¹ Laju aku kito erai kongo mlekat diwa ngket sorga ngop kunsi jurang maot ai keo rantai olai mbo kayang iyo ; ² io nangop loden, nipo tuo ene, io ene Iblis ai setan. Ai io nyiret iyo sribu taun kola iyo, ³ Laju nurak iyo epo lang jurang maot, ai nokom jurang maot ene ai nyegel iyo mbo ombon iyo, apa io nang oli mketang bangsa-bangsa, onon se pnyundok jman sribu taun ene ; Sundok ene io anta nutis ile-ile. ⁵ Tapi ulun-ulun mate yo mak belo nyuli onon sundok jman yo sribu taun ene. Endo doko pnyuli yo tela. ⁶ Ego beta ai kudus doko io, yo kuli bagi lang pnyuli yo tela ene. pngemate kduo belo keo kuasa oli epo dero, tapi dero anta jadi imam-imam Allah ai Kristus, ai dero anta mrenta kati raja sama-sama diang Io, sribu taun kola iyo. ⁷ Ai lipas jman sribu taun ene abis, Iblis anta nutis ngket sper iyo, ⁸ ai io anta malan mmktang bangsa-bangsa mbo ompat tadah dnia, io ene Gog ai Magog, ai ngumpul dero nte perang ai kdeo dero sama diang kdeo krsik mbo tasik. ⁹ Jadi dombo ka dero epo mupus tana ombo mbo dnia, laju ngepong awa kemah tntara ulun-ulun kudus ai kota yo tinongkosang ene. Tapi ngket langit diwa ka api nuna dero, ¹⁰ ai Iblis, yo mmketang dero, tnurak epo lang tasik api ai blerang, io ene awa korik ai nabi plsu ene, ai dero knurow knesa molo malom sampe turai-turai. ¹¹ Laju aku kito keo pnunge raja yo bura yo olai ai Io, yo tunge ban ne. Ngket onon-Iyo blmas ka dnia ai langit ai belo dinruku oli awa iyo. ¹² Ai aku kito ulun-ulun mate, alus kodal, akat mb o onon pnunge raja ene. Laju ngekar eka kitab. Ai ningkang lou kitab io mak, io ene kitab bolum. Ai ulun-ulun mate pnutus plikara dero sengkono diang gawi gata dero, kati ise yo keo tnulis lang kitab-kitab ene. ¹³ Jadi tasik nyerah ulun-ulun mate yo keo mbo lang ne, ai maot ai kerajaan maot nyerah ulun-ulun mate keo mbo lang ne, ai dero pnutus plikara dero masing-masing diang gawi gata dero. ¹⁴ Laju kerajaan maot ene tnurak epo lang tasik api. Ene ka doko pngnate yo kduo : tasi k api. ¹⁵ Ai tongku ulun yo belo nruku karan iyo tnulis mbo lang kitab bolum ene, io tnurak epo lang tasik api ene.