^{1 2 3} Ni wamba lyinu, A Ireza a va kani vantu vakwe? Sa nzi kuvi. Mukuti naame ni mu Isirayela, imbuto ya Aburahama, we murahi wa Benjameni. Ireza ka hena a va kani vantu vakwe, va vezivirihavusu. A ka mwi izi mingolo zi iwamba kaha Elijah, mwa va kumbiri Ireza kaha Isirayela?''Simwine, va ve ihayi vaporofita vaako, va va cholwereri hansi ziviso zaako. Ime memena ni sheere, mane va saka vuhalo vwangu.'' ^{4 5} Mi mwitavo we Ireza u mu tinzi? '' Ni va lyi tulyiri vantu veena seven thousand va seeni ku cholyera Baale izwi.'' Niha kuva vulyo lyinu, mwi yinu inako kwina vasheere cheivaka lye vuitopero vwe isehuhazo. ^{6 7 8} Mi haiva che isehuhazo, ka isiiri che misevezi. kuvavulyo isehuhazo keeti e kuveere isehuhazo. Lyinu chinzi? Chintu Izirayela che va kusaka,e lyaate ku chi vona, mi vasalyitwa vava chi wani, mane vonse va va kukutuhazwa. Kwina vulyo siina mu ku ngolyetwa: '' Ireza a va vahi luhuho lo vuholo, menso vulyo kuti sa nzi va voni, ne matwi vulyo kuti sa nzi va zuwi, ku sika ho lunu lusuku.'' ^{9 10} Ne Dafite uti, '' Itafulye yavo e chitwa ka nyandi, kaswa, chichunchuni, ne kulyivusulukeza ku valyi. Menso avo kaa sihiswa vulyo kuti sa nzi va voni. Inako zonse va fukamisa misana yavo.'' ^{11 12} Ni cho lyinu, '' A va chunchwini vovulyo siina kuwa? '' Sa nzi kuvi. Kunzelyovulyo, cho kukangwa kwaavo, kuvulukwa ku vezi ku Vaherika, mu kuchitira ku va tangwerera mwi ifufa. Hanu haiva kukangwa kwaavo kuhuma kwe inkaanda, mane haiva kuzoverwa kwaavo kuhuma kwa Vahedani, ku maniserezwa kwaavo ka kuve kukulu vulye? ^{13 14} Mane hanu ni wamba naawe Vahedani. Sina mu ni siiri muapositola ku Vahedani, ni hinda kulyikuza mu musevezi wangu. Mwendi ka ni tangwerere kwi ifufa avo valyi ve inyama yangu. Mwendi ka tu vuluke vamwi vaavo. ^{15 16} Mukuti haiva kukanwa kwaavo kuvolyinsana kwe inkaanda, ku tambulwa kwaavo ka kuve kuhi mi vuhalo kuzwa kwavo vafwire? Haiva zihantu ze intanzi zi vulukitwa, vulyo mu china chitompi chevuroto. Haiva muhisi nu u vulukitwa, vulyo mitavi mu yiina. ^{17 18} Mi haiva mitavi imwi e va choolwa, haiva uwe, mutavi we oliva ye muzuka, u va nungirwa mukati kavo, mane haiva u va kopaneeri naavo mu mutavi u nunute we chisamu che Oliva, sa nzi u lyi nyemwini mitavi. Mi haiva u lyi nyemuna, ka hena uwe u kanzama muhisi, mi muhisi u ku kanzeme. ^{19 20 21} Ka mu cho lyinu, '' Mitavi e va choolwa ku chitira kuti ni woolye ku nungirwa mukati.'' Icho vuniti. Cheivaka lye kusazumina kwaavo va va choolwa, mi unwe mu kolyete mu kuzima cheivaka lye itumero yeenu. Sa nzi mu lyi nahaneeri hehulu ahulu, mi mutiye. Mukuti haiva Ireza ka hena a va haza mutavi e vumbitwa, nangati unwe keeti na mu haza. ²² Vone uko,lyinu, misevezi yense ne vukalyi kwe Ireza. Kwe ilyimwi iyanza,vukalyi vu veezi ha Vajuta va vawi. Mi ilyimwi iyanza, kuzuwira vutuku kwe Ireza kwiza ha inu, haiva mu zwirira mu kuzuwira vutuku kwaakwe. Kunzelyovulyo unwe nanwe ka mu kosolwa. ^{23 24} Mane naako, haiva ni va sa zwiriri mu kusazumina kwaavo, ka va vozekezwa mo.Mukuti Ireza u woola ku va vozekeza mo hape. Mukuti haiva mu va kosolwa mwocho chilyi chisamu che Oliva cho muzuka, mane kuzamba mukuvavumbwa mu va vozekezwa mu chisamu che Oliva chishiyeme, a va Vajuta, va lyi mitavi ivumbitwa, ka va vozekezwa ko mukati kwe chisamu che Oliva chaavo? ²⁵ Mukuti ka ni suni mu vulye kuseziva,vakwangu-chiswisu, kaha zikomosa, ku chitira kuti keeti muve ne maano mu kunahana kweenu. Uku kukomosa nje kuti kukutuhazwa kusamanini ku vachitahalyi mwa Isirayela, ku sika ha kumaniswa kwa Vaherika ha kwi njira ho. ^{26 27} Chovulyo Isirayela yonse ka yi vulukiwa, siina mu ku ngolyetwa: '' Kuzwa mwa Zion ka kwiize muhululyi. Ka zwise kuvulaireza kwa Jakovo. Mane ichi ka yi ve kuzuminzana kwangu naavo, che ni na hinda zivi zaavo.'' ^{28 29} Ha iyanza lyi mwi kaha manzwi, zira mu mazimo enu. Ha iyanza lyi mwi kuya che kusala kwe Ireza, va sunitwa cheivaka lya vazaazi. Mukuti inewo ne kusumpwa kwe Ireza ka zi chenchiwa. ^{30 31 32} Mukuti kuntanzi ka hena mu va kuteeka Ireza, mi hanu che mu va tambulyi inse cheivaka lye kusazuwa kwaavo. Mwe iyi inzira, hanu ava Vajuta ka hena va vaalyi kuzuwa. Chevolyiri e valyi kuti che inse e mu va tondezwa naavo hanu va woolye ku tambula inse. Mukti Ireza a va eyalyi vonse mu kusazuwa, mu kuchitira kuti a woolye ku tondeza inse ku vonse. ^{33 34} Owo, kwinjiha kwe vuhumi konse vwa maano ne kwiziva kwe Ireza! Iwatulo zaako kazisakiwa, ne inzira zaakwe kuzamba kuwanwa! '' Mukuti injeni ya chavezivite ingana ya Simwine? Nandi injeni ya cha vavi muziyululyi waakwe? ^{35 36} Nandi injeni ya vahi chimwi ntanzi kwe Ireza, vulyo kuti ne chi ruwerwa kwaalyi? Mukuti kuzwa kwaalyi, ne cha akwe, ne kwa alyi, zintu zonse mu zina. Kwa alyi kuve iverengo kusamanini. Ameni.