7 ¹ Udi iru, Iman Besar iwara, "Inun tu'u kalairu" ² Balalu Stefanus iwara, "Pulaksanai katuluh ni anri ulun matueh rengei eyau ku. Alatalla sa Mahamulia na dinung daya itak kakah takam, Abraham, tawuk hanye muneng hang Mesopotamia, sa huan hanye muneng hang Haran, ³ balalu iwara baya hanye, 'Tanan leh tane nu anri kawan pulaksanai nu, balalu hawi leh ma tane sa die tantarang ku ma hanyu. ⁴ Udi iru, Abraham nanan tane ulun Kasdim balalu muneng hang Haran. udi amah ni matei, Alatalla nuyu hanye tulak ma tane ina, unengan hanyu muneng. ⁵ Daya, Alatalla puang ngami warisan ma hanye, erang kapusing tane gin puang na ami, balalu bajanji ngami ma Abraham sa ampun anri anak tukui udi hanye, biar Abraham huan ba anak. ⁶ Kude, Alatalla iwara kalaina, anak tukui nu sagar muneng nyalah ulun asing, balalu here na ampi walah anri na sasia selawah epat jatuh taun lawah ni. ⁷ 'Kude, aku sagar nukum bangsa sa haut nyamalah here,' eau Alatalla, 'balalu, udi iru here kaluar teka yaru jari sambayang uma aku hang ina.' ⁸ Udi, Alatalla ngami ma Abraham janji sunat, balalu hi Abraham jari amah hi Ishak anri palus nyunat hanye tawuk hanye baumur walu anrau, balalu hi Ishak jari amah hi Yakub, hi Yakub jari karueh walas bapa leluhur. ⁹ Daya iri andri Yusuf, amah leluhur takam ngari hanye ma Mesir. Kude Alatalla nyinrah hi Yusuf, ¹⁰ nelang ngerawah teka katuluh panyusah, baya ngami anugerah anri kebijaksanaan hang muka Firaun, Raja Mesir, sa ngulah hanye jari pamimpin Mesir anri katuluh istana ni. ¹¹ Udi iru, hawi juju lau hang Mesir baya Kanaan, hampe ngulah kekekean sa dedeh, anri kawan itak kakah takam hampe puang kahaba panguta. ¹² Balalu, tawuk hi Yakub kerengei naan gandum hang Mesir, hanye nuyu itak kakah takam hawi ma yaru. ¹³ Tawuk here tulak karueh kalini, hi Yusuf tenga ni na dinung daya pulaksanai ni, anri kulawarga Yusuf jari jelas ma Firaun. ¹⁴ Udi iru, hi Yusuf ngami kabar ma Yakub, amah ni, anri katuluh pulaksanai ni, katuluh ni pitumpulu dime kaulun. ¹⁵ Hi, Yakub balalu minau hang Mesir anri kawan itak kakah takam matei hang yaru. ¹⁶ Teka yaru, here na insing ma Sikhem balalu palus na pasar hang unengan sa haut na widi hi Abraham makai duit ma kawan kawaiya Hemor hang Sikhem ¹⁷ Kude , tawuk magin rite janji iru, sa haut Alatalla ikrarkan andri Abraham, bangsa iru magin rama hang Mesir, ¹⁸ hampe naan raja lain isa bakuasa hang tumpuk Mesir, isa puang karasa ne'o Yusuf. ¹⁹ Raja yiru ngapuangen bangsa takam dan malijara itak kakah takam likan memaksa here ngumpe gena here balalu here puang tau batahan hidup. ²⁰ Tawuk iru hi musa lahir hanye bangat manuwu hang hadapan Alatalla. hi Musa na pangempu hang lewu amah ni selawah telu wulan. ²¹ tawuk, haut na umpe, anak wawei Firaun ngalat balalu palus ngingu malihara kala anak ni reerai. ²² balalu, hi Musa na ajar sesuai adat ulun Mesir hanye bakuasa mitah papaneran anri kalakuan ni. ²³ Dami, hi Musa baumur epat pulu taun, timul hang wuang kunuan ni hamen ganta pulaksanai ni, hanye iru katurunan Israel. ²⁴ Tawuk, kadinung erang kaulun teka here napalijara anri puang adil daya ulun Mesir, Musa hawi ngalun sa na palijara iru bulu mambalas ni bulu munu ulun Mesir iru. ²⁵ hi Musa ngekira kawan pulaksanai ni kataru hanye ru Alatalla nganyu mitah hanye, kude here puang kataru. ²⁶ Hang handrian andrau, hi musa nyenriet ulun israel isa rahat babur, balalu hanye bausaha nyabar here palus keeyau, 'uii, puangkah naun ipulaksanai, wah inun saling menghanangen. ²⁷ Kude, ulun isa ngehanangen pulaksanai ni ru nyuun ma lapeh nelang keeau, 'Hiye sa nuyu hanyu jari panguasa dan jari hakim ma kami? ²⁸ Inunkah hanyu kai munu aku nyalah hanyu munu ulun Mesir sa kariwe ru?' ²⁹ Nyenrengei lengan ulun iru, hi Musa ma Midian jari ulun asing hang tumpuk Midian. Hang yaru, hanye jari amah teka rueh kaulun anak upu. ³⁰ Udi ganap epat pulu taun, erang kaulun malaikat nyansarang tenga ni ma Musa hang jumpun haket hang amau gunung Sinai, hang wuang lela apui pulau rundui. ³¹ Tawuk hi Musa kadinung Alatalla hanye kewauh anri paninungen ni ru, tawuk hanye nyenriet hamen karasa inun yiru hawilah lengan Tuhan, ³² 'Akuleh Alatalla itak kakah naun, Allah Abraham, Allah Yakun.' balalu hi Musa neter ketakuten belalu pehe'ei nyenriet lengan iru ³³ Udi yiru, Tuhan keeau ma hanye, 'lapas sarumpah teka pe'e nu daya unengan hang awe hanyu mindri34 yiru bangat barasis ³⁴