka kulemetha tumponya - a kaswana mu bumwene bwa Kilisitu na Njambi. ⁶ Echeleni kethi nambe umo amikwithe na majwi a ngocho,ha mulonga wa bije byuma buteni bwa Njambi buli na kwija kuli bana babanalum baje banajeneka kwononoka. ⁷ Ngechi bene,kethi mukalinunge hamo nabo. ⁸ Mwafwa neni mwakele lithuthulungu,choni munapu yeni cheke muli Shukulu. Endekeni ngwe bana ba cheke. ⁹ (mwafwa bushuka bwa cheke ikapu mubwa bwoshe,kuthungama,na buthunga), ¹⁰ cho kaleni bakakulilongetha bije bya kushangathzala Shukulu. ¹¹ Kethi mukalikundike kuli baje baka kujneka kwima bushuka ku bipangi bya lithuthulungu,oloni mwa mubwa kubusholola. ¹² Mwaafwa chinapu chshwamwa nameme kwendeka bije byuma balingi mubushweke. ¹³ Oloni omwo byuma bimo babisholola ku cheke, bikapwa bya kumona chitona mesho. Mwafwa chinapu chashwamwa nameme kwendeka bije byuma bakalingi mwakushweka. ¹⁴ Mwafwa byuma bimo bije bisholoka ku banu binapu cheke. Ngechibene byendekewa ngwabo, "Induka,yobe mukalkulala,na katuka kutunda kubathsi,cho na kilisitu a byathzima hali yeni. ¹⁵ Kengeni bwino omwo mukende - kethi ngwe baka kujeneka mangana oloni ngwe baka mangana. ¹⁶ Pangetheni thimbu bwino mwafwa matangwa anapu kukubihya. ¹⁷ Ngocho bene,kethi muhebe,oloni thzibithitheni kuthsi kwa Shukulu omwo kwafwa. ¹⁸ Kethi mukapende na binyu,mwafwa ebi bimitwala ku bilinga bya bibi. Mu mwela webi,kaleni bakushula na mundthzindthzime wa kujela, ¹⁹ kwendeka kuli umo na mukwabo na majwi a mubithoneka bya myatho na mikanda ya myatho cho na myatho ya muthzithzime,imbeni na kushangathzala Shukulu na bimbunge byeni byoshe, ²⁰ thimbu yoshe aneni kukandelela ku byuma byoshe,mulithzina lya Shukulu Yesu Kilisitu kuli Njambi Ishe, ²¹ lyononokeleni umo na mukwabo mukuthingimika Kilisitu. ²² Banakathzi bali ku malo,ononokeni kuli banalume beni,ngwe kuli Shukulu. ²³ Mwafwa munalume ikeye mutwe wa munakathzi ngwe omwo Kilisitu wapwa mutwe wa chikungulukilo,ikeye babenya muyoyethi wa mubila. ²⁴ Oloni ngwe chikungulukilo kuli Kilisitu,ngechi bene na banakathzi lalo kuli banalume babo mu byuma byoshe. ²⁵ Banalume,thzemeni banakathzi beni,ngwe omwo Kilisitu wathzema chikungulukilo na kulyana ikeye babenya hamulonga wendi. ²⁶ Mangana athse kumujeletha,kwathsa kumutoketha ha mujeletha na mema na lijwi, ²⁷ mangana athse kwimanenako chikungukilo kuli ikeye babenya ngwe kwana bumpahu,chkujeneka kutetela nambe minkanya nambe byuma byuma bya chifwa ecgi,oloni kuthzila na kujeneka milonga. ²⁸ Uje athzema munakathzi wendi alithzema ikeye babenya. ²⁹ Mwafwa kukwethi nambe umo uje wathzindaho laja mubila wendi,oloni akaubwahetha na kuunyunga bwino,ngwe omwo Kilisitu akabwahetha na kunyunga chikungulukilo bwino, ³⁰ mwafwa tunapu tubilyo bya mubila wendi. ³¹ Hamulonga wechi,munalume akathethza baina na Ishe na kukakalipandakana kuli munakathzi wendi,cho boshe babali bakapwa mubila umolika. ³² Echi chithing'iko chakuloba chabuthunga chinapu chakama manene - oloni njili na kwendeka hali Kilisitu na chikungulukilo. ³³ Nambe ngocho,umo na umo hakati keni napande kuthzema mwebwendi ngwe ikeye babenya,cho munakathzi napande kuthingimika muka limbo yendi.