¹ Ene' doko tukun yo' aku' endo', Paulus, ulun yo' kono pinonjara' koe' karan Kristus Yesus nte' ngkam ulun-ulun yo' belo tau' se Allah ² -beta ikam sundok kringo' nau' tugas ku' nte' ngnggawi kasih karunia Allah, yo' sundok dnie' epo' aku' koe' ikam, ³ yo' doko ktimbe' yo' melim ene' pinokelak epo' aku' diang wahyu', kati' yo' sundok tulis ku' la ombo diang idok. ⁴ Ena' ikam ngmbaca' yo', ikam kuli' tau' ngket ene', pntau' ku' se yo' melim mbo' Kristus ene', ⁵ yo' des jman ulun-ulun bai bareh belo di pinotau' epo' pea'-pea' ulun, tapi' yo' tempo ndo' pinokelak mbo' lang Roh epo' rasul-rasul ai nabi'-nabi' yo' brse, ⁶ yo' doko ulun-ulun yo' makse Yahudi, koe' Kabar Injil, lumpat jadi nguwaris ai botis kayang kompu tonga' diang lumpat lang janji yo' dnie' lang Kristus Yesus. ⁷ Ngket Injil ene' aku' sundok nte' jadi playan-iyo, kati yo' pndie' kasih karunia Allah, yo' dnie' epo' aku' sngkono diang pnggawi kuasa-Iyo'. ⁸ Epo' aku',yo' paling dikah mbo' ekang eka'-eka' ulun brese, sundok dnie' kasih karunia endo', nte' ngabar epo' ulun-ulun makse Yahudi pngkeo Kristus, yo' belo taro kira ene', ⁹ diang nte' mkelak ise' atok yo' tugas pnggawi yo' melim ene' yo' bjatus-jatus taun bkona' lang Allah, yo' nampa' eka'-ekax ene', ¹⁰ apa' tempo ndo' koe' jemaat pinotau' deo' jnnis hikmat Allah epo' pmerenta-pmerenta diang pnguasa-pnguasa mbo' sorga, sngkono diang ptua' kden, ¹¹ yo' sundok laku'-Iyo' lang Kristus Yesus, Tuhan taka'. ¹² Lang Io taka kuli pngronu ai boyan sumba epo Alla diang bol persaya koe iman taka epo Io. ¹³ Koe ene aku tindu epo ikam, apa ikam nang tawai kito ke kito nau pmnasaku koe ikam, koe pmnasaku ene dko kmuliaan kam. ¹⁴ Ene dko aku nymbah epo Bapa, ¹⁵ Yo ngket Io eka-upus yo lang sorga ai ban dnia nrima karan yo. ¹⁶ Aku bdoa apa Io, kati pngkeo kmuliaan-Io, mmturon ai ntap ikam koe Roh-Io lang kesong kam, ¹⁷ Koe iman kam Kristus nongos lang kesong kam ai kwakat ai ktondal mbo lang kasih. ¹⁸ Aku bdoa, apa ikam sama-sama diang eka ulun brse ampa paham, bukan main ksae yo, kanjang yo, kombo yo ai klontop kasih Kristus, ¹⁹ ai kuli ngnal kasih ene, tontan io nglalo eka pngntau. Aku bdoa, apa ikam tinomponu diang Allah se. ²⁰ Nte Io se, io kuli nggawi yo pawak lngkat se kdeo doa diang kno taka, kati yo melak ngket kuasa yo bgawi lang taka, ²¹ nte Io se kmuliaan lang jmaat ai lang Kristus Yesus ampe upus umang dok dilo natu. Amin.