¹ Mmi nni naa vona iyaanza lyaakwe lya malyo lyaakwe iye a va ikeere ha chipura, ivuuka yi ngolyetwa kuvuusu mane nne ku masulye. Nni yii yeerwa choku suminwa ku mana iyaanza nne toovere. ² Mane hape nni nna vona ingiloyi lyi kolyete chilyi waamba che lyiinzwi ikaando, nni lyiti njeeni yo woola ku iwula ivuuka, mane nne ku sumununa ku iyalwa kwaayo?" ³ Mmi ka kwiina kwi iwulu ne hansi lye inkanda yaa vaalyi ku woola ku iwula iiyi ivuuka mane nne ku ivala. ⁴ Mmi nni nnaa lyira a hulu, mu kuti ka kwiina yaa va waaniki nna woola ku wuumbula mane nne ku vala iiyi ivuuka. ⁵ Mmi zumwe wa vakulwaana nna nnicho kuti, saanzi u lyiri. Lolye! Undavu wo mushovo we iziko lya Juuta, muhisi wa Daafita, infwee a vaa woolyi ku iwula yoo yweeyi ivuuka mane nne ku sumununa ku iyalwa kwiina ku mana iyaanza nne toovere kwa teni." ⁶ Mmi chini lolyereere, vone, mukati ke chipura nne mu zivatana zoonne, nne mukati ka vakulwaana nni kwaa voneka imbereree yi kola mane iiri yi vee hayiiwa, nni yiina maziya a mana iyaanza nne oovere, menso a mana iyaanza nne oovere, iizo zi chita kuti nje inhuho ze Ireeza ziina ku mana iyaanza nne toovere iizo zi tumitwa mu inkaanda yoonse. ⁷ Mmi nneeza ku hiinda ivuuka mu iyaanza lyaakwe lya malyo lya yaa vee keere mu chipura. ⁸ Mmi chiinga mana ku hiinda ivuuka, zivatana zoonse nne vakulwaana veena makumi oonne nne toonne choku wiira haansi ha vusu vwe imbereree zumwi nne zumwi waavo nnaa kweete ibaanjo mane nne tusuva twe ighawuda twiina ku nuunka ku kaando a hulu mwa teni, uuko ku chita kuti nje mirapero ya vantu va jolola. ⁹ Mmi nni vaa ziimba luziimbo lu hiya: " Uuwe u lukeere ku hiinda ivuuka, mane nne ku iiwula zii yeerwa zoonse. Ka kuti u vee hayitwa, mmi cha malaha ako u va wulyiri vantu kwe Ireeza.cha malaha aako kuzwa mu mishovo, nne indimi, nne vantu, mane nne mirahi. ¹⁰ Mane u va tu chiti kuti tuve va simwiinezana nne vapurisita kwa Simwiine Ireeza weetu; nne kuti tu iize tu vuse mu inkaanda." ¹¹ Mmi nni na lola chiku zuwa mulyumo wa mangiloyi maangi ku zumbuluka chipura nne zivatana, nne vakulwaana. Mmi ipalo yaavo yi vaalyi ye miyaanda ye miyaanda yiina ikumi nne miyaanda ye miyaanda yiina miyaanda nne miyaanda ye miyaanda[10 000 100 000 000]; ¹² mmi nni vacho che lyinzwi lyiina kwi wulu, ku swanera imbereree yaa ve hayitwa kuti yi taambulye maata ziho, nne vuhumi, nne maano/ ku talyifa, ku kola nne ku kutekeha, nne ku jolola nne imbiyoti." ¹³ 13. Mmi nni na zuwa chimwi nne chimwi chivumbwaantu chiina ku iwulu, nne haansi, nne kuunsi lye inkaanda, mane nne ziina mu iwate - nniizi ti, "Kwaalyi eye yo wi kere ha chipura nne ku mberere,kwiina mikoonde, nne ku kutekeha, nne ku jolola, nne ku kola zive kwaalyi iiye yo wii keere ha chipura mane nne ku imbereree muku ikalyilyiire. ¹⁴ Zivumbantu zoonne zi hala nni za cho kuti, "Amen!" mmi vakulwana nni va fupama hansii chiku murapera.