¹ Mmi nni nna vona imbereree chiyi iwula imwe yezo zi ve yeerwa, nni na zuwa chimwi che zivumbwantu zo nne nni chi wampa che lyinzwi lyi kola mfula, "Ize!" ² Mmi chini lola nni na vona imbiizi yi tuva. Mu ichiri waayo a vaa kweete muvwi, ku zwaaho nnaa heewa ihwiisi. A veeza naalyi muzundirizi kuti za zuunde. ³ Mmi chiinga e wula chii yeerwa cho vuuveri, nni nna zuwa chivatana cho vuuveri nnichi cho kuti, "Wiize" ⁴ Choku zwa imbiizi imwe yi suvira. Mu ichiri wa yo a va heewa ziho k iiye yoo yii chiire kuti a hiiu zwiisa ikozo mukanda kuti vantu va wolye kulyi haya. Uzu mu ichiri a va heerwa ifulo ikando. ⁵ Mmi lyiinu Mbeerere chiinga ye wula isili yo vuutatu, nni chicho kuti '' Wiize! Mmi nni nna vona imbiizi yi siiha, mmi iiye yaa va yi ichiire nna kweete chikara mu iyaanza lyaakwe. ⁶ Hape nni nna zuwa lyiinzwi mukati ke zivatana zoonne nni lyiti, vusuu kavu wulwe che ipeeni, mavalyere oo tatwe naawo ka a wulwe che ipeeni, ku zwaaho vone kuti koo sasamisi mafuta nne vujwara. ⁷ Mmi lyiinu Mbeerere chiinga ye wula isili, ninna zuwa lyinzwi lye chivatana yo vuunne nni chicho kuti '' Wiize !" ⁸ Mmi nni naa lola, vone, imbiizi yi vuundukiire. Iye yaa ve chiire ha ilyi nna suumpwa lufu mmi ihere nni lyi mu sheere mu masulye. Mmi nni vaa heewa ziho mu chivaka cho vuunne che inkaanda kuti vee ihaye cho mulyiinga nne che inzala, nne kufwa vulyo, nne che zinyolozi ze inkaanda. ⁹ Mmi lyiinu Mbeerere chiinga ye iwula isili e mana iyaanza, nni naa vona haansi lye chitavero inhuho zaavo va ve hayirwa lyiinzwi lye Ireeza mane nne vupaki vuva vaa kweete. ¹⁰ Mmi nni vaa lyira che lyiinzwi ikaando nni vaati, :"Ka ku hinde luvaka lu sika hayi, Simwiine, yoo jolola nne vusakusima, nno saa tu watwiiri/ zekiseza vantu vava tu ihayi voo vwaavo veena mu inkaanda va vee tiri malaha eet?" ¹¹ Mmi zumwi nne zumwi waavo choku heewa ijira lyi tuva; choku teewa kuti valyindire piri kaniinizana vulyo, ku chitira kuti vamwaavo cho vuhikaana vamwi ve ihayiiwe mane iiri njoovo muva vee hayiiwa. ¹² lyiinu Mbeerere chiinga ye wula isili yi mana iyaanza nne kaamwiina, ni va vone ku nyanganya kwe inkaanda ku kaando a hulu. Izuva choku siiha uvwoiri ijira, mmi mweezi uuwo choku shaala nni wu kola malaha. ¹³ Mmi inkaani ze iwulu choku wiira haansi, mbakache isamu lye ikuzu chilyi wiisa mabola a teni chilyi nyungooswa nne luuho lu kaando. ¹⁴ Mmi iwulu nni lyaa zwa kwa teni siina iiri ipaampiri chilyi wumbulwa lyoonse. Iruundu ne chida chimwi nne chimwi chi va zwiswa mu mekalo a teni. ¹⁵ Mmi vasimwiine ve inkaanda nne vakwaame va kaando, nne vahumi, nne masolye vakulwaana cha maziimo, nne vakwaame va kolyete, nne va woondetwa, nne va saa woondetwa va vaa lyi wuungulyi mu mavwe a maruundu. ¹⁶ Cho kucho mavwe nne maruundu kuti, ''Mutu wiire! Mane mutu wuungulye kutu zwiisa ha vusu vwaakwe iiye yo wii keere ha chipura mane nne mu vukalyi vwe imbereere. ¹⁷ Ka kuti izuva lyaakwe lyo vukalyi chi lyaa sika; lyiinu njeeni yeeti choo woola ku ziima?"