¹ Mwebana, nkomilembeleni ifi fintu kuli mwebo kwebati mwibifya. Lomba umo nga abifya, tulinowakutu labililako kuli baTata, Yesu Kilishitu, uyo uli ulungeme. ² Nabo ba kutulabililako kukubifya kwesu, kabili tenkwenka kuli fwebo fwenka, lomba ku kyalo kyonse. ³ Twaishiba kwebati twamishiba, pakusunga amafunde yakwe. ⁴ Kuli uyo uwalabila ati,'' jimwishibile Lesa,'' pano tasungapo amafunde wabufi, kabili ne kine muliye tamuli. ⁵ Lelo kuli uyo usunga ikyebo, muliye ikishinka kyakutemwa kyaba Lesa kyaikalikwa. Pali twaishiba ati tulimuliye: ⁶ Uyo ulabila ati ali muliba Lesa ende muli bukine fyenka aendele. ⁷ Mwebatemwe, shikolemba amafunde yambi kuli mweba, lelo ayakale yenka yalya mwakwete ukufumo kukutendeka ifunde lyakale eshiwi mwaufwine pakutendeka. ⁸ Lelo ndukulemba umukambisho wabukumo kuli mwebo, uwakine, muli ba Kilishitu namuli mwebo, pantu ifinshi ilikupita no kuyo, ne kyeya kyasamakale. ⁹ Newalabila ati alimukyeya kapachile umulongo wakwe ali mufishi napano. ¹⁰ Uyo walabile ati alitemenwe umukwabo nekwikala mukyeya takulipo umulandu wakulituntula mukyeya. ¹¹ Lomba uyo upachile umukwabo ali mufishi nokwenda mufishi; teshipo uko alukuya pakuchi alimufinshi yamuchibula amenso. ¹² Ndukulemba kuli mwebo, mwebana, pakuchi ukubifya kwenu kwalekelwa peshina lyakwe. ¹³ Ndukulemba kuli mwebo, Batata, pakuchi mwishibile uyo uwaliko mukutachika. Ndukulemba kuli mwebo, abasakwa, pakuchi mwakifya uwakubifya. Nalemba kuli mwebo, mwebana, pakuchi mulishibile ba wishinwe. ¹⁴ Nalemba kuli mwebo, Batata, pakuchi mwaishiba uwaliko mukutachika. Nalemba kuli mwebo, abasakwa, pakuchi mulikosele, nekyaba Lesa, kilikalikwe muli mwebo, kabili mwakifya imfishi. ¹⁵ Mwitemwa ikyalo nangu fintu fya mu kyalo. Nga umo atemwa ikyalo, ukutemwa kwa ba wishifwe ninshi takulimo mulibo. ¹⁶ Pantu fyonse ifya mu kyalo - fyalunkumbwa lwamubili, nelukumbwa lwamenso nokulitota kwafya mu kyalo - tafifuma kuli ba wishifwe lomba mu kyalo. ¹⁷ Ikyalo nokufwaya fili kupita. Lomba uyo ukita ubufwayo bwa ba wishifwe akekilikwa muyayaya. ¹⁸ Mwebana, nipindi yakupelako, pano nabengi aba abakwaula babufi baisa. Palififi twaishiba ati nipindi yakupelako. ¹⁹ Balifumineko kuli fwebo, lomba tafumine muli fwebo. Nga kyakweba ati bali fumine muli fwebo nga bali shalilile muli fwebo. Lomba ili bamfumine, kyali monekele tabafumine muli fwebo. ²⁰ Lomba mulisubilwe ukufuma kushilile, kabili mwense mwaishiba. ²¹ Shalembele kuli mwebo pakwebachi tamwaishibile ikine, lomba mulishipo kabili takulipo nobufi ubwinga ukufuma kune. ²² Uwabufi ninani lelo uyo ukana ati Yesu te Kilishitu? Uyo muntu wakwaula uwabufi, pakuchi sksne ba wishifwe na mwana. ²³ Takulipo ukana umwana koti niba wishi. Onse ufisulula umwana ali naba wishi. ²⁴ Lelo kuli mwebo, lekeni ifi mwaumfwa mukutatika fikalikwe muli mwebo. Ngefyo mwaufwile mukutatika fikalifwe muli mwebo, na mu mwana na muli Wishi. ²⁵ Ubu ebulayo ba tupele - ubwa bumi bwa muyayaya. ²⁶ Nalemba ifi fintu kuli mwebo pamusango wababo abakumisendula. ²⁷ Lomba kuli mwebo, ukusubwa mwapokelele ukufuma kuliye kwikalikwe muli mwebo, takilikufwaikwa umbi ukumisambisheni. Lomba ukusubwa kwakwe kulasambisha fyonse ifintu nabu kine tali bufi, kabili fyefyo kyamisambisha, kikale muli mwebo. ²⁸ Pano, mwebana, ikaleni muliye pakwebati ili akamoneka tukabe abakuchichinka nokubula ukwikala nesoni ili tangesa. ²⁹ Nga mulishibile uwaololokele, onse uwishibile ukita kyololokele alifyelwe kuliye.