¹ Mmi ku ingiloyi lye ikereke ya Efesasi o ngolye kuti: Aa nga manzwi a waambwa nnaaye yoo kweete inkaani ziina ku mana iyaanza nne zoovere mu iyaanza lyaakwe lya malyo yoo yeenda mukati ka makandera e ighauda, ² "Nniizi miteendo yaako, mane nne ku teenda kwaako, nne inkulo inde yaako. Nniizi kuti mane ko zuminzani nne vantu va chita zivi. Mane hape nniizi kuti u vaa lyiki aavo vacho kuti vaapositoloyi, nni va saalyi aavo, nni wa wana kuti vacheenga. ³ Niizi kuti wiina inkulo inde, uva nyandi che ivaka lye izina lyaangu, kana uva suntiki. ⁴ Nniha kuva vulyo kwiina zimwe zi sani lyi tumeresa kwaako, ka kuti u vaa siyi chisemo chaako che intaanzi. ⁵ Kumbulukwa kuti uva wiiswa nzi. Mmi ulyi nyaanse, choku chita miteendo yaako ye intaanzi.Cho kuti ko lyi nyansa, ka nni ze kwaako chiku ku zwiisa chi ziimikiro che ikandera mukati kaako mu me ikaalo acho. ⁶ Mmi iichi wiina nnaacho: Choku toya misevezi ya Manikolayitenese, mmi name nniyi toyete. ⁷ Siye yo wiina matwi a teeka chi waambwa nne luhuho ku makereke.Kwaalyi iye yeeti nna henya kani muhe ku kulyia ku isamu lyo vuhalo, lyiina mukati ke iwa lye Ireeza."" ⁸ Mmi ku ingiloyi lye ikereke lya Shaameena ngolye: "A a manzwi a waambwa nnaaye we intaanzi mane nne wa mamanimani, yaa vaa fwiire hanu cho kuva yoo hala; ⁹ Nniizi masukuluka nne lwiinza lwako, mmi u humine. Nniizi nne ku tukana kwaavo va lyicho kuti Vajuda, mmi nni va saalyi aavo. Nni valyi ikereke ya Saatani. ¹⁰ Siye ku tiyamanyando o keeza ku kopana nao. Vone! Saatani kaa manine chaa sohera vamwi veenu mu intorongo kuva lyika, mmi ka mu nyande mazuva a lyikana ikumi. Mu sepahalye mbwita ku lufu, ka nni muhe ihwiisi yo vuhalo. ¹¹ wina kutwi koku zuwa a teeke che luhuho chilu cho ku makereke. Iye yeti nna henya keeti nnaa sasamiswa nne ifu lyo vuuveri."" ¹² Mmi ku ingiloyi lye ikereke ya Perigamose ngolye; Ilyi zintu zi waambwa nnaaye yo wiina kafulo ka cheka ka fuunda imbalyi zoonse; ¹³ Nniizi ku wiikala, uuko ku waanika chipura cha Saatani. Mmi u kweetesa a hulu izina lyaangu. Mane ka wiini kulyi saampula itumero yako mwaangu, mane nne mu mazuva a Antipasa cha vaalyi ku fwiira kwaangu, yaava ihayiiwa he kala Saatani. ¹⁴ Mmi nniina zintu ziche zi nni sa zuminzani chako: Ka kuti koo kooko kwiina va kweete va tambula ku ruta kwa Balamu, yaava shongi Balaki kuti a viikire vaana va Isiraere chikupi mu inzira, kuti mane valyie zilyio za siyiiwa nne madimona, choku manina chiva kweete va chita vuhuulye. ¹⁵ Mane hape, kwina va kweete va tambula ku ruta kwa Manikolayitenese. ¹⁶ Sanduke, lyinu! Cho kuti ko chiti, ka nni ze cho ku hweera kwaako, mmi nniini ize cha kafulo ko mulomo waangu. ¹⁷ wina kutwi koku zuwa a teeke che luhuho chilu cho ku makereke. Iye yeti nna henya, ka nni mu he zilyio zii nni wungwire mmi kanni mu he ivwe lyi tuva lyi ngolyetwa izina ha teni, lyi izivitwa vulyo nnaaye wa lyi tambula."" ¹⁸ Mmi ku ingiloyi lye ikereke ya Chiyaachira ngolye: ' Nnizi zintu zi waambwa nne mwaana we Ireeza, yo wiina menso a kola a bukuka mulyiro, mmi mateende aakwe a kola mane iiri chisipi che iburonzi chiyi jolweere. ¹⁹ Nniizi cho va pangi: chisemo ku teenda kwaako, mane nne itumero nne inkulo inde. Zimpangalyikantu zaako mane nni za mamanimani kwiiza ku zaamba ze intaanzi. ²⁰ Nniha kuva vulyo kwina chi nni salyi tumere ka hako: Wuva taambulyi mukulwaakazi yoo sumpwa Jezebelu, yoo lyi sumpa kuti muporofita. Choku ruta kwaakwe u ziyeza vahikaana vaangu kuti va chite vusaangu mane nne kulyia zilyio za siyiiwa nne madimona. ²¹ Mmi mane kana nniva muhi chivaka cho kuti alyi nyaansikize vusaangu vwaakwe; nna kaana kulyi nyaansa. ²² Lolye! Kani mu soheere mu mumbeta, mane nnaavo vaa laala nnaavo kani va viike mu vukaavo, mbwiita vulyo ha valyi nyaansikiza misevezi yaavo. ²³ Mmi mane kani ihaaye vaanavaakwe, mmi mane nne kereke zoonse kazi woolye ku iiziva kuti njeeme yoo tatuva menaahano mane nne inkulo; ku zwaaho kani ruwere zumwe nne zumwe cho kuya cho[e] misevezi yaakwe. ²⁴ Mmi kwenu mu voonse mwina kwa Chiyaachira, ku zumwi nne zumwi ya sa kwete uuwu mulaeza, mane nne kuva seezi zi njiririire kuunsi sa Saatani - siina muva waambira; keeti nni nni mu viike muziyo umwe hape he iwulu, ²⁵ Mmi iicho chi mukweete muchi woondeseza ku fitera[mbwiita] ku sika kwaangu. ²⁶ Mmi yeti na woolye ku henya nne ku chiita zi nni va chiiti ku siika ku ma maninmani, kwaalyi ka nni mu he ziho mu mmi merahi yoonse. ²⁷ Mane kaa woolye kuva vusa che inkolyi ye chitalye, siina zivumbwantu ze izupa muzi pwachooka choku savangeha. ²⁸ Ku swana nne muni vaa tambulyi ku vataanyo[ kwa Mmi mane kani muhe inkaani ya kakusasani. ²⁹ wina kutwi koku zuwa a teeke che luhuho chilu cho ku makereke.