6 ¹ Hang anrau-anrau iru, jumalah murid magin batamah,naan iwada ulun Helenis puang sanang nadap ulun Ibrani tulen, kawan wawei walu rama puang taurus pangutani tiap-tiap anrau. ² Balalu, kaduawalas rasul nerau kawan muridni kaeyau puang tuu kami puang ngurus lengan Allatala daya ngurus meja pangutaen. ³ Daya iru pulaksanai pidileh pitu kaulun hingka naun sa ta bukti maeh, penu anri Ruh Kudus baya Hikmat, sa sagar na huyu hanye tugas ina. ⁴ Balalu kami tuu-tuu hang wuang dua anri hang wuang palayanan lengan Allatala. ⁵ Lengan here ru ngulah arai atei mihewu ma ulun rama. Balalu here midi hi Stevanus anri penu Iman nelang Ruh Barasih, baya Filipus, Prokharus, Nikanar, Tumon, Parmenas anri Nikolaus ulun Prodselit hingka Antiokia. ⁶ Here na enei ma hadapan kawan Rasul, udi here lakudua, kawan Rasul nganak tangan hang amau ulu pitu kaaulun iru. ⁷ Lengan Allatala tarus na hampe ma kawan muridni hang Yerusalem anri magin batamah. Balalu naan kalumpuk hante magin taat ma imanni. Stevanus Najamba ⁸ Hi Stevanus isa penu anri anugerah nelang kuasa , haut wahai ngulah kawauhen anri tana-tana ma ulun rama. ⁹ Kude naan papire ulun teka lewu sumbayang ulun yahudi ( sinagoge ) sa naantuh ulun Libertini, ulun Kirene, ulun Aleksandria anri papire teka Kilikia anri Asia, here minri nawan hi Stefanus. ¹⁰ Kode here, puang mampu nawan kabijaksanaen anri Ruh sa naan anri hi Stefanus. ¹¹ balalu anri suni-suni here ngasasaur papire kaulun lalu kaeyau , naan karengei ulun ngantuh papaneran isa puang maeh nadap hi Moses ( Musa ) anri Allatala. ¹² Balalu here nunyu ulun rama, tueh-tueh anri ahli-ahli Taurat, balalu hawi here nunung hi Stefanus palus nyama hanye, balalu ngenei hanye ma pengadilan agama ( Sanhedrin). ¹³ Here ngenei nadap saksi palasu kaeyau, "Ulun ina puang tau taduh ngantuh papaneran isa puang maeh nawan unengan barasih anri hukum Taurat. ¹⁴ Daya kami haut karengei hanye kaeyau Yesus teka Nasaret sagar nyanruntun lewu yiti balalu ngubah adat istiadat sa naami moses ( Musa ) ma takam. ¹⁵ Tawuk kadinung uruwawa Stefanus, katuluh ulun sa maharung hang Pangadilan Agama ( Sanhedrin ) ninung uruwawani yalah Malaikat.