¹ Cho muli yeni,mwathsile mu muthzithzime wa bubi, ² muje mumu mwenele,na kwethgekatha kweta kwalenga kaye mwa yoyele kwethekatha na ntwamena uje wakele na mooko ya helu,na muthzithzime uje ili nakuoanga muli mwana uje wakuhonowa kukabangeya lishiko. ³ Omwo tuboshe twayoyela hakati kaba banu,tunapande kwetetha bithinganyeka bya bubi bwa chithzemo cha mibila yetu,na kwambatamo. Twapwile tubanu bachithemwa mukuyoya kwacho ,bwa bunu bwoshe. ⁴ Oloni Njambi wakala na ngothzi yakama mwafwa mundthzili ya chithzemo chendi chije chatu thzemene nacho. ⁵ Muje twathsile ku bubi,watupanga kupwa ba kuyoya muli Kilisitu - na ngothzi yendi yendi ya kwobola ⁶ Njambi wa twindwile tuba boshe hamolika na Kilisitu,cho nawa Njambi watupangele linga tutumbame hamolika mu mwela wa mwilu muli Yesu Kilisitu, ⁷ cho omwo mwa kaija amamanuthwilo ama katumwetha bitheteko bya kama bya bufuko na ngothzi yana tushwenethela mubithinganyeka byendi hali yetu muli Kilisitu Yesu. ⁸ Cho omwo ngothzi endi munoboka mulikulahelo chonawa ebi kubya tundile kuli yeni embwe,oloni bunapu bwana bwa Njambi, ⁹ kethi kulinga kubipangi embwe,cho linga nauomo wahi alyaletha. ¹⁰ Omwo tunapu baka bipangi bya Njambi,wabi tangele mli Kilisitu Yesu kulinga bilinga bya chili bije Njmbi bya tubwalethelele laja kinima kupwa byetu,linga tukale na kwendamo. ¹¹ Ngechihoni,mwanuke ngweni muje mwapwile muba Yunda ku mubila. Cho bamithana ngwabo, "Kumwatuukile" Chije cibathana mgwabo, "Kutuhuka" ku mubila ije ibanga ku maboko abanu. ¹² Omwo athimbu ije mwalyandununa kumitundtha Kilisitu,mwapwile ba metandinda mu chifuti ch Isalele,mwapwile nawa mubanngendthzi kubanu ba Njambi ba kwangula cho kumwakele na mathzibathano aje abikulahetho bya Njambi kubanu bendi,keujeneka chinyabili na kujeneka Njambi mu kaye. ¹³ Oloni hano lyapwa muli Kilisitu eni mwakele kulyala na Njambi oloni banaminena kuyehi na maninga a Kilisitu. ¹⁴ Omwo ikeye wapwa kwoloka kwetu. Wapagele babali kupwa umolika. Namuchifwa cha mubila wendi cho wabujwile cibumba chije catwandunwine. ¹⁵ Chohoni,wthazimanganene lithiko lya kutumina kwalyo na futithi yalyo ngechi akatange munu umo muli ikeye,cho namwa akanene wakwoloka. ¹⁶ Kilisitu wakungwiye banu boshe hamolika linga bapwe mubila umo kuli Njmbi kwitila muku mushukika ha chilindakano,na kuthsa bubi bwabu kenya. ¹⁷ Yesu wthzle na kwambulula bing'anda bya bibwa bya kuli yeni baje mwakele kulyala na kwolokakuli baje bakele kuyehi. ¹⁸ Cho mu kwitila muli Yesu tuboshe tunatha kukala mu muthzithzime umolika kuli Tate yetu. ¹⁹ Chihoni,yeni ba Yunda kumwethi nawa mubangethzi nameme mu meta ndinda embwe. Oloni munapu bubandambo hamo na banu ba Njambi babuthunga nakupwa nawa banu bananga ya munjubo ya Njambi. ²⁰ Munakala na kutunga ha lubula lwa ba miluwa na ba tupolofita,na Yesu Kilisitu ibenya uje napu lije limanya lyamu mbango ya njubo. ²¹ Muli ikeye bitunga byoshe bana binungakana hamolika na thoka ngwe Tembele ya kujela muli Shukulu. ²² Cho muli ikeye nenei lalo bamitungile amolika naku mipwitha ngwe chela chakulemethelamo Njambi mu muthzinthzime.