¹ Mmi ku ingiloyi lye ikereke yiina kwa Saradisi ngolye: Aa nga manzwi a waambwa nnaaye yoo kweete luhulo lwe Ireeza lu jolola lu mana iyaanza nne toovere nne inkaani ziina ku mana iyaanza nne zoovere. Nniizi misevezi yaako. Kuti wiina izina lyicho ku hala, mmi nnoo fwiire. ² Vuuke mane nne ku koza zintu zi sheere, zichi zi saka ku fwa, Ka kuti keena nni vaa waani misevezi yaako hayi shiyeeme kwe Ireeza. ³ Kumbulukwa, lyinu, mo vaa tambulyi mane nne ku zuwisiza. Chi nganbasire, kullyi nyaansa. Mmi lyiinu haiva keeti nnoo lyiise, kani iize kwaako mane iiri musa, ku zwaaho keeti nno wii izive inako yini keeza chaayo kwaako. ⁴ Mmi kwina amwi mazina mache a vantu mwa Saradisi va sana vava izuza zizwaato zaawo ikwe. Mane kava yeende naame, nni va zweete ku tuva, ka kuti va swanerwa. ⁵ Iye yeeti nnaa zuunde ka zavikwa zizwaato zi tuva, mane keeti nnini siinde izina lyaakwe mu Ivuuka yo Vuhalo, mmi kani mu waambe izina lyaakwe havusu vuva Taayo nne ku mangiloyi aakwe. ⁶ Wina kutwi koku zuwa a teeke che luhuho chilu cho ku makereke."" ^{8 7} Mmi ku ingiloyi lye ikereke ya Filadelufiya ngolye: "Aa nga manzwi aakwe yo jolola nne vusakusima - iiye yo wiina chiiwulyiso cha Daafita, iiye yooti hee wula ka kwiina yo wii yala, nne kuti hee yala kaku siina yo wii wula. ⁸ "Nniizi choova chiti. Lolye, nnii wiire mulyaango ha vusu vwaako, mane ka kwiina muntu yo woola kuti ee yalye uuwo mulyaango; vulyo wiina zihozana, mane u kweete lyiinzwi lyaangu, ku zwaaho ko wiini kulyi sampula izina lyangu. ⁹ Lolye! Aavo va zwa mwi ikereke ya Saatani, valyi sumpa kuti va Juda, nni va saalyi aavo; nni va cheenga. infwee kani va chite kuti nni veeze va ku fukamine ha mateende aako, kuti nni vee zive kuti nni vaati nni ku kusuna. ¹⁰ Ka kuti u ngambasiire lyiinzwi lyaangu che inkulo inde, mpaaho chiingi nnaame kani ku vavalyere mu inako ye milyiko e keeza mu inkanda ku lyika aavo ve ikeere mu inkaanda. ¹¹ Nni keeza choku hweera. Ngambarisize cho kweete ku chitira kuti zumwe vulyo saanzi aku hiindiri ihwiisi yaako. ¹² Mmi iiye yeeti nnaa zuunde kani mu pange iwutwana mu inzuvo ya Taayo, mane keeti nnaa voolye a zwiire hanze lyaayo. Hape kani mu ngolye izina lye Ireeza, izina lyo muzi mukaando we Ireeza( wu sumpwa Jerusalema mu hiya, U suuka nni wu kazwa ku iwulu kwe Izeeza), izina lyaangu ihiya. ¹³ Wina kutwi koku zuwa a teeke che luhuho chilu cho ku makereke,"" ¹⁴ Mmi ku ingiloyi lye ikereke ya Lawudikiya ngolye: Aa manzwi a waamba iiye kuve vulyo, yoo sepahala nne mupaki yo wiina vusakusima, iiye intaanzi yoku vumba mwe Ireeza ¹⁵ Nniizi chacho va chiti, ko toontolyi mane ko hisha. ¹⁶ Lyiinu hanu vone ka kulyi wiina lu zuzuvira koo wiiri kuku hiisha nne ku toontola muni kuswe mu kalomo kaangu. ¹⁷ Ka kuti ucho kuti ulyi kweeteere/ u humite, mane wiina zintu ziingi, ka kwiina choo vulyite; nnoo seezi kuti u umbwa, yo soheewa cho vooza vwaakwe[ u mu humanehi yoo zuwisa inkulo vutuku nne yo wiina mu vutuku] ku seena cho wiina nnaacho, nne vuhofu nne chinteeneentene he iwulu: ¹⁸ Kani murute ku wula ighauda[ighawuda] kwaangu yi vaa shaanzwa cho mulyiro, kuti mu woolye ku huma: nne zizwaato zi tuva kuti mu woolye ku zavala, ku chitira mampunu oku saa zwaata kweenu a woolye ku zwaatikwa, nne menso eenu a siingwa[e] mafuta a chitisa kuti mu woolye ku vona. ¹⁹ Vuungi, vuungi vuni suni, nnivu kalyimera mane nne ku vu shimeha: mpaaho he mulyi nyaanse, mu saanduke. ²⁰ Vone, nni ziima ha mulyaango choku wodisa; mmi iiye yoo zuwa lyiinzwi lyaangu, cho kuiwula chiiyazo, nni njira mukati kwaalyi, ku zwaaho cho kulyia nnaaye, nnaaye cho kulyia nnaame. ²¹ Kwaalyi iiye yeeti nnaa zuunde, kani muhe meekalo ku vaambana nnaame ha mu muvuso waangu, siina iime muni vaa zuundi mmi choku kwi kala haansi nne Taayo mu muvuso waakwe. ²² Wina kutwi koku zuwa a teeke che luhuho chilu cho ku makerekeIiye."