¹ Koe ene aku mie nasehat epo ikam, aku, ulun yo kono penjara koe leka Tuhan, apa penyembolum kam yo kati ulun-ulun yo sundok bnomba koe Tuhan, sengkono diang pmomba kam ene. ² Moko yo ikam ene bolum nang ngomb-ngombo belo kakan iwa se mak, sabar ai nang kois koroi. Pketi kam epo ulun kasih ene diang bako awat gawi erai-erai. ³ Ai bkomer moko yo ikam apa nokon kerai Roh lang tungkus damai sjahtra : ⁴ erai kompu, erai Roh, kati umbang ikam sundok bnomba epo erai pngarapan yo batok lang pmomba kam ene, ⁵ erai Tuhan, erai iman, erai baptisan, ⁶ erai Allah ai Bapa ngket eka-eka, Allah yo belo keo ngombo se-Io, eka-eka ene lang kuasa-Io ba. ⁷ Tapi epo taka masing-masing sundok dnie kasih karunia' sngkono diang kroa die kristus. ⁸ Ene moko kati yo keo sundok tnulis : "jman ene Io dombo epo ombo, Io moit tawanan-tawanan; Io mie die sokoi nte ulun-ulun-Io" ⁹ Belo be "Io sundok dombo" arti yo, se Io ene sundok diwa epo tadah dnia yo iwa tingen?. ¹⁰ Io yo sundok diwa, Io low yo sundok dombo pawak ombo aso ngket eka-eka langit, nte nemponu eka-eka yo keo. ¹¹ Io yo mie rasul-rasul ai nabi-nabi, ktine low pngabar-pngabar injil ai gmbala-gmbala diang guru-guru. ¹² nte nglngkap ulun-ulun kudus lang playanan, nte ngmbangun kompu Kristus, ¹³ sampe taka eka-eka krapet kerai iman ai pntau yo kono soal Anak Allah. Bol ktuo, ai pnduan yo sngkono diang ksmpurna kristus. ¹⁴ Taka belo di pea alus oli, yo aya oyot belo otang lumpat nau umbang nte ulun, resi pngaruh nau nte ulun yo kakan nipu ngakal yo tau nte nampa sala tadah. ¹⁵ Tapi diang miet skongkong epo yo beta lang kasih taka menduan lang eka-eka soal epo tadah Io, Kristus, yo nte Pengutok. ¹⁶ Ngket-Io ene eka kompu, yo bsusun binonuen ai tnungkus jadi erai koe pelayanan, masing-masing bagian ene, sngkono diang nau umbang gawi gata tongku kongo, nerima penduan yo ai membangun diri-io lang kasih. ¹⁷ Koe ene aku ngulek diang negas endo epo ikam lang Tuhan: Nang bolum oli sama kati ulun-ulun yo belo tau se Allah diang pngentau yo belo tadah ¹⁸ Diang pngentau yo seom, oro ngket bolum bklompok diang Allah, koe kbungang yo keo mbo dero ai keo akal dadal yo keo mbo kesong dero. ¹⁹ Pngenanam dero sundok ngalor, koe ene dero nyrah bolum dero epo pengkakan triaw ai mranggah diang bemasam gawi gata remis. ²⁰ Tapi ikam belo di ktine. Ikam sundok blajar tau se Kritus. ²¹ Koe ikam sundok kringo soal Io ai sundok nrima tutui batuk lang Io yo beta melak lang Yesus, ²² koe ene ikam, yo aso preket diang bolum kam aso ono, arus ngendikah nau bolum kam yo ono ene, yo tadah epo bnasa koe napsu yo ngrusak, ²³ apa tinombayu lang roh ai pngenanam kam, ²⁴ ai jadi ulun bayu, yo tnampa kati nau ptua Allah diang boyan yo sengkono ai kudus yo sbeta yo. ²⁵ Koe ene noding eta, bsurah yo beta epo ulun mak, koe taka sama-sama anggota taka se. ²⁶ Ena ikam mara, nang sampe nte nampa dosa: nang sampe lalo se olo tonop, pngmara kam ene ²⁷ ai nang dnie boyan nte iblis. ²⁸ Ulun yo ngako, nang io ngako nua, alo yo bgawi diang moyoh diang nggawi yo buen diang kayang yo se, apa io kuli ngmbagi ise-ise nte ulun yo belo keo ise-ise. ²⁹ Nang keo kesah triaw baling ngket bowa kam, tapi bsurah yo buen nte memeturon, ela mone perlu, apa dero yo kringo, kuli kasih karunia. ³⁰ Ai nang ikam mnsiet kesong Roh Kudus Allah, yo sundok ngemetrai ikam nte nyambut olo kslamatan. ³¹ Eka yo pait, briek, pngemara, ruok, ai ptenah ene arus noding ket ikam, ene low diang eka-eka hal yo dat. ³² Tapi ikam arus bako buen diang erai-erai, bako sayang ai bako ampun, kati Allah lang Kritus yo ngampun ikam.