¹ Mwebakwasu, mwebakuketekela muli ba Shikulu Yesu Kilishitu ababuleme, tekulukuli ne misalululo pabantu. ² Pakuti kani yagolide nefyakufwala ifiweme makosa, nekwisa apamubungene, kabili nemupengele, nekwisa nekwingila ili afwite ifi fusha. ³ Lomba kani mwebo nekulanguluka muntu ufwite ifyakufwala ifiweme, nekulabila kuli ye ati, ''Ikaleni pano apwaweme sombi nekulabila nakuli uyo upengele ati, ''bemakaneniko'' neli ati '''ikala panshi pamakasa yangi,'' ⁴ kanshi tamulibwenekele ati muli bakulekanye mipaka? pakuti mwebo nekuusololwesha koti malangushi abipile ⁵ Umfweni, mwebakwasu abo temenwe, kanshi ba Lesa tabalisalulwile abantu apengele mukyalo kino ikya panshi ati bakabe babile mukuketekele kabili bakabe nimpyani mubufumu bwa ba Lesa ubo ububalaile kuli babo abalukubatemwa? ⁶ Sombi mwebo mulapufya upengele! Ababile kanshi tabalamukatasheni? Abene nekumukuleni nekumutwaleni kmasolololo? ⁷ Kanshi abo tebalabile fyakuli pufya ishina iliweme ilyo ilipelwe kuli mwebo? ⁸ Nangabebefyo kani mulalikonke funde lyabufumu, koti nifyefyo ifilembelwe mumalembo ati, ''Ulukutemwa mubyabe koti nifyefyo ifi ulitemenwe wemwine,'' ifyo mulakita bwino. ⁹ Sombi kani muli nemisalululo pabantu, mulabifya, nefunde lilamushinineni ati muli bakupulaisha. ¹⁰ Pakuti uyo uwakulama amafunde onse, sombi nekulitutula kuli limo, uyo eubele nekebo kuli o onse. ¹¹ Pakuti uyo uwalabile ati, ''Tekukita ubukende,'' kalabila libili ati, ''Tekwipaya.'''Penka kani ufwa taukita ubukende, sombi nga ukoipaya ulibele wakupulaisha mafunde. ¹² Lomba mulukulabila nekulukukita koti bantu abakasololowa kwifunde ili tukakulula. ¹³ Pakuti ba Lesa tabakakite nkumbu pakusololola nemuntu utatukukite nkumbu. Sombi uwankumbu alalitotela pakusololola. ¹⁴ Mwebakwasu, mbakiliweme shani kani umbi alabila ati, ndinokutekela, sombi takwete fyakukita ifilangisha ati ali nako? ¹⁵ Kani ukuketekela kungeshiba kumupulusha? Kani umukwanu neli inkashi yobe ili nekusapula nekupengele fyakulya. ¹⁶ Popele pali mwebo umbi nekulabila kuli bo ati, ''Kamuyeni nemutende, mube nekibe mwikute.'' Sombi nangabe fyo tekubapelefyo fintu ifipengele umubili, mbeshuko lili shani? ¹⁷ Fyopelefyo nekuketekela kani takukwete ifyakukita kulifwile. ¹⁸ Kipale umbi angalabila ati, ''Umbi muntu ali nekuketekela, nanebo ndi nefyakukita.'' Ndangisheni nemo ukuketekela kobe apakubula fyakukita, na nemo ndu kukulangisheni mwebo ukuketekela kufyakukita fyangi. ¹⁹ Ulukuketekela ati ba Lesa bamo benka; Ulukukita bwino. Sombi nefibanda nefyo filabanekuketekela ati, nekulukututuma kukutina. ²⁰ Kanshi tamwishi ukubona, wemuntu walukoso, ati ukuketekela apakubula fyakukita kwa lukoso? ²¹ Ablaamu wishifwe kanshi taalilungikilwe kufyakukita pakumuposa Isaci umwana wakwe pakonto ikamilambu? ²² Wabona ati ukuketekela kwa likitile pamo nefyakukita fyakwe, nakabili ati kufyakukita eko kwawaminine ukuketekela. ²³ Kabili fyalipelenwe pamo nelembo ilyalabile ati kabili, ''Ablaamu walibaketekele ba Lesa, popele ifyo fyaliebelwe ati kulungama kwakwe,'' naye aliilikilwe ati kibusa kaba Lesa. ²⁴ Mwabona lomba ati umuntu angalungikwa kufyakukita, tekukuketekela kwenka koku. ²⁵ Fyopele fyo kabili, naLakabi umukenkemeshi tawalilungikilwe kufyakukita pakupokelela inkalamba nekushituma inshila imbi? ²⁶ Pakuti koti nifyopelefyo ifi ufwile, umubili apakubulo mupashi fyopelefyo nekuketekela apakubule fyakukita kulifwile.