¹ Jadi melak ka tanda olay mbo langit: Erai kongo ulun bawe bsua diang mato olo, ai bulan iwat botisiyo ai erai mahkota ngket duo blas bintong ombon utok iyo. ² Io desung klandung kiso buntung ai kbenasa iyo kakan mekus io nontoy kanam siet. ³ Jadi melak ka keo tanda yo mak mbo langit; ai eti tah, erai kukui loden mea sak yo olai, keo utok turu ai btanduk spulu, ai ban utok yo keo turu mahkota. ⁴ Ai ikui yo matak bagi tolu bintong-bintong mbo langit ai nurak iyo epo ban dnia. Ai loden ene akat onon bawe yo kakan mekus ene, nte nolon Pea iyo, peles des sundok bawe ene ngmekus-Iyo. ⁵ Jadi io ngmekus erai kongo Pea song, yo anta nte moit eka bangsa diang glegada bsi; ngolan-ngolan Pea iyo ene nrampas ai noyit buyo epo Allah ai epo takhta-Iyo. ⁶ bawe ene buyo epo padang gurun, mbo mne sundok tnampa erai awa nte iyo koe Allah, apa io jnaga mbo mne seribu duo jatus onom pulu olo kola iyo. ⁷ Jadi des ene timbul ka doko prang mbo sorga. Mikhael ai mlekat-mlekatiyo prang glawan loden ene, ai loden ene awat koe mlekat-mlekatiyo, ⁸ tapi dero belo klian nantai; dero belo kuli awa oli mbo sorga. ⁹ Ai loden olai ene, tinondero nipo tuwo, yo nulek iblis ena belo setan, yo mketang pupus dnia, tnurak epo iwa; io tnurak epo dnia, nrendu diang mlekat-mlekat-iyo. ¹¹ Ai dero mkalah io koe daya Anak Domba, ai koe pmensara pngesah dero. Koe dero belo kosang bolum dero ndok mate. ¹² Koe ene snang-snang ka, o sorga ai ikam eka-eka yo nongos lang ne, bnasa ka doko ikam, o dnia ai tasik! koe iblis sundok diwa epo ikam, lang ngriteniyo mroa, koe io tau, se des iyo sundok duni. ¹³ Ai des loden ene kingat, se io sundok tnurak epo lang dnia, io ngendasu bawe yo ngmekus Pea song ene. ¹⁴ Epo bawe ene dnie duo olar mpulu nasar yo olai, apa io tmiling epo awa yo mbo padang gurun, mbo mne io jnaga oro ngket awa nipo ene kola-kola erai masa ai duo masa ai tenga masa. ¹⁵ Laju nipo ene nyembur danum ngket lang bowa iyo, kolai atang lowak, epo tadah bawe ene, apa io anyut lang lowak ene. ¹⁶ Tapi dnia ulet ngawat bawe ene. Io ngingkang bowa iyo,ai nolon lowak io smbur loden ene ngket bowa iyo. ¹⁷ Jadi mara beta loden ene epo bawe ene, laju malan mrang upus iyo yo mak, yo ngaya aturan-aturan Allah ai keo pmensara nau umbang Yesus. ¹⁸ Ai yo nongos akat mbo pantai tasik.