¹ Bana, ononokeni kuli bithsemi beni muli Shukulu, mwafwa echi chikecho chuma chachibwa. ² "Thingimikeni baishweni na banyokweni" (likelyo lishiko lya kulibanga lya kukulahetha), ³ "mangana byoshe bikathse kupwa bwino neni cho mukathsa kuyoya thimbu yakama hano hathsi." ⁴ Ba Tate, kethsi mushangumuke kulubaletha bana beni. Oloni, baleleni mukuba nyanyamethsa mu bilongetha bya Shukulu. ⁵ Bindungu, ononokeni kuli ba Shukulu beni kwetheketha kumubila na kubana kathingimiko na kuthziba lyoba, buthunga bwa mubimbunge byeni. Bononokeleni ngwe omwo mjunapande kwana kathingimiko kuli Kilisitu. ⁶ Kaleni na kathingimiko kethi omwo Shukulu weni alinakumikengalela embwe, oloni bimushangale. Olojoni, kaleni ba kononoka ngwe bingamba ba Kilisitu, uje muka kuthsila kulinga kushaka kwa Njambi kutunda kubimbunge byeni. ⁷ Pangeni nabimbunge byeni byoshe, ngwe ngwabo kumwethi nakupangela banu oloni mulina kupangela Shukulu, ⁸ mwafwa tuthzibuka ngwetu kuli byoshe bilinga byabibwa munu na munu akalingi, akatambula bwana kufuma kuli Shukulu, nambe wapwa ndungu nambe wakuthzituka. ⁹ Ba Shukulu, nyungeni bingamba byeni mungila imo lika. Kethi mubathzibithse lyoba. Ngechi omwo munathzibuka ngweni ikeye wapwa Shukulu wabo hamolika na kuli yeni mwilu, cho ku kwethi byuma bikahwila hakati kuli ikeye. ¹⁰ Chamamanethelelo, kaleni bakuthimpa muli Shukulu na mubinthzili bya bukama bwendi. ¹¹ Cho thzaleni buthzalo boshe bwa bitwa bya Njambi, mangana mwathse kwimana na kulwithsa matumba amabi a liyabolo. ¹² Mwafwa kutwethi na kulwila kumubila nambe ku maninga, oloni tulinakulwa na baka kuswana, baka kulwa na moko ya mashiko, baka kulwa na nthzili mulithuthulungu eli lya myaka ino iliko, kulya na nthzili ya mithzinthzime yaibi bya bubi mu mitambela ya mwilu. ¹³ Ngechibene thzaleni buthzalo boshe bwa bitwa bya Njambi, mangana mwathse kwimana mu matangwa abubi, cho ngwe munalingi byoshe, mukathse kwimana mbe lalo. ¹⁴ Imaneni mbe lalo, na mwiba wa buthunga uthzenguluke mu bimbunda byeni, thzaleni ntelo ha binulo byeni bya kulongwa, ¹⁵ cho, na myanja yeni ithzale bije byakubwahetha chimweja bije bikatundu mu kwambulula boinanda byabibwa bya kwoloka. ¹⁶ Mu byuma byoshe ambateni ntelo ya likulahelo, chojo na mukulikwathetha ebi mukathe kuthzima mikili ya tuhya yoshe ya uje wa mubi. ¹⁷ Cho ambateni tepe yakwoboka na mukwala waMunthzinthzime, likelyo likwi lya Njambi. ¹⁸ Na mukulomba moshe na bije mushaka kumikwatha, lombeni thimbu yoshe mu Munthzinthzime. Kwetetha ku shongo ei, thimbu yoshe kengeni kwakujeneka kujuka omwo mu lombelela banu bakuthzila ba Njambi. ¹⁹ Nange njilombeleleniko, ngechi ou muthimbu bawane kuli yange omwo njifukula kanwa kange. Lombeleleni mangana banjithzibuke kupandama cha buthunga hali ou muthzimbu waubwa. ²⁰ Omwo ou muthzimbu waubwa unanjipwitha muka kwimanenako uje banakutu mu malenge, mangana njathse kuthsimpa mu kwambulula, ngwe munjinapande kwendeka. ²¹ Taikikase, ndolome muka chithzemo na likulahelo muli Shukulu, amileka byoshe, mangana mwathse kuthibuka omwo tunendukila. ²² Njinamutumu kuli yeni hamulonga wa chuma echi, mangana muthzibuke omwo tuli, mangana akanyamethse bimbunge byeni. ²³ Koboka kukale neni bandolome, na chithzemo na likulahelo kutunda kuli Njambi Tate neni lya Shukulu Yesu Kilisitu. ²⁴ N'eke ikale kuli boshe baje bathzema Shukulu Yesu Kilisitu na chithzemo chakujeneka mathzika kanwa.