11 ¹ Hang wuang pada iru, kawan Rasul-rasul handri pulaksanai sa iman sa naan hang Yudea karengei naan pada ulun-ulun puang Yahudi pada haut narime Lengan Allatala. ² Daya iru, hang waktu iru hi Petrus mamai hang Yerusalem, ulun-ulun sa basunat basual handri hanye, ³ nelang bapaner " Hanyu tulak ma ulun-ulun puang basunat baya ikuta handri here." ⁴ Hang kala iru,Hi Petrus mulai manjalas ni baurutan ma here, eau ni, ⁵ '' Aku rahat badoa hang kota Yope, hang yiru nyalah sanupien, aku kadinung erang kalamar, na ulur handri epat hujung teka langit, bulu bana iru riet ma aku. ⁶ Udi aku kadinung, aku nyampining kawan situa ba pee epat hang tane, situa jumpun, kawan wurung samiding hang amau. ⁷ Aku pada karengei naan pada lengan kaeau ma aku, "Amuan,Petrus , samalis ai kuta leh!' ⁸ bulu, aku kaeau, 'Ada, Tuhan. Daya, mahi sa padi suah jari panguta ku.' ⁹ bulu, lengan iru nyawab karueh kali ni teka langit,' ' Inun sa haut barasis daya Allatala, ada hanyu kaeau bere!' ¹⁰ Iru tajari telu kali, udi iru katuluh ni na indrik ma langit. ¹¹ Dinung, naan telu kaulun nahuyu ma hanyu ma lewu hang munengan nu, hangka Kaisarea. ¹² Bulu iru, Ruh kaeau ma aku hampan tulak sasameh handri here handri puang asa - asaan. Kaenenm pulaksanai sa iman ru bulu tukal handri aku bulu kami mamai hang lewu ulun yiru. ¹³ Balalu, hanye iwara ma kami kala awe hanye kadinung malekat mindri hang lewu ni bulu kaeau, '' Huyu erang kaulun ma Yope bulu laku hi Simon sa na galar hi Petrus hawi ma ina, ¹⁴ pada hanye kai iwara pesen ma hanyu daya mitah pesen iru hanyu tau nasalamat,hanyu baya katuluh sa muneng baya hanyu.'' ¹⁵ Kapihuan iru aku kai bapaner, Ruh Barasis minau hang amau here, sameh sa nyalah hang amau takam sadi. ¹⁶ Bulu, aku kaitung lengan Tuhan, tawuk hanye kaeau, ' Yohanes nampandrus handri ranu, tatapi hanyu kai na ampandrus Ruh Barasis.' ¹⁷ Jari, amun Allatala ngami pangamian pada ma here nyalah Hanye ngami pada tawuk takam parsaya hang wuang Tuhan Yesus Kristus, hie aku iti sa tau kaiyuh nalang Allatala?'' ¹⁸ Rahat here nyandrengei lengan iru here ranai atei manyayi nawat Allatala,kaeau Allatala ngami pangamian pada ma ulun puang Yahudi patubatan sa nuju ma pamelum,Injil hampe hang Antiokia ¹⁹ Kamulek,kawan ulun tapisah daya na kahanangen sa naingkam hi Stefanus, tasiar hampe daerah Fenisia,Siprus handri Antiokhia bulu puang mihampe lengan Allatala ma hie ulun, kasuali ma ulun Yahudi. ²⁰ Kude, naan papire kaulun teka here, hanye iru ulun-ulun Siprus andri ulun Kirene sa hawi teka Antiokhia pada bapaner ma ulun-ulun Helenis, nelang iwara kisah Tuhan Yesus. ²¹ Tangan Tuhan nyindrah here, papire rama ulun jari persaya bulu iwaleng uma Tuhan.