¹ Ai io nongos akat mbo pantai tasik. Laju aku kito erai kukuy korik nyoret ngket lang tasik, ktanduk spulu keo utok turu; mbo ombon tanduk-tanduk iyo keo spulu mahkota ai mbo utok iyo tnulis karan-karan uja. ² Korik yo itan ku ene kerai nau diang kuli, ai botis iyo kati botis biwang ai bowa iyo kati bowa singa. Ai loden ene mie epo iyo penggalak iyo, ai pnunge iyo ai kuasa iyo yo olay. ³ Jadi melak epo aku erai ngket utok-utok ene ungka kono jail yo tau nte moit mate, tapi jail yo nte moit mate iyo ene ale. Pupus dnia eran, laju lumpat korik ene. ⁴ Ai dero nyembah loden ene, koe io mie kuasa epo korik ene. Ai dero nyembah korik ene, ulak ngulek: "Ise po sama kati korik endo? Ai ise po yo klian prang nglawan io?" ⁵ Ai epo korik ene dnie bowa, yo bol ksombong ai uja; epo iyo dnie low kuasa nte nggawi ene opat pulu duo bulan kola iyo. ⁶ Laju io ngingkang bowa iyo nte nguja Allah, nguja karan-Iyo ai lou awa nongos-Iyo ai eka dero yo nongos mbo sorga. ⁷ Ai io dnie apa kate nte prang nglawan ulun-ulun kudus ai nte mkalah dero; ai epo iyo dnie kuasa ombon tongku suku ai umat ai basa ai bangsa. ⁸ Ai eka-eka ulun yo nongos mbo dnia anta nyembah iyo, yo doko tongku ulun yo karan iyo belo di tnulis ngket des dnia tnampa mbo lang kitab bolum ngket Anak Domba, yo sundok sinomble. ⁹ Ise-ise ulun yo keo tlingo, moko io nempaning! ¹⁰ Ise-ise ulun yo kono tangkeng koe kalah, io anta tnangkeng koe kalah; ise-ise ulun yo pinotoko nte pate diang mendaw, io arus pnate diang mendaw. Yo penting mbo mendo ene yo doko butal ai iman ulun-ulun kudus. ¹¹ Ai aku kito erai kukuy korik yo mak nyoret ngket lang tana ai ktanduk duo sama kati anak domba ai io bsara kati erai kukuy loden. ¹² Ai eka kuasa korik yo tla ene joun iyo onon mato iyo. Koe io mupus dnia ai eka yo ngawa mne nyembah korik yo tla, yo jail olay iyo sundok ale. ¹³ Ai io nampa tanda-tanda yo puga beta, sampe io mendiwa api ngket langit epo dnia ela onon wae mato eka ulun. ¹⁴ Io memektang dero yo nongos mnbo dn ia diang tanda-tanda, yo sundok dnie epoiyo nte ngenjoun ene ela onon wae mato korik ene. Ai io nyemuyu dero yo nongos mbo dnia, apa dero nengkuat sempatung nte ngenuon korik yo jail kono mendaw, tapi yo nokon bolum ene. ¹⁵ Ai epo io dnie kuasa nte mie kesong epo sempatung korik ene, jadi sempatung korik ene bsara low oli, keo gawi gata bemasam, jadi eka ulun, yo belo di nyembah sempatung korik ene, pnate. ¹⁶ Ai koe io, sampe epo eka-eka ulun, alus kodal, tataw kao, bebas ai batak, dnie tanda mbo tangan sanan iyo ai mbo dai iyo, ¹⁷ ai ndok belo erai kongo ulun yo kuli sboli ktine low bjual makse se dero yo makai tanda ene, yo ene karan korik ene ai angka karan iyo. ¹⁸ Yo penting mbo mendo yo ene pentau: ise-ise ulun yo tau bah, alo io ngitung angka korik ene, koe angka ene doko angka erai kongo ulun, ai angka yo ene doko onom jatus onom pulu onom.