¹ Iseni, mwe banoshi, kamulila imisowa ikulu pakuti pafyakukatasha ifilikwisa pali mwebo. ² Ububile bwenu bulibolele, nefyakufwala fyenu nafyo fililikilwe kubusumfi. ³ Igolide lyenu neshilifa lilibele nendalabwa. Popele indalabwa isho shikalukuli nimaboni ishakumushinineni nekulyo munefu wenu koti mulilo. Mwebo mulili bikile amaboni enu panshiku ishi shakupelako. ⁴ Boneni, mwebo tamwabalambwile abantu abamilimo abapyunga mumabala enu, umfwenu ukulila kwabo. Ukulila kwababo abalongele fya kulya fyenu kulyumfwanikile. Umfweni ifibalukulilishanya. Kabili ukulila kwabo kulifikile mumatwi aba Lesa abamabumba. ⁵ Imyeo yenu iyapano pa kyalo kyapanshi ilu kusangalala nefintu ifingi ifiweme. Mwalilile fiweme nekwina pakuti pakasuba kakwipaiwa. ⁶ Mwalishinine nekwipaya bantu. Abalungeme nabo tabamukikileni koku. ⁷ Tekanyeni, lomba, mwebakwasu, ukufika nakukwisa kwa ba Shikulu. Moneni umulimi alapembelela ibala lyakwe ati likalete fyakulya ifyamakwebo, alapembelela nemutima nteka imfula iyakutaanpa neyakupelako. ⁸ Namwebo, fyopele, fyo. Mulyelelwe ukuteke mitima mukoshe pakuti ukwisa kwaba Shikulu kwapalamina. ⁹ Tekulukutamanshanya, mwebakwasu, bengesa ukumusololwesheni. Moneni, musololweshi apalamina alyapepi ukuboneka. ¹⁰ Mwebakwasu, mulanguluke abashimika, abo aba shimikile mwishina lyaba Shikulu. Abo, ngababe twishibilo twakutuntululako pakuti bali nemutimanteka pakusomenwa. ¹¹ Tulabeba ati bashukile pakuti balitekele mitima. Lomba mwalyumfwile ifyakuteko mutima kwakwe Jobo, kabili mulishi ifyo ifi ba Shikulu bamushukishe pakupelako. Pakuti ba Lesa, bali nenkumbu ishikulu neluse ulwingi. ¹² Pano ukukilapo pali fyonse, mwebakwasu, tekulapa, neli liulu neli kyalo kya panshi, neli kulapa kumbi konse, tau. Sombi, ''Pakusumina'' mulabile ati ''Inya'' neli mwebo ''Pakukana'' mulabile ati ''Koku,'' mwingesa kwingila mukushininwa kuli ba Lesa ¹³ Pali mwebo kani umbi ali nefyakukatashiwa? Nga atembele. Kani pali ulukusangalala? Nga lukwimba. ¹⁴ Pali mwebo kani umbi ulukulwala? Ngaabete abakulu bekelesha bakamu tembelele, ili bamusufya nemafuta mwishina lyaba Shikulu. ¹⁵ Popele ukutembela ukwakulwala, ba Lesa ba ka mubusha. Kabili kani alikitilo kubifya, akafitulukilwa. ¹⁶ Popele lomba fisululeni ifyakubifya fyenu kuba byenu mulukuba tembelela aba byenu mwebene nabene ati mukabushiwe. Lomba kutembela kwa muntu ulungeme kuli nemakosa akupyunge fintu ifingi. ¹⁷ Elaija ali muntu upalene nefwebo. Alitembele wakwe wonse ati imfula, tekuloka penka tayalikele mfula pakyalo imyaka itatu nemyenshi isanu na umo. ¹⁸ Popele Elaija katembela penka libili. Neulu kalilokesha mfula, nekyalo kakimenesha fya kulya. ¹⁹ Mwebakwasu, kani umbi uwapali mwebo apusuke ukufumako kuli bukine, lomba umbi nekumwalulwila libili, ²⁰ mwishibe ati uyo uwakumwalulo wakubifya ukuumufumya kunshila shakwe ishibipile uyo akamupulusha kumfwa nekumuletelo kufitulukilwa kwakubifya kwakwe ukwingi.