¹ Mwebatemwe, mwesumine imipashi ili yonse, mumupunda, eshani imipashi mumone kani yafuma kuli ba Lesa, pakuchi abengi basalangana mu kyalo. ² Pali fifi mukeshi imipashi ya ba Lesa umupanshi onse u-usolola kwebati Yesu alishile muli bumubili ufuma kuli ba Lesa. ³ Kabili umu panshi uyu tasolola Yesu tafumine kuli Lesa. uyu mupanshi wakwa ati Kilishitu, uyu mwaufwa ulu kwisa, abili ali kale mu kyalo. ⁴ Mwafuma kuli ba Lesa, Abana, kabili mwakonsha ukubashinda, pakuchi uyo uli muli mwebo alikilile uyo uli mu kyalo. ⁵ Bafuma mukyalo; penka ifibalabila kyafuma mukyalo, Nekyalo kilabofwila. ⁶ Twafuma kuli ba Lesa, uyo onse u-wishibile ba Lesa alofwa kulifwebo. Uyo tafumine kuli ba Lesa tatufwila fwebo. Palififi twaishiba umupashi wakishika nomupashi wabufi. ⁷ Mwebatemwe, lekeni fwebo tutemwe umo nomunakwe. pantu ubutemwe bwafuma kuli ba Lesa. Naonse ulinobatemwa alifyele ukufuma kuli ba Lesa nokwishiba ba Lesa. ⁸ Umuntu uyu takwente ubutemwe teshipo ba Lesa. Pakuchi ba Lesa butemwe. ⁹ Pakuchi nipali kiki ubutemwe bwa ba Lesa bwali fisulwilwe kuli fwebo. kwebati ba Lesa katuma umwana wakwe Yesu mu kyalo kwebati twikale ukupichila muliye. ¹⁰ Muli fifi abutemwe, tali kwebati twali temenwe ba Lesa, Lomba nabo ukututemwa kwebachi alitumine umwana wakwe ukwisa mukuba ukutulabililako kukubifya. ¹¹ Mwebatemwe, Nga ba Lesa alitutemenwe, tulilingile ukutemwa umo nomunakwe. ¹² Tukulipo umwene ba Lesa. Ngatwa temwa umo nomunakwe, Ba Lesa alekalikwa muli fwebo, nobutemwe buswetele muli fwebo. ¹³ Pali fifi twaishiba kwebachi twaikalikwa ukupichila muli ye naye muli fwebo. Pakutupela umo mupashi wakwe. ¹⁴ Napakulundapo twamona nokushinikisha kwebachi ba wishifwe bafuma umwana ukuba u-wakupulusha ikyalo. ¹⁵ Uyo onse usolola kwebati Yesu mwana wakwa Lesa, Lesa alashala muli ye naye muli ba Lesa. ¹⁶ Napali fifi twaishibaa nokusumina ubutemwe ifyo ba Lesa ali pali fyebo. Ba Lesa butemwe, Na onse u-wikala mubutemwe alashala muli ba Lesa, na ba Lesa muli ye. ¹⁷ Pamulandu wafifi, ububutemwe bwatulenga ukwikala abatubile muli fwebo. Pakwebati twikalikwe pabushiku bwakupingulwa, pakuchi fyenka ali nafwebo afyo tuli mukyalo. ¹⁸ Takulipo ukchina mubutemwe. mukifulo, ubutemwe bwakishika bulaposa umweso, pamulandu wamwesho alaleta ukumanikwa. Lomba uyo u-utina taligilwepo mubutemwe. ¹⁹ Tulatemwa pakuchi ba Lesa alitatemenwe. ²⁰ Nga twalabila, ''Nditemenwe ba Lesa,'' Lomba kapachile abalongo, Webufi. Uyo onse tatemenwe umulongo uyo amona, takuchi atemwe ba Lesa, uyo tamwene. ²¹ Kabili, kabili ili afunde takwete ukufuma kuli ye: uyo onse watemwa ba Lesa alilingile ukutemwa abalongo bakwe.