10 ¹ Hang Kaisarea naan erang kaulun ngaran ni Kornelius, erang kaulun pemimpin pasukan Italia, ² erang kaulun sa takut ma Allatala, kala yeru pada andri ulun naan hang lewu- ni, ngami rama pingamian ma ulun - ulun tiap anrau lakudua ma Allatala. ³ Sekitar jam telu kariwe yiru, hang wuang paninungan, lentah dinung ni malekat Allatala hawi palus kaeau ma hanye," Kornelius!" ⁴ Balalu hanye ninung ma malekat hanye tu'u takut balalu kaeau "Inun ina, Tuan?" Pada, malekat yiru kaeau ma Kornelius lakudua lakuduanu andri pangamian - pangamiannu haut mamai jari peringatan ma hadapan Allatala. ⁵ Itati huyuleh ulun- ulun ma Yope balalu nerau erang kaulun ngaranni hi Simon pada naantuh Petrus. ⁶ hanye muneng baya erang kaulun pengrajin kulit ngarani Simon, sa lewuni naan hang iring laut.'' ⁷ Tawuk malaekat sa bapaner mahanye haut tulak, Kornelius nerau rueh kaulun pelayanni pada erang kaulun prarajurit paling panai teka ulun-ulun isa aur nyadia keperluan pribadini, ⁸ palus manarang katuluh ma here hanye nunyu here ma Yope. ⁹ Ma kiuni anrauni, hantek here hang wuang pakiaan riet tumpuk yiru Petrus mamai ma amau hapau lewu, sekitar jam enem palus lakudu . ¹⁰ Balalu hanye kala'uan kakan nahi kuman, hantek ulun- ulun rahat nyadia anrau kuta, Petrus kadinug isa panginien, ¹¹ hanye kadinung langit tauka sameh kain tauka minau ma epat hujung ni hampe tane. ¹² Hang wuang ni, na'an papire masam situa pe'e epat, situa ilansar hang tane pada wurung-wurung samiding. ¹³ Balalu, na'an lengan kaeau ma hanye, amuan Petrus, samalis palus kuta. ¹⁴ Kude eau Petrus,'' puang Tuhan, daya aku puang suah nguta sa puang suah na kuta. ¹⁵ Balalu lengan yeru kaeau ma karueh kali ni," inun sameh eau Allatala, puang iuh hanyu ngantuh padi." ¹⁶ Anrau yina haut hantelu kali ka'anehan, udi hie bana yiru taenat ma langit. ¹⁷ Waktu yiru, Petrus tu'u bingung hang wuang atei ni inun arati paninungan sa haut na dinung ni yiru, dinung ulun-ulun sa na utus daya Kornelius nampan karasa hang awe lewu Simon, nelang minri hang luwang sakepeng. ¹⁸ nelang nerau, here nunti inun Simon sana antuh Petrus, muneng hang yari. ¹⁹ Rahat hi Petrus mamikir hang wuang atei ni inun arati paninungan yiru, Roh kaeau ma hanye," Dinung, naan telu kaulun upu rahat ngantara hanyu. ²⁰ Amuan palus minau, tulak sinrah here ada puang harap daya Aku ha'ut nunyu here." ²¹ Balalu, hi Petrus minau manalu ulun-ulun yiru balau kaeau," Dinung, aku ulun sana antar nu. Inun alasan nun hawi?" ²² Here kaeau," Kornelius erang kaulun pemimpin, sa takut ma Allatala, isa terkenal maeh teka katuluh bangsa Yahudi, haut na itung daya maleka kudus balalu nunyun hawi ma lewuni himpan nyanrengei lengannu." ²³ Petrus nerau here masuk palus ngami here unengan amalem balalu kiuni hanye kaelan palus here tulak sindrah pulak sanai seiman teka Yope nengau hanye. ²⁴ Ma anrau kiuni, here hampe masuk ma Kaisarea. Kornelius haut nganrei here pada haut ngumpul pulaksanai baya kawan hengani. ²⁵ Rahat petrus masuk, Kornelius manalu hanye, balalu ileku ulu alep hang pe'e Petrus palus nyamah hanye. ²⁶ Balalu, Petrus ngarawah hanye minri palus keau," Minrileh! Aku ekat erang kaulun murunsia pada." ²⁷ Rahat Petrus bapaner anri Kornelius, Petrus masuk ma wuang palus manalu ulun rama rahat bakumpul. ²⁸ Balalu, Petrus aeau ma here," Hanyu karasa daya pikurun ma ulun Yahudi himpan manalu atau ganta ulun puang Yahudi, kude Allatala haut nutui aku pada, aku puang harus ngantuh hie pun sa puang maeh. ²⁹ Iru masalah ni, aku puang kabaratan hantek hanyu nunyu aku hawi, daya yiru aku nunti alasan inun hanyu nerau aku?" ³⁰ Pada Kornelius kaeau epat anru sah haut tapa itah hampe jam suei, aku rahat lakudua hang lewuku palus dinung, na'an erang kaulun minri hang hadapan aku makai baju sa matalak basahaya. ³¹ Balalu, kaeau," Kornelius, lakuduanu haut rengei pada pangamiannu haut na itung hang hadapan Allatala. ³² Daya yeru, huyuleh ma Yope mitah hi Simon sana antuh Petrus himpan hawi. Hanye rahat muneng hang lewu Simon, erang kaulun pengrajin kulit muneng hang iring laut. ³³ Daya yiru, aku palus nunyu ulun manalu hanyu, pada hanyu haut ma'eh atei hakun hawi. Itati takam katuluh na'an hang yina hang hdapan Allatala, himpan nyanrengei katuluh isa haut na huyu ma hanyu daya Tuhan." Petrus Mambaritakan Injil hang Lewu Kornelius ³⁴ Balalu , Petrus nguka mulutni palus kaeau," Itati aku tu'u-tu'u kataru daya Allatala puang nantarang perbedaan. ³⁵ Kude, ma katuluh bangsa, ulun isa takut ma hanye pada ngulah sa ma'eh, balalu na tarimeNi. ³⁶ Lengan Allatala sa haut hampe ma bangsa Israel nampe kabar maeh sanang mitah Kristus Yesus,Hanye Tuhan hang amau katuluhni. ³⁷ Hanyu pada karasa kejadian isa haut terjadi hang Yudea,mulai teka Galilea, udi permandian sa na berita daya Yohanes. ³⁸ hanyu karasa Yesus, ulun Nazaret, kala'awe Allatala ngami ma hanye anri Roh Kudus anri kuasa.Hanye tulak bakaliling ngulah kabaikan pada nyamare ulun sakit ulah daya roh jahat daya Allatala nyinrah Hanye. ³⁹ Takam jari saksi-saksi teka katuluh hal sa haut Yesus gawi, daerah Yahudi pada hang Yerusalem. Here haut munu Yesus hang tihang gantungan hang amau kayu balasangar. ⁴⁰ Kude Allatala ngamuan Hanye pada hang anrau sakatelu palus pada iwara Hanye himpan ngalalea tengani, ⁴¹ puang ma katuluh ulun, ekat ma kami ,saksi- saksi sahaut na pidi daya Allatala sahuanni,sa kuman anri ngu'ut sinrah-Hanye udi Hanye amuan teka padang ulun matei. ⁴² Pada, Hanye nunyu kami pada nampe kabar ma ulun rama palus basaksi anri bujur-bujur daya Hanye haut na tutui daya Allatala jari saksi ma isa welum andri matei. ⁴³ Ma Hanye, katuluh nabi basaksi ma ktuluh ulun isa percaya hang wuang- Hanye akan narime pangampunan dosa mitah ngaran-Ni." Allatala Nantarang daya Hanye Narime Katuluh Murunsia ⁴⁴ Rahat Petrus rahat ngantuh papaneran yiru, Roh Kudus minau ma amau katuluh sa nyanrengei firman yeru. ⁴⁵ Pada, ulun-ulun parisaya isa basunat, isa hawi sinrah Petrus, kagum daya karunia Roh Kudus haut na'ami, pada ma katuluh bangsa-bangsa lain. ⁴⁶ Daya, here karengei ulun-ulun yiru bapaner anri papire bahasa pada nawat Allatala. Balu Petrus kaeau, ⁴⁷ " Puangkah erang ka'ulun pun sata'u nalang ranu pakai mambabtis ulun-ulun sa haut narime Roh Kudus sameh takam yina?'' ⁴⁸ Balu, Petrus nunyu here himpan mam babtis hang wuang ngaran Kristus Yesus. Udihie , ulun-ulun yeru laku nampan Petrus muneng baya here papire andrau.