¹ Koe' ene' arus jadi pnurut-pnurut Allah, kati' pea'-pea' snayang, ² diang arus bolum lang kasih, kati' Yesus low sundok sayang epo' ikam ai sundok nyrah kompu tonga'-Iyo' nte' taka' jadi pndie' diang korban yo' buen kewo nte' Allah. ³ Tapi' pokeng koreng diang bmasam nau' rmis panan mranggah ndok ngulek ikam belo kate, kati' yo' pantas nte' ulun-ulun kudus. ⁴ Ktine' low pmnsara' triaw,yo' osaw diang smbarang - koe' yo' ktine' belo pantas - tapi' sbalik yo' bowa' ene' bsukur. ⁵ Jadi endo' nang memang knewot : belo keo ulun pokeng koreng, ulun rmis panan mranggah, arti yo' nymbah brhala yo' kuli bagian mbo' lang Krajaan Kristus diang Allah. ⁶ Nang ikam ptang ulun diang pmnsara-pmnsara osau, koe' yo' ktine' ene' mkulet mara Allah epo' ulun-ulun yo' dikah koe' dadal. ⁷ Koe' ene' nang ikam btman diang dero'. ⁸ Beta ko bune' ikam endo' bolum lang seom, tapi' tempo ndo' ikam pa' lang Tuhan. Koe' ene' ikam arus bolum kati' pea'-pea' pa', ⁹ koe' pa' ene' kbua' suma yo' buen diang adil diang yo' kono, ¹⁰ diang arus nuji ise' yo' sngkono mbo' Tuhan. ¹¹ Nang lumpat gawi gata' lang seom yo' belo kbua' ise'-ise', tapi alo' binolai gawi gata ktine' ene'. ¹² Koe' ngulek tingen ise' yo' gawi dero' mbo' awa' yo' melim nte' ngmai' aut. ¹³ Tapi eka' yo' sundok binolai ke' pa' ene' jadi melak, koe' eka' yo' melak ene pa'. ¹⁴ Ene' doko yo' nulek: "Ruko aut, o ikam yo' turui diang nyuli ngket ekang ulun mate diang Kristus anta' ktarang ombon ikam". ¹⁵ Koe ene, neti diang beta-beta ktimbe nau ikam bolum, nang kati nau ulun galu tapi kati nau ulun pintar, ¹⁶ ai pnakai jman yo keo, koe olo-olo endo triau. ¹⁷ Koe ene nang ikam bungang, tapi bkomer apa ikam tau pngkakan Tuhan. ¹⁸ Ai nang ikam mauk koe anggur, koe anggur nampa pngnanam triau tapi apa ikam ponu diang Roh. ¹⁹ ai bkesah epo sama-sama ikam se lang mazmur, Kidung puji-pujian, ai legu rohani. Slegu ai bdoya doya nte Tuhan diang bol-bol kesong. ²⁰ Trus ka ngulek sukur koe eka-eka soal lang karan Tuhan taka Yesus Kristus epo Allah, Uma taka. ²¹ ai nang ngombo-ngombo se ulun yo mak diang takut epo Kristus. ²² O bawe, patoh epo song kam kati epo Tuhan, ²³ Koe song utok bawe sama kati Kristus utok jmaat. koe Iyo ene nylamat kompu. ²⁴ Koe ene kati jmaat patoh epo Kristus, ktine lou bawe epo song eka-eka soal. ²⁵ O bang song, knosang bawe kam kati Kristus yo sundok nngkosang jmaat ai sundok nyrah kompu-Io nte- jmaat ²⁶ nte mmrse yo, sundok Io mui yo ai ngundus yo diang danum ai Firman, ²⁷ Apa diang ktine Io mayak jmaat la onon Io diang solo, mba di dapei, ai krurut, yo sama kati ene, Tapi apa jmaat brse ai belo keo bila molon ²⁸ Ktine lou bang song arus kosang epo bawe io se sama kati epo kompu io se: Ise yo kosang epo bawe io se, nngkosang kompu io se. ²⁹ Ke belo pini keo ulun yo kekei se kompu io se, tapi ngurus yo ai ngasi yo, sama kati Kristus epo jmaat. ³⁰ Koe taka endo botis kayang kompu-Io. ³¹ Koe ene ulun song btenggang ngket Uma io ai Ine io, ai bkerai diang bawe io, apa dero duo ene jadi erai isi,erai daya. ³² Pngmelim endo olai, tapi yo kno ku ene kaitan Kristus diang jmaat. ³³ Ktine lou, sngkono nte ngkam masing-masing gawi: nngkosang bawe kam kati kompu kam se ai bawe apa patoh epo song io se.