12 ¹ Hang jaman yiru, Raja Herodes ngenat tanganni papire kaulun teka jemaat ngampisansara here. ² Hanye munu Yakobus, pulaksanai Yohanes anri manau ( pedang ). ³ Pas Herodes kadinung ulahan yiru hanye arai atei ma ulun Yahudi, hanye palus nyama hi Petrus. tawuk yiru salawah Hari Raya Roti Puang Baragi. ⁴ Udi hanye nyama Petrus, palus naampasukni ma wuang tahanan, balalu sarahni ma epat pasukan prajurit pakai mengawasini amun haut luput Paskah balalu naenei ma hadapan ulun rama. ⁵ Palus hi Petrus nakurung hang wuang tahanan, barakat dua ma hi Petrus puang witus2ni ma Allatala teka ungkup. Malaikat Tuhan Malapas Petrus teka Penjara ⁶ Hingka malem, hi Herodes kai ngenei hi Petrus kaluar, Petrus rahat manre hang helang here rueh prajurit, nelang nahuruk anri rantai, panyaga hang hadapan wanawang naawasi. ⁷ Dinung erang kaulun malaikat Tuhan minri riet hi Petrus anri basahaya maraai teka lewu tahanan iru. palus malaikat iru netap rusuk palus ngele hanye, balalu hanye kaeyau " amuan hinang! " rantai-rantai yiru lawu teka kararueh tanganni. ⁸ Palus, malaikat iru kaeyau ma hanye " Huruk pingangnu anri pakai sanalnu ". palus hanye makai eyau iru. Udi iru hanye kaeyau " pakaileh jubahnu dan uma aku". ⁹ Balalu, Petrus kaluar anri uma malaikat iru. Hanye puang karasa inun sa rahat kajadian mitah malaikat iru bujur, kude ngakira hanye ru hanye rahat kadinug isa pintaruan. ¹⁰ hentek here haut mitah panjaga sa kaisa anri sakarueh, here hampe pintu gerbang besi manuju ma kota. Pintu gerbang iru tauka raerai ma here, balalu here kaluar anri here takia hampe mitah lurung, balalu salenga malaikat iru nanan hi Petrus. ¹¹ Katika hi Petrus sadar anri inun sa tajadi anri tengani, hanye kaeyau, "Taati , aku tuu-tuu karasa hanye ru Tuhan ngutus malaikat-Ni sa nyalamatkan aku teka tangan Herodes anri katuluh sa naharap daya ulun Yahudi". ¹² Udi hi Petrus karasa kajadian iru , hanye tolak ma lewu Maria, Ineh Yohanes isa naantuh hi Markus, hang iru hene ulun bakumpul sasameh nelang badua. ¹³ Katika hi Petrus ngatuk pintu gebang, naan erang kaulun palayan wawei bangaran hi Rode hawi kai ngukani. ¹⁴ Dami hanye kataru lengan Petrus, hanye arai mihewu kude puang hakun nguka pintu, balalu hanye nempat mawuang palus iwara hi Petrus rahat minri hang muka pintu gerbang. ¹⁵ Here kaeyau ma hi Rode, " Hanyu rarapuyen". kude, hi Rode gaha ngantuh kalairu sabujurni, balalu here magun kaeyau, " Iru bujur malaikat ".