¹ Moneni umusango uwabutemwe ba Tata ba tupela, kwebati twitwe abana ba kwa Lesa, kabili efyenka tuli umulandu wa kikyo, Aba mu kyalo yaba twishibile fwebo umulandu taba mwishibile. ² Mwebatemwe, tuli pano abana bakwa lesa, kabili tainga sololwa ifyo tukaba. twaishiba kwebati ufwa Kilishitu amoneka, tukaba fyenka ali tukamumona fyenka fyo ali. ³ Uyo onse uli noluketekelo muli ena ali tubisha umwine fyenka atubile. ⁴ Uyo onse ukita kubifya apulaisha mwifunde ububi kupulaisha mwifunde. ⁵ Mulishi kwebati kilishitu aliboneshiwe mu kufunyapo ububi, kabili muli ena tamuli ububi. ⁶ Takuli nangu umo uli muli ena utwalilika mu bubi. Takuli utwalilika ukubifya umumweene neli ukumwishiba. ⁷ Mwe bana, mwileka umuntu uli onse amitwala mumbi. Uyo ukita ubulungami mu mulungeme, fyenka Kilishitu alungeme. ⁸ Uyo ukita ububi alifumine ku wakubifya, pakuti uwakubifya ulibifishe kufuma na ukutashika umulandu wa kiki umwana Lesa ali bonekelwe, mukwabati unaule imilimo yakwa uwakubifya. ⁹ Ye ufyelwe kufuma kuli Lesa talwalila ukubifya, umulandu ulubuto lwa ba Lesa lulishibalile muliye teti atwalilile mu bubi pantu alifyelwe muli ba Lesa. ¹⁰ Mukiki abana ba Lesa kabili na bana ba kwa uwakubifya ba boneka; uyo onse utakita ubulungami tafuma kuli ba Lesa, neli ulya utatemenwe umubyakwe. ¹¹ Pakuti iki kyebo ekyo mwaufwile kufuma na pakutachika: twikale aba kutemwa umo no mubyakwe. ¹² Twiba ifyali Kaini, uyo wafumine kuwakubifya ne kwipaya umubwakwe, Nikindo amwipailo ye? Umulandu imilimo yakwe yali iya bubi iya mubyakwe yali ilungeme. ¹³ Mwi ba abakankamene, mwebakwasu, ufwa aba pa kyalo ba mipateni, ¹⁴ Tulishi ukwebati tuli pichile mufwa kwisa kumweo, pakuti tulitemenwe aba byesu. Uyo onse utakwete ubutemwe alishele munfwa. ¹⁵ Ye upachile umu byakwe ewipaya, uli no umweo umwmuyayaya muli ena. ¹⁶ Pali kiki tulishi ubutemwe, pakuti Kilishitu ali tufwilile. Nafwebo tufwile ukuposa imyeo shesu pa ba byesu. ¹⁷ Pano uyo uli ne fya mu kyalo ifya kubifya, unfwa amona umu byakwe mukupenga nokushika umutima wakwe uwa nkumbu, ubutemwe bwa ba Lesa kuti bwa ba shani muli ena? ¹⁸ Mwe bana bangi, twiiba aba kutemwa mu fwebo nangu lulimi, pano mu fikitwa kabili na mubukine. ¹⁹ Paliki tilishi ukwebati tulufumine ku bukishinka, kabili tulesuminisha imitima yesu kuli ye. ²⁰ Unfwa imitima shesu sha tu shinina fwebo ba Lesa mukulu kukile mitima shesu, kabli alishi ifintu fyonse. ²¹ Mwe batemwe, unfwa imitima shesu ta shile tu shinina, tuli no lupata muli ba Lesa. ²² Ufili fyonse tu kalomba tukapokelela kufuma kuli ena, pakuti tula lama amafunde yakwe ne kukita ifimusekesha. ²³ Aya emafunde yakwe; kwebati tu sumine mwishina lya mwana wakwe Yesa Kilishitu no kutemwa umo no mubyakwe, fyenka atupale amafunde yakwe. ²⁴ Uyo ulama amafunde ya Ba Lesa ali muli ye, kabili na ba Lesa muliye mufifi twaishiba ukwebati ali muli fwebo, ku mupanshi uyo atupele.