^{1 2 3} Vakwangu-chiswisu, kusaka kwe inkulo yangu ne kukumbira kwe Ireza inji kwaavo, njikwe kuhazwa kwaavo. Mukuti ni shupa kaha avo kuti veena twahalyera Ireza, mi insini kuya che kwiziva. Mukuti ka veezi kushiyama kwe Ireza, mane va saka ku zaaka kushiyama kwaavo. Ka hena va valyi twaalyi ku kushiyama kwe Ireza. ^{4 5} Mukuti Kirisiti nje kuchitahazwa kwe mulawo we kushiyama ko umwi ne umwi yo zumina. Mukuti Mushe u ngola kaha kushiyama ku zwa ku mulawo: '' muntu yo chitahaza kushiyama kwe mulawo ka halye choku kushiyama.'' ^{6 7} Mi kushiyama kuzwa kwe itumero ku wamab ichi, '' sa nzi uti mu nkulo yaako, ' njeni yeeti na tantuke mwi iwulu?' ( njo kuti, ku suusa Kiristi hansi). Mane sa nzi muti, ' njeni yeeti naa sukire mwi abasi?'' ( njo kuti, ku tantusa Kirisiti kwaavo va fwire.) ^{8 9 10} Mi u tinzi? '' Ihuko lyi vambeene nawe, mu mulomo waako ne mwi inkulo yaako.'' Nje ihuko lye itumero, lye tu hasa. Mukuti haiva che mulomo weenu mu lyemuha Jeso niiri Simwine, ne kuzumina mwi inkulo yeenu kuti Ireza ya va mu vusa mu vafwiire, ka mu hazwa. Mukuti che inkulo muntu u zuminina kushiyama, ne che mulomo u taambwiira kuhazwa. ^{11 12 13} Mukuti mingolo iti, '' umwi ne umwi yo zumina kwaalyi keeti na swaviswa.'' Mukuti ka kwina kusaswana hakati Vujuta ne Vuherika. Mukuti Simwine yo swana nje Simwine wa vonse, mane humine ku vonse va mu sumpa. Mukuti umwi ne umwi yo sumpa he izina lya Simwine ka vulukwa. ^{14 15} Kwiza vulye lyinu va wollye ku sumapa halyi u va seena va va zumine? Mane va woola ku zumina mwa alyi u va seena va va zuwi? Mane poona che va zuwa vulye kunze lye muchumayeri? Mane mpona che va chumayera vulye, kwaande ni va tumitwa? Siina mu ku ngolyetwa, '' Kulotuhite vulye matende avo va hasa manzwi e zintu zi shiyeme!'' ^{16 17} Mi ka hena va va teeki manzwi vonse. Mukuti Isaya uti, '' Simwine, injeni ya va zumini mulayeza weetu?'' Lyinu itumero izwa mu ku zuwa, ne kuzuwa che ihuko lya Kirisiti. ¹⁸ Mi niti, '' A ka hena va va zuwi?'' E, mwendi. '' Mulyumo waavo u va zwiiri mwi inkaanda yonse, ne mahuko avo ku manimani e inkaanda.'' ¹⁹ Kwizuza, niti,'' A Izirayela ka hena ivezi?'' Chentanzi Mushe uti, '' ka ni mu lyekere kwi ifufa che chi saalyi inkaanda. Che inkaanda kunze lye kuzuwiseza, ka ni mu tangwerere ku vukalyi.'' ^{20 21} Ne Isaya u kuzeza mane uti, ''Ni va wanwa naavo va sena va va ni saki. Ni va viniki kwaavo va seena va va ni kumbiri.'' Mi kwa Isirayela uti, '' Luzuva lonse ni va sikisa manza angu ku vantu vasateeki ne vakana.''