¹ Smentara ene ngrndek kesong Saulus kakan ngancam ai ngmpate murid-murid Tuhan. Io ngadap Imam Besar, ² ai tindu surat kuasa ngket io nte oit epo pngntuo-pngntuo Yahudi ela Damsyik, apa ena yo ruku song bawe-bawe yo lumpat boyan Tuhan, io nangop dero ai moit dero epo Yerusalem. ³ Lang dalan io epo Damsyik, des io sundok dmpet kota ene, kolan-kolan keo wala mnsar ngket langit nglekum io. ⁴ yo pukan epo tana io kringo keo oyon yo ngulek epo io: "Saulus, Saulus, ise mko iko ngurow Aku?" ⁵ Tuing Saulus: " ise si Iko endo, Tuhan?" ulek-Io: "Aku dko Yesus yo kurow ko ene. ⁶ Tapi uat iko ai berangkat iko epo lang kota, la lane keo kakan knesah epo iko, ise yo nte ngko gawi." ⁷ Koe ene ngrngao teman-teman io yo sama-sama malan diang io, dero keo memang kringo oyon ene, tapi sama skali belo keo kito ise-ise. ⁸ Saulus uat ai akat, trus kolat tapi io belo keo pngkito; dero harus ngayak io sumba epo Damsyik. ⁹ Tolu olo kola yo belo keo kito ise-ise ai tolu olo lou belo keo kuman nyingkap. ¹⁰ Ela Damsyik keo erai kongo murid Tuhan karan yo Ananias. Firman Tuhan epo yo keo pngkito: "Ananias!" twing yo " Ndo Aku Tuhan!" ¹¹ Firman Tuhan: " Malan aut epo boyan nan karan se boyan lonus, ai eto ta epo lou Yudas erai kongo ulun ngket Tarsus yo karan se Saulus. Io tmpondo sembayang, ¹² ai lang pngkito ene io meti, erang kongo ulun yo keo karan se Ananias sumba epo dalom diang nente kayang ombon io, apa io kuli kito nua." ¹³ Tuing Ananias:"Tuhan, ngket deo' ulun aku' sundok kringo' hal ulun ene', deo' beta yo' dat gawi io' epo' ulun susi Ko' mbo' Yerusalem. ¹⁴ Diang io' ulet epo' mndo' kuli' kuasa' ngket imam-imam pengutok nte' nangop eka'-eka' ulun yo' momba' karanKo'. ¹⁵ Tapi ulek Tuhan epo' io': "Malan ka' epo' daro', koe' ulun ene' kakas beta-beta tau' nte' Oki' pakai nte' moit karanKu' epo' bangsa-bangsa yo' mak diang low raja-raja diang ulun-ulun Israel. ¹⁶ Aku' se kan nunjuk epo' io' se deo' beta sngsara io' koe' karanKu'. ¹⁷ Jadi Ananias malan epo' daro' trus sumba' lou' ene'. Io' mayak kayang io' ombon Saulus, ulak ngulek:"Saulus, erai buntungku', Tuhan Yesus yo' sundok mekelak kompu Io' epo' iko' la boyan pengelalo ko' ene', sundok nyuyu' aku' epo' iko', apa' mato ko' kito nua' diang ponu' Roh Kudus. ¹⁸ Jadi des ene' peles kati' ungka' keo sloput latu' ngket mato io', ngket ne' io' kito nua'. Io' uat trus pinoslom. Des sundok io' kuman io' keo pengelian nua'. ¹⁹ Saulus nongos tenu'-tenu' olo sama-sama diang murid-murid mbo' Damsyik. ²⁰ Des ene' peles low io' ngesah Yesus mbo' lou'-lou' awa' sembayang, ulak ngulek se Yesus ene' Anak Allah. ²¹ Eka'-eka' ulun yo' nempaning ene' jadi eran ulak ngulek:"Mak be io' endo' yo' mbo' Yerusalem kakan ngempate ise'-ise' ulun yo' momba' karan Yesus endo'? Diang belo be io' ulet dido' diang ptua' nte' nangop diang moit dero' epo' ngadap pengutok-pengutok imam?" ²² Tapi Saulus makin tambah olai pengaruh io' ulak io' ngembengong ulun-ulun Yahudi yo' nongos mbo' Damsyik, koe io' ngelak bukti' se Yesus ene' Kristus. ²³ Sundok tenu'-tenu' olo lalo ulun Yahudi ngrondeng ptua' nte' ngempate Saulus. ²⁴ Tapi' ptua' dat ene' Saulus tau'. Molo malom ulun-ulun Yahudi mungka' mbo' tiap jawong kota' apa' kuli' ngempate io'. ²⁵ Tapi' des malom-malom murid-murid io' ene' ngalek io' diang mediwa' io' tete ombon dinding kota' lang rantun. ²⁶ Des sampe mbo' Yerusalem Saulus nyoba' gabung diang murid-murid, tapi' eka'-eka' dero' takut se io', koe' dero' belo pian persaya se io' murid low. ²⁷ Tapi' Barnabas nrima' io' diang moit io' epo' rasul-rasul diang ngesah epo' dero', ketimbe' Saulus kito Tuhan mbo' tenga boyan ai Tuhan besara' diang io,' diang ketimbe' kronu io' matuk nutui mbo' Damsyik lang karan Yesus. ²⁸ Ai Saulus nokon sama-sama diang dero mbo Yerusalem,ai diang ronu ngembatuk lang karan Tuhan. ²⁹ Io lou besara ai bersoal jawab diang ulun-ulun Yahudi yo makai basa Yunani,tapi dero ene ngerencana kakan ngempate yo. ³⁰ Des ene lou sundok hal ene ketauan ke erai buntung-erai buntung anggota jemaat,dero moit yo epo Kaisaria ai ngket mne ngembatu yo epo Tarsus. ³¹ Tenu-tenu kola jemaat mbo eka-eka Yudea, Galilea ai Samaria keo lang damai.Jemaat ene dibangun ai bolum takut epo Tuhan. Kedeo dero makin ketambah olai koe pertolongan ai penghiburan Roh Kudus. ³² Des jeman ene Petrus malan keliling, mengadakan kunjungan ke mana-mana. La boyan ene yo singgah lou epo ulun-ulun Kudus yo mbo Lida. ³³ Mbo mne yo ruku erai kongo ulun nan karan se Eneas,yo sundok walu taun lumbi mbo awa penurui koe pokung. ³⁴ Ulek Petrus:"Eneas,Yesus Kristus mekale iko;uat ai sikup awa penunurui ko!"Des ene lou uat ulun ene. ³⁵ Eka-eka ulun Lida ai Saron kito yo,laju dero mulik epo Tuhan. ³⁶ Mbo Yope keo erai kongo murid bawe nan karan Tabita lang basa Yunani Dorkas.Bawe ene deo beta nampa gawi buen ai mie sedekah. ³⁷ Des ene yo keroton laju mate.Sundok pinokundus,mayat yo pinolumbi mbo loteng. ³⁸ Lida dmpet diang Yope, des murid-murid kringo, se Petrus keo mbo Lida, dero nyemuyu ulun duo kongo tindu: "Resi-resi ulet epo awa kain." ³⁹ Petrus braduh lansung brangkat diang dero. Des dero Sampe mbo lane, io noit epo loteng eka balu akat ngompoh io ulak nangis dero nutui epo io eka-eka baju panan diris laung, yo tampa Dorkas des iyo aso bolum. ⁴⁰ Tapi Petrus nyuyu dero eka baling, trus io blutut nte sembayang. Trus io sk uleng epo tadah antu ene diang ngulek: "Tabita, uat iko." Ngket ne Tabita kolat, des meti Petrus io uat laju tunge. ⁴¹ Petrus ngop tangan io diang ngawat io akat. Laju momba ulun-ulun kudus diang balu-balu, trus nutui epo dero se bawe ene bolum. ⁴² Kabar ene dingo sampe pupus Yope ngket ne deo ulun jadi persaya epo Tuhan. ⁴³ Ngket ne Petrus tenu-tenu olo mbo Yope mbo blai ulun yo karan se Simon tukang gadoh upak.