¹ O pea-pea,aya kam nte ulun tuo kam lang Tuhan,koe arus ketine. ² Hormat epo ine uma kam-endo ptua yo penting,kati yo melak ngket janji endo: ³ apa ikam bolum snang ai anjang umur kam mbo dnia. ⁴ Ai ikam,bapa-bapa,nang nampa ngati mara lang kesong pea-pea kam,tapi bnatuk dero diang batuk tutui diang nsehat Tuhan. ⁵ O batak-batak, patoh epo tuan kam yo mbo dnia diang takut ai ngrikitik,ai diang buen kesong, sama kati nau ikam patoh epo Kristus, ⁶ nang onon dero tingen nte memesenang kesong ulun,tapi kati nau hamba-hanba Kristus yo diang bol-bol kesong nggawi yo petua Allah, ⁷ ai yo diang rela nggawi pelayanan yo katinau ulun-ulun yo nglayan Tuhan makse ulun. ⁸ Ikam tau,se tongku ulun,buen batak, ene low ulun bebas,ena io sundok keo gawi yo buen,io anta nerima bales yo ngket Tuhan. ⁹ Ai ikam tuan-tuan,gnawi ketine low epo dero ai nang ptako.Knop,koe Tuhan dero ai Tuhan kam keo ela sorga ai Io belo meti wae. ¹⁰ Pnyundok yo,koe ka ikam turon mbo lang Tuhan,mbo lang penggalak kuasa Iyo. ¹¹ Pnakai eka klengkapan senjata Allah,apa ikam kuli btahan nglawan akal triaw Iblis; ¹² Koe perjuangan taka makse nglawan daya diang isi,tapi nglawan pmerinta-pmerinta,nglawan pnguasa-pnguasa,nglawan pngulu-pngulu denia yo seom endo,nglawan roh-roh dat ela ombo. ¹³ Koe ene nalek eka klengkapan senjata Allah,apa ikam kuli nglawan des olo yo dat ene ai tetap akat,sundok ikam nyundok eka-eka yo ene. ¹⁴ Jadi akat tngkorong, bnolit towing diang kono ai makai baju waja adil, ¹⁵ botis pakai trumpak rela ente nyampe Injil damai sejahtra; ¹⁶ lang eka nau umbang pnakai pnangkis iman, koe diang pnangkis ene ikam anta kuli marom brarau api engket setan, ¹⁷ ai tinorima topi waja slamat diang mendau Roh, yo doko fiman Allah, ¹⁸ lang eka-eka doa ai pnindu. bdoa trus lang Roh ai bjaga-bjaga lang doa kam ene diang pnindu belo brenti ente eka-eka ulun Kudus, ¹⁹ ente oki lou, apa aku, ena aku ngingkang bowaku, dnie pyurah yo beta, apa diang pngronu aku nyampe pngemelim Injil, ²⁰ koe Injil ene aku jadi yo snuyu yo tempondo lang penjara, bdoa apa diang pngronu aku mekelak iyo, kati yo skono nte oki kesah. ²¹ apa ikam lou tau nau umbang ku, jadi tikhikus, eraibuntung taka yo snayang ai playanan yo stia lang Tuhan, anta memetau eka-eka ene epo ikam, ²² diang ptua endo doko io suyu ku epo ikam,apa ikam tau nau umbang kain ai apa io nyempae kesong kam. ²³ Damai sejahtra ai kasih diang iman ngket Allah, Bapa ai ngket Tuhan Yesus Kristus diang eka-eka eraibuntung. ²⁴ Kasih karunia diang eka-eka ulun, yo nkosang Tuhan taka Yesus Kristus diang kasih yo belo anta brinti.