5 ¹ Nangan erang ka ulun upu handri darangani,isa upu ngarani hi Ananias isa wawei ngarani hi Safira , here hamen ngari harata bana here. ² Andri pangarasean darangani hi safira here nyimuh iyuhan ngari harata bana here saparu sa na pakai here. ³ Kude hi Petrus ngeau . hi Ananias, daya inun atei nu narasuki daya Iblis palus hanyu ipusu ma Roh Kudus,tawuk hanye ngari harata bana naun. ⁴ Sa huan naun ngari harata bana yeru ,harata yeru wat naun,daya inun naun mamikir hal isa puang maeh balu ipusu ma Allahtala. ⁵ Tawuk hi Ananias na tagur hanye tumang palus ngitus hewuk,balalu tu hate katakuten ulun isa karenge habar yena. ⁶ Katuluh ulun bujang hawi lepuh nuleng palus ngantung bangkai Ananias ma luar palus ipasar. ⁷ Ka kira telu jam udi hie matueh waweini masuk,hanye puang karasa inun sa haut jari. ⁸ Hi Petrus kaeau ma hanye,hayu wara ma aku inun tane sa na arinu handri matueh upunu ekat yiti haragani,Tuu ekat kaliru eyau daranga hi Ananias. ⁹ Eyau Petrus ma Ananias handri hi safira daya inun naun haut ipusu ma Roh Tuhan,Dinung bakas pee ulun udi ipasar daranganu masih naan hang muka alewen. ¹⁰ Nyalenga hi safira tumang hang hadapan pee petrus palus matei balu na pasar ha tuhi darangani. ¹¹ Katuluh ulun sa parisaya yiru anri kawan ulun sa karengei neu paristiwa yeru uras takut. ¹² Daya rama siri ma ulun rama itah tangan kawan rasul,ballu here katuluh ulun isa parisaya ba kumpul hang lalayai Salomo . ¹³ Mahi ulun lain isa heey mindri ballu uma bagabung baya ulun-ulun parisaya. ¹⁴ Ballu makin rama jumalah ulun isa perisaya hang wuang Tuhan, sa jumalah upuan atawa waweai. ¹⁵ Daya yeru rama ulun ngising ulun-ulun sakit ma lalan palus na angkading hang amau tandu handri hang dipan nampan tau wuah bayangan hi petrus amun hanye mitah. ¹⁶ ulun teka tumpuk-tumpuk hang riet yerusalem hawi sameh-sameh ngising ulun sakit handri kemasukan Roh-Roh jahat ballu katuluhni na samare. ¹⁷ Ballu kawan Imam hante mindri ,baya kawan ungkup ni yairu teka golongan saduki,isa penu handri iri atei. ¹⁸ Ballu here nyama kawan rasul palus na pasuk here ma wuang penjara umum. ¹⁹ Kude rahat kamalem erang ka ulun malaikat Tuhan nguka wanawang-wanawang panjara,nunyu ²⁰ Here kaluar,mindri palus tulak iwara ma ulun-ulun hang Bait Allah nampe habar pamelum yena. ²¹ here karenge rahat kaiyat subuh here masuk ma wuang Bait Allah palus ngajar,Tawuk Imam hante handri ulun-ulun sindra hanye baya tueh-tueh pengadilan Israel,nyunyu ulun ma panjara palus ningsing kawan rasul-rasul ma hadapan here. ²² Ballu ulun-ulun huyuen yeru hampe puang panalu handri karueh rasul yeru hang wuang panjara,ballu here mulek iwara ²³ Handri kaeyau baya kadinung panjara ni ta kunsi handri pengamenen isa mindri hang muka wanawang,kude puang uweng ulun isa hang wuang panjarani ²⁴ Ballu kapala panjaga Bait Allah handri kawan imam-imam kapala karenge habar yeru , inun isa haut na ulah handri inun isa tajadi ma kawan ngulah here ipatunti isa handri salingni. ²⁵ Ballu erang kaulun hawi iwara ma here , Dinung ulun-ulun isa na tampasuk naun ma wuang panjara rahat mindri ngajar ulun rama hang bait Allah ²⁶ Ballu kapala panjaga Bait Allah baya pangawalni tulak handri ngising kawan rasul , yeru puang mitah kakarasen daya here takut pedak ulun rama. ²⁷ Ballu here ngising kawan rasul ma hadapan pangadilan agama . Imam hante palus nunti ma here., ²⁸ Hanye kaeyau ,kami haut ngeyau handri nguring here ngajar pakai ngaran yeru tapi here tatap ngajar hang tumpuk yerusalem handri ajaran here. ²⁹ Kude hi Petrus handri hi Yohanes ,Takam harus nyangai taat ma Allah teka ma murunsia. ³⁰ Allah itak kakah takam hanye yeru Yesus , isa na tamuan isa haut na wunu handri na gantung nau hang kayu balaksagar . ³¹ Allah ngampai hanye ma tuhi kawanni jari pamimpin handri juru salamat pakai ngami patobatan ma Israel, handri ngampun kawan kahalaen here. ³² Kami leh jari saksi katuluhni yeru neu Roh Kudus,isa Allah haut ngami ma ulun-ulun isa parisaya handri taat ma hanye. ³³ Dami here karenge,atei here mahanang ballu kai munu kawan rasul yeru. ³⁴ Ngaran ka ulun farisi ngarani Gamaliel, erang ka ulun guru taurat, isa paling na hormat daya ulun katuluh,ballu katuluh mindri hang hadapan pangadilan agama nunyu kawan rasul na insing ma luar erang itus. ³⁵ Ballu hanye bapaner ma here kawan , Ulun-ulun Israel, inun isa akan naun ulah ma here ulun-ulun yena. ³⁶ Daya dahulu hie suah naan , hi Teudas welum handri ngaku jari ulun isa sa baarati ,ma kira -kira epat jatuh ka ulun isa uma hanye,na wunu palus pasai darai hampe mahi lagi ulunni. ³⁷ Udi ulun yeru, Yudas teka Galilea hawi palus ngadakan cacah,nelang ngenei ulun rama uma hanye.,Hanye pada na wunu ballu katuluh ulun uma rari ma aru ati. ³⁸ Daya yeru ,hang wuang pakara yena ,aku matataan hanyu; sa nawit ulun-ulun yena handri elah leh here .Daya amun rancana handri ulahan ina asal teka murunsia yeru puang sagar bahasil. ³⁹ Kude amun rancana yena asalni teka Allahtala , naun puang sagar kaiyuh nyantalauni,likan tau pada naun nawan Allahtala. ⁴⁰ Ballu here nerau kawan rasul, palus mangkung handri nuyu here puang bapaner pakai ngaran Yesus ,palus nunyu here tulak. ⁴¹ Udi yeru kawan rasul tulak naan kawan anggota Dewan Agama handri ka arean biarpun here narime hinaan daya ngarai ni yeru. ⁴² Udi kajadian yeru ,tiap anrau ,hang wuang bait Allah handri hang lewu isa ma isa here ngajar handri iwara Yesus Kristus.