¹ Chiinga kwa zwa aaha nni naa lola, mmi nni va vone mulyaango nniiwi wukite ku iwulu. Lyinzwi lye ntanzi lyi nni va zuwi nni lyi waamba ku swana mane iiri intorombita yi kwete yi waamba naame; nni lyi cho kuti, " Wiize kunu, kuti nni ku toondeza zintu zi lukeere kuva kwa teni ku taanga ha hanu. ² Hoo hwaaho vulyo nni nnaava mu luhuho; mmi vone, chipura cho vusimwiine nni chaa viikwa ku iwulu, zumwe mane choku ikala ha teni. ³ Iye ave ikere ha teni cho kuva nna lolyeka mane iiri ijasipera nne ivwe lye saradini. Ku veena Shamutalazi ku zimbuluka chipura. Shamutalazi ava ku vweenekete muvala we imeralude. ⁴ Mmi ku zimbuluka chipura iichi che kuva nne meekalo a woonda makumi oovere nne oone, choku vona vakulwaana ve ipalo yi lyikana [yi yendirizaana] nne meekalo nni vee keere, nni va zweete zizwaato zi tuva, nne mahwiisi e ighawuda mu mitwi yaavo. ⁵ Mmi kuzwa mu chipura nni kwaa voneka maseri o mu mini, nne ku tiimba nne manzwi.Hape nni kwiina malaambi a mana iyaanza nne oovere ava kweete ku bukuka ha vusu vwe chipura, aawo a chita kuti nje inhuho ze Ireeza. ⁶ Mmi ha vusu vwe chipura nni ku kola mane iiri iwate lye ihalasi, mmi mukati ke chipura nne kuchi zimbuluka, nni kwiina zivatana zoonne ziina menso ku vusu nne ku masulye. ⁷ Chi vatana che ntanzi chi va ku swana uvu iri ndavu, cho vuuveri choku swana nne kanamani, mmi cho vuutatu nni china vusu vu swana nne vo muntu, cho vuunne choku swana mane iiri isika lyi wuluka. ⁸ Chivatana cho voone ne china mavava eena ku mana iyaanza nne kaamwiina, chi ve zwiire manso he wulu ne kunsi. Masiku ne musihalyi ka henna zi vaa ku zima ku cho kuti, "Ku Jolola, ku jolola ku jolola Simwiine Ireeza si ziho zoonse, yaa veena kwa teni, yo wiina ha teni, mane nne yoo sii keeza." ⁹ Mmi iizo zivatana chizi muteemba nne kumu kuteka mane nne kulyi tumera kwaalyi yaa ve kalyi ha chipura, yoo halyilyiire. ¹⁰ mpuku pangahalyira kuti vakulwaana veena makumi oovere nne toonne va wire haansi ha vusu vwaakwe yo wii keere ha chipura. Choku murapera iiye yo wii kalyilyiire mane, choku sohera mahwiisi aavo ha vusu vwe chipura nni vati, ¹¹ U swanerwa, uuwe Simwiine, ku taambula ku teembwa, nne ku kutekwa, nne ziho/ ku kola: Ka kuti u vaa pangi zintu zoonse, mmi cho kusuna kwaako chiingi ziina kwa teni mane zi vaa pangwa.