¹ Lang aturan torat pulun keo umbang prawet-prawet tingen nau umbang kslamat yo anta ene, pian se nau kslamat ene se. Koe ene diang korban ene due-due, yo tiap taun dor gnawi. Aturan torat belo anta nampa smpurna dero yo sundok lumpat lang gawi gata ene. ² Koe ena umbang ene kate jadi, pasti ulun belo anta mie korban prsmbahan oli. Koe dero yo nglaku ibadah ene belo dikingat oli se dosa ngket sundok kono bui sindai nte turai-turai. ³ Tapi koe korban-korban ene ube ulun tongku taun pinoknop se keo dosa. ⁴ Koe daya lmbu song ktine low daya domba song belo anta kuli ngisu ngloli dosa. ⁵ Koe ene des Io sumba epo dnia, Io ngulek: "Korban ai die sokoi belo di tngkakan Ko tapi Iko sundok nydia kompu nte oki. ⁶ Epo korban yo tnuna ai korban nte ngisu ngloli dosa belo di sngkono mbo-Iko. ⁷ Laju Aku ngulek, beta-beta yo Aku se ulet; Lang Alkitab keo tnulis umbang Aku nte nglaku ptua-Ko, o Allah Ku". ⁸ Ela ombo Io ngulek: "Koban ai die sokoi, korban yo tnuna ai korban nte ngisu ngloli dosa belo di tngkakan-Ko ai belo di sngkono mbo-Iko, beta ko die sokoi ene nyarak umbang aturan Torat. ⁹ Ai ulek Io nua; "beta Aku ulet nte nglaku ptua-Ko. "Yo tla loli-Ko, apa kuli nengkuat yo kduo. ¹⁰ Ai koe ptua-Iyo ene doko taka sundok pinoudus sindai bute nte turai-turai koe die sokoi kompu Yesus Kristus. ¹¹ Sundok ene oli tongku imam nglaku tongku olo playanan ai dor bjuli-juli mie sokoi korban yo sama, yo belo anta kuli nte ngisu ngloli dosa. ¹² Tapi Io, sundok Io mie sokoi korban pulun sindai tingen koe dosa, Io tunge nte ndok kden ela tadah sanan Allah, ¹³ ai tempondo Io minte jman yo tingen, des nte bali-bali-Iyo tnampa nte awa pnoda botis-Iyo. ¹⁴ Koe diang erai korban tingen, Io sundok nampa ampurna nte ndok kden dero yo pinokudus koe-Iyo. ¹⁵ Ai umbang nau ene Roh Kudus low ngulek epo taka, ¹⁶ koe des sundok Io bpirman: Endo doko janji yo kakan tampa-Ku diang dero, sundok jman ene, "Io bpirman low:Aku kakan mayak aturan-Ku mbo lang kesong dero ai nulis yo mbo lang kno dero, ¹⁷ Ai aku belo anta oli ngnop-ngnop nau dosa ai pnsala dero." ¹⁸ Jadi ena koe eka ene kate pinokampun, belo di koyoh oli mie korban koe dosa. ¹⁹ Jadi eraibuntung-eraibuntung, koe daya Kristus taka tempondo belo dikeo nte gaer oli nte kuli sumba epo lang awa kudus, ²⁰ Koe Io sundok ngingkang boyan yo bayu ai yo bolum nte taka nglalo dinding pngekang, yo ene kompu tonga-Iyo se, ²¹ ai taka keo Imam Olai nte pngutok Lou Allah. ²² Koe ene ale taka nyruku Allah diang kesong buen ai diang iman yo turon, koe kesong taka sundok binorse ngket kno kesong yo dat, ai kompu tonga taka sundok bnui diang danum yo lio. ²³ Alo ka taka skurut miet epo ise yo sundok pili taka nte pnglawo bolum taka, koe Io yo ngnjanji ene stia. ²⁴ Ai alo taka bako jni apa taka bako awat lang kasih ai lang gawi buen. ²⁵ Nang beta taka belo lumpat mbo kumpulan-kumpulan ibadah taka, kati pnepet ulun-ulun yo mak, tapi alo taka bako tutui bako batuk, ai tambah moyoh nglaku ktine onon se olo Tuhan yo duni aut. ²⁶ Koe ena taka diang ptua taka se memang nampa dosa, des sundok taka kuli pntau ubang ise yo kono, moko ene belo dikeo oli korban nte ngisu ngloli dosa ene. ²⁷ Tapi yo keo ube yo doko pngnate, yo nte nampa kanam bol ktakut kanam nte itek kono ukum ai nte itek api yo raya beta, yo anta nte msia eka ulun tuju nglawan ²⁸ Ena keo ulun yo belo trima diang aturan Musa, io kono ukum pate ulak belo dikeo kanam kosang, leka ngket otang pmsara duo ena belo tolu kongo ulun saksi. ²⁹ Aso pawak ries aso ukuman yo pinokitek epo io yo nganja Pea Allah, yo ngotus se lonsa daya prjanjian yo mkudus iyo, ai io yo nguja Roh kasih karunia? ³⁰ Koe taka tau se Io yo ngulek. "Nte ngmbales ene mpun-Ku. Aku doko yo nuntut nte ngmbales." Ai aso: "Tuhan anta ngukum umat-Iyo." ³¹ Bol-bol pngworing, ena toyak epo lang kayang Allah yo bolum. ³² Knop ka ikam nau umbang yo sundok lalo. Des sundok ikam kuli nte pa, ikam deo sesa koe ikam btahan lang bkokes bkomer ndok gulugali, ³³ montuk ikam nte ulun eti koe nte reko toan ai nte kanam sesa, ktine lou montuk ikam lumpat kono sesa kati dero yo gnawi ktine. ³⁴ Memang ikam sundok jadi lumpat kono lang ksesa ulun-ulun kono ukum ai des jman pngkeo kam kono alek diang pnaksa, ikam nrima umbang ene diang kanam ego, koe ikam tau, se ikam keo pngkeo yo pawak buen ai yo belo di tau waliu nau yo oli. ³⁵ Koe ene nang beta ikam ngndikah kprcaya kam, koe roa upa yo minte ikam. ³⁶ Koe ene ikam arus buket beta, apa des sundok ikam nglaku ptua Allah, ikam kuli ise yo sundok jnanji ene. ³⁷ "Koe belo di olah, toro ile-ile bute aso, ai Io yo kakan ulet, sundok keo, belo di anta nanggo pngulet-Iyo. ³⁸ Tapi ulun-Ku yo, kono anta bolum koe iman, diang ena io ore lumpat, moko ene Aku belo dianta sngkono diang iyo." ³⁹ Tapi taka makse ulun-ulun yo ore lumpat ai jadi nte mate, tapi ulun-ulun yo prcaya ai kuli bolum.