¹ Mwafwa ebi yange, Paulu,chindthzinda wa Yesu Kilisitu weni ba Yunda. ² Njkulahela mwathzibile bukanyungi bwa ngo ³ Njili na kuthona kwetheketha na kujombolola bije bananleketha. Obu bukebwo buthunga bwaku shweka buje bunja mithonekelele yeni mubwihi. ⁴ Nga mutonda muli ebi,mwatha kuthzibithitha bimona byange bili mli obu bthunga bwa kushweka bwa Kilisitu, ⁵ Mu bikota bikwabo obu buthunga kubabu thzibithithile kuli bana babanu. Oloni hano lyapwa bana bijombolola kuli ba miluwa bakujela na tupolofita. ⁶ Obu buthunga bwa kushweka bunapu ngwabo ba Yunda bakapwa bakwetu mukuswana,cho nawa bakwetu mu mubila na kuli pangela bikulahetho muli Kilisitu Yesu kwitila mu muthzimbu wa ubwa. ⁷ Omo njapwile nji ngamba wa ou muthzimbu wa ubwa na bwana bwa Njambi na ngothzi yendi ije banjanene kwiitila mubipangi bya ndthzili yendi. ⁸ Muli yange - nameme njinapu njiwakumanethela mubanu ba Njambi bakuthzila - eyi ngothzi bayamene,kuya nakwambulula kuli baYunda bufuko buje bwaku onda bwa Kilisitu ⁹ na kusholola ku banu boshe biyongola bije bya kukunama bya shwekele Njambimu myaka yayingi uje watangele byuma byoshe. ¹⁰ Echi chiyongola chilingile na kuchithzibuka muchikungulukilo linga bantwamena na bali na mooko mu mwela wa mwilu bakaija na kukuthzibukitha - chifwa cha mana a Njambi. ¹¹ Echi cha sholokele mukwetheketha kubiyongola bya kele mukati kabithinganyeka bije byakele muli Kilisitu Yesu Shukulu yetu. ¹² Cho muli Kilisitu twapwa bakuthimpa cho tuli na ngila ya buthunga mwafwa alikulahelo lyetu muli ikeye. ¹³ Chohoni njimilomba ngwange kethi nuthzeye mwafwa watuyando twange muli yeni,tuje tunapu bumpahu bweni. ¹⁴ Hamulonga ou njabulyama hamabuli ange kuli Tate, ¹⁵ muli ikeye binanga byoshe mwilu na hano hathi aka byna mathzina. ¹⁶ Njili nakulomba ngwange aka myana,kwetheketha ku bufuko bwendi bwa bumpahu,mu kumikanyametha kwitiila mu muthzithzime wendi,uje uli mukati keni banu. ¹⁷ Njili na kulomba ngwange Kilisitu akale mubimbunge byeni kwitila mulikulahelo,lya ndthzili yeni na mulubula lwa chithzemo chendi, ¹⁸ ngechi mwathe kuthzibukitha,amo na banu ba Njambi baje bakujela,indi bwithi,nameme mubulaha,mubulaha bwa helu,na kuloba, ¹⁹ na kuthzibuka chithzemo cha Njambi,chije cha kutubakama maana,ngechi bamishulithe na bithinganyeka byoshe bya Njambi. ²⁰ Hano lyapwa kuli ikeye uje atha kulinga byishe kutubana bije tukalombo nameme kuthinganyeka,kwetheketha kundthzili yendi ije ili nakupanga muli yeti, ²¹ kuli ikeye kukale bumpahu mu chikungulukilo n a muli Kililsitu Yesu na kubikota byoshe myaka na myaka. Ameni.