¹ Inkondo nekutosha ukuli muli mwebo filafumapi? Filafuma kukukumbwa kwenu ukulwe nkondo mukati kamili yenu. ² Mulafwaya ifintu ifingi, sombi tamubapo nafyo, pakuti pali fyefyo mungepaya bantu mulakumbwa fintu, sombi tamufipokapo pakuti pali fyefyo mulatosha nekulwe nkondo. ³ Tamubapo nafyo, pakuti tamufitembelela kuli ba Lesa. ⁴ Mwe bantu bakubulo kuketekela Tamwishi ati, bukibusa nebaamu kyalo kapanshi bupate kuli ba Lesa? Abantu bonse ulukufweyo kuba kibusa kyabamukyalo kyapanshi alalyalula mupate wa ba Lesa. Lomba tekulanguluka ati tamulipo bukine mumashiwi aba Lesa ayo alabila ati, ⁵ ''Umupashi uyo ubabikile ba Lesa muli fwebo ulafwaya ukwalunkumbwa''? ⁶ Sombi ba Lesa balatupela luse ulukililepo amakosa, pakuti amashiwi alalabila ati, ''Ba Lesa bala bafititwa aba kulitota, sombi balapela luse abakulikefya.'' ⁷ Pano lomba kamukomekwa mwebene kuli ba Lesa. Sombi mulukumukikila satana, penka akabutuka ukufunako kuli mwebo. ⁸ Iseni, mupalamine kuli ba Lesa, nabo eli bakwisa nekupalamina kuli mwebo. Sambeni kuminwe yenu, mwebakubifya, swesheni imitima yenu mwebakutumpaika. ⁹ Kamuba nensoni, nekulukulile misowa neminsonshi, utuseko twenu ngatwaluke kubombomana. ¹⁰ Mulikefye mwebene bamenson aba Lesa eli bakamusuntuleni. ¹¹ Tekulabishashanya, mwebakwasu. Uyo ulabisha mukwabo umukilishitu neli kumushinina, uyo alalabishe funde ne kulishinina. Sombi kani washinine funde toli wakilikite funde, koku sombi uli wakulishinina. ¹² Niba Lesa benka ebapela mafunde, nekusololola. Nibo benka ebeshi ukupulusha, nekonaula. sombi webo ulukulanguluka ati niwe nani, weushinina umunobe. ¹³ Pano umfweni, kuli nemo mwemulabila ati, ''Lelo neli nimailo tukaye kumushi, kwaba nangwa uko tukekala umwaka kulya, nekulukusulusha, nekunonka indalama shingi.'' ¹⁴ Webo tawishi ifikalukulipo mailo, Umweo wobe uli koti kyushi? Ikiboneka akapindi kanini penka nekushila. ¹⁵ Mulyelelwe, ukulabila ati, ''Kani ba Lesa bakisumina, nafwebo nekulukuli nemweo tukakita finangwa nafinangwa.'' ¹⁶ Sombi bukumo muli kulitotela mumankulubinda enu. Ukulitota ukwakubefyo ukubipile. ¹⁷ Uyo lomba uwishi ukukite fiweme nekubulo kufikita, kanshi ifyo kuli ye kubifya.