¹ Uyo onse uketekele ukwebati ba Yesu balifyelwe kuli ba Lesa, kabili uyo onse utemenwe bawishi eutemenwe no mwana ufyelwe kuli bo. ² Kabili eko twishibila ati tulibatemenwe abana ba Lesa: nga twabatemenwe ba Lesa ne kukoka amafunde yabo. ³ Uku ekutemwa kwa ba Lesa: ati tusunge amafunde abo. kabili amafunde yabo talemene nangu panine. ⁴ Uyo onse ufyelwemkuli ba Lesa alikifishye ikyalo. Kabili ekukifya kwa kyalo kyonse, pamofye nolwitabilo iwesu. ⁵ Nibanani aba kifishye ikyalo? Ulya uketekele ati Yesu emwana Lesa. ⁶ Abo abaishile kumenshi naku mulopa: niba Yesu. Tabaishilepo kumenshi, pano ni kumenshi kabili na ku mulopa. Umupashi eukita ububoni pantu umupashi ebukine. ⁷ Pali ifintu fitatu ifipana ububoni: ⁸ Umupashi, amenshi, elyo ne milopa. Ifi fitatu filasuminishanya. ⁹ Nga twalipokelele bukamboni bwa bantu, bukamboni bwa ba Lesa bulikililepo. ubu abukamboni bwa ba Lesa ubu pelwe pa mwana wakwe, ¹⁰ Uyo onse uketekele mu mwana waba Lesa ali nobukamboni muli ye. Uyo utaketekele muli ba Lesa ewabalula ebabufi, pantu taketekele bukamboni ubo bakilile ba Lesa pa mwana wabo Yesu. ¹¹ Kabili bukamboni ebubuno: Ba Lesa bali tupele ubumi bwa muyayaya, nobo bumi buli mu mwana wakwe. ¹² Uyo uli no mwana euli no bumi. Uyo uwakubula umwana wa ba Lesa takwete bumi. ¹³ Namulembeleni ifyo fintu mwebo pakuti mwishibe ati muli no bumi ubwa muyayaya kuli mwebo mwemuketekele mwishina lya mwana wa ba Lesa, ¹⁴ Kabili imitima yalupata iyi tuli nayo kuli bo, ati kali twalomba ikilu mukufwaya kwabo, balatunfwa. kanatulishi, ¹⁵ ati balatufwa - fyonse ifyo twanga lomba muli bo - twaishiba ukwebati tulakwata fyonse ifyo tulomba kuli ye. ¹⁶ Kana wamana umuntualebifya ukutakulikwakutwala kulufu, alombe, na ba Lesa bakamupela umweo. Ifyo fya kuli abo tababifya ifya kulufu. Kuli ukubifya ukuleta ulufu; shilelabila ati alombe pali fyo yowo. ¹⁷ Fyonse ifi tafyololokele kubifya, pano kuli ukubifya ukutakuleta ulufu. ¹⁸ Tulishi ati abantu bonse abafyelwe kuli ba Lesa tababifya. Pano uyo onse uwafyelwe kuli ba Lesa balamusunga bwino, kabili ne mbifi taikumako kuli ye . ¹⁹ Tulishibile ati tulifumene kuli ba Lesa kabili tulishibile ati ubufi bwa kyalo buli mumakosa ambifi. ²⁰ Kabili twaishiba ukweba ati umwana wa ba Lesa aisa kabili atulengela ukumfwisha pakuti twishibishe bwino bukine, kabili, tuli muliye uli muli bukine, mu mwana wakwe Yesu Kilishitu. Uyu e Lesa wakine kabili wa mweo wamuyayaya. ²¹ Mwe bana, likanyeni ku filubi.