¹ Mwebakwasu, mwebengi tekuba basambishi, koti nifyopelefyo efyo mwishi fwebasambishi tukapingulwa nekushininwa ukukilapo napali bambi. ² Pakuti fwebo fwense impindi ishingi tulalufyanya. Sombi kani umuntu talukufulunganyapo neli nimumashiwi, pakulabila uyo euwaminine, uwishibile nekukanya nemubili wakwe onse ubulubulu. ³ Tulabike fyela fyankobeko' mutunwa twaba kafwalo ati pakutintako bomfwe, ne kusholoka ukuloloko ukutulukufwayo kuya mibili yabo yonse. ⁴ Boneni nangabati mato akulu alukutwalwa kufipupu ifikulu alasholowa kukakwa luluako ubwato ikinini lukoso lomba nekuyoko ukwalukufwayo kuya uyo ulukoba, ⁵ Fyopelefyo nelulimi nangati kilewa ikyamumubili, kinini sombi lulalitota mufintu ifikulu. Kabili langulukeni ati umulilo unini ulokya kisompe ikyakuti ubukulu. ⁶ Lomba ululimi luli koti mulilo, ikyalo kyakubifya lulekala mumibili shesu. Ne ulumini lulabifya mubili wonse, Lulambu sho kwikala kwesu konse kumulilo ufuma kukyaka kyamulilo. ⁷ Pakuti umuntu angaiteka imishobo yonse iyafilengelwe, nenama, nefyuni, nefintu ifikala ne sabi. ⁸ Sombi tapalipo umuntu ungaluteko ululimi, kyungwa ikibipile takitekwapo luliswile nemuti ukaliuwipaya bantu. ⁹ Kuli eko tukindika ba lesa bawishifwe, kabili kuli lo eko tufinga abantu abalengelwe koti kipasho kya ba Lesa. ¹⁰ Mukanwa kantu kamo mulafumo kutota nekufingana amfinge! mwebakwasu, ifyo fintu tafiwemepo. ¹¹ tapalipo akantupuntupu akafumya menda ali nemise kabili nealulile? ¹² Mwebakwasu umukuyu, tekuti wikatepo ifisepo ifitwa ati maolife? Neli muti wafisepo uwitwa ati mufaina, tekuti wikate ifisepo fyankuyu? Fyopele fyo nekantupuntupu kamenda alulile tekuti kafumye amenda aweme. ¹³ Mba ninani pali mwebo ulinemano nekalango? Angalangisha mano akwe mukwikala kwakwe ukuweme, nakumilimo iweme iyakita nekulikefya nemano. ¹⁴ Sombi kani mumitima yenu muli akaso, nelubo, nekulitota, tekubifya kuli bukine palulitota mumano enu. ¹⁵ Amano akubefyo tali niayo aselukile kwiulu, sombi apapano pakyalo kyapanshi abantunshi, kabili afibanda. ¹⁶ Pakuti apali akaso nekulitenwa, epali ukufulungana, nafyonse ifingalukukitwa fyenkefi bipile . ¹⁷ Sombi amano ayo afuma kwiulu aswetele abutende, akulelesa abukibusa, kabili mulio muliswile inkumbu, nefisepo ifiweme, akubulo ukulekanya, akubulo tutumpaika. ¹⁸ Kabili ukuwama efisepo ifikatwa kumbuto isho ishi babyala mubutende abakulamwina.