¹ Ikam bune sundok mate koe pnsala-pnsala diang dosa-dosa kam . ² ikam bolum lang ne, koe ikam lumpat nau umbang lang dnia ene, koe ikam gaya penguasa raja setan, yo ene roh tempo ndo sundok begawi mo ulun-ulun triau akal. ³ sebeta yo ba'i eka kain sumba itung diang dero, des kain bolum lang hawa nabsu daging ai ngaya pngkakan daging, diang pngenanam kain yo triau. sbeta yo kain ene ulun-ulun yo arus tnokai, ai sama kati dero yo mak. ⁴ Tapi Allah kaya diang sifat pngampun ke kosang Io mroa diang ruak ruawau, die Io epo taka. ⁵ Sundok nmbolum taka sama-sama diang Kristus, tontan taka sundok mate ke pensala- pnsala taka -- ke kasih karunia ikam sinolamat - ⁶ ai Lang Kristus Yesus Io sundok mmesuli taka lou diang mie awa sama-sama diang io lang Sorga. ⁷ Apa di dilonatu Io nutui epo taka nau kekayaan kasih karunia Io yo ruak ruwau sengkono diang kbuen Io epo taka lang Kristus Yesus. ⁸ Ke kasih karunia ikam' sinolamat ke iman; ene makse asil usaha kam, tapi ene die Allah, ⁹ ene makse asil gawi gata kam: nang keo ulun yo nondek diri io se. ¹⁰ Ke taka endo tampa Allah, tnampa lang Kristus Yesus nte' nampa gawi buen, yo sinodia ke Allah des onon se ene, Io kakan, apa taka bolum lang ne. ¹¹ Ene arus knop, des ba'i ikam'- kati ulun-ulun makse Yahudi ngaya nte daging, yo kati ulun-ulun belo katep koe dero' ngulek se diri yo "katep" yo ene katep yo gnawi makai kayang ulun, - ¹² Des jman ene ikam belo keo Kristus, belo sumba lang warga Israel diang belo kuli bagian lang ise-ise yo pnutus, belo keo nte kundong diang belo keo Allah lang dnia. ¹³ Tapi tempondo lang Tuhan Yesus ikam, yo bune " oro", tapi tempondo " dempet" keo daya kristus. ¹⁴ koe Io ene damai sejahtra taka, yo sundok memekerai duo pihak ai sundok ngeroros diding pnenggang, yo doko mangkotulan. ¹⁵ koe diang mate-Io kati ulun Io sundok mkore hukum taurat diang eka prenta ai aturan Io, ente nampa keduoio jadi erai ulun bayu lang kompu-Io, ai diang ene memekeo damai sejaktra, ¹⁶ ai nte ngendamai keduoio, lang erai kompu, diang Allah koe salib, diang ngmapos mangkotulan mbo salib ene. ¹⁷ Io ulet ai ngabar damai sejahtra epo ikam yo "oroh" ai damai sejahtra epo dero yo "dmpet" ¹⁸ koe ngket Io taka duo pihak lang erai Roh kuli boyan sumba epo Bapa. ¹⁹ Koe ktine ikam makse oli ulun baling ai penyumba, tapi erai kumpulan ngket ulun-ulun kudus ai anggota-anggota keluarga Allah. ²⁰ yo tinongkuat ombon dasar rasul-rasul ai nabi-nabi, diang Kristus Yesus nte batu penjuru. ²¹ ai bangunan tumbu mbo lang Io, besusun buen, jadi bait Allah yo kudus, mbo lang Tuhan. ²² mbo lang Io ikam lou lumpat tinongkuat jadi awa penongos Allah, mbo lang Roh.